ရှုံးပွဲမရှိ ၇ သင်းနဲ့အတူ အကြိတ်အနယ်ရှိတဲ့ လာလီဂါ ပွဲစဉ် ၃

စက်တင်ဘာ ၁၅၊ ၂၀၁၅
M-Media

– ဒီတစ်ပတ် လာလီဂါ ပွဲစဉ် ၃ မှာ ဘာစီလိုနာက တောင်အမေရိက တိုက်စစ်အတွဲ နေးမာနဲ့ မက်ဆီတို့ရဲ့ ဒုတိယပိုင်းဂိုးတွေနဲ့ အက်သလက်တီကိုကို အဝေးကွင်းမှာ အနိုင်ကစားက ၃ မှတ် ယူနိုင်ခဲ့ပါတယ်။ ကစားကွက်အသာရခဲ့တဲ့ ဘာကာဟာ ဒုတိယပိုင်းအစမှာ ဦးဆောင်ဂိုး အရင်ပေးလိုက်ရတာပါ။ ရီးယဲလ်ကတော့ အက်စ်ပန်ညိုကွင်းမှာ ၆ ဂိုးပြတ်ခဲ့ပြီး ရော်နယ်ဒိုက ၅ ဂိုး သွင်းပေးခဲ့ပါတယ်။ ဒီဂိုးတွေကြောင့် ရော်နယ်ဒိုဟာ ရီးယဲလ်ဂန္တ၀င်တိုက်စစ်မှူး ရာအူးလ်ရဲ့ သွင်းဂိုးစံချိန်ကို ကျော်ဖြတ်နိုင်ခဲ့ပြီ ဖြစ်ပါတယ်။

ပြီးခဲ့တဲ့တစ်ပတ်က အဆင့် ၁ နေရာမှာရှိခဲ့တဲ့ ဆဲလ်တာဗီဂိုဟာ ပထမပိုင်း မိနစ် ၂၀ မှာပဲ ၂ ဂိုးပြတ်နဲ့ တစ်ယောက်အသာ ကစားခဲ့ရပေမယ့် မထိန်းနိုင်တာကြောင့် တန်းတက် လက်စ်ပါလ်းမက်နဲ့ ၃ ဂိုးစီ သရေကျခဲ့ပါတယ်။

ခြေစွမ်းကောင်းပြနေတဲ့ တန်းတက်အိုက်ဘာကတော့ မာလာဂါကို အဝေးကွင်းမှာ ခံစစ်အားပြုကစားခဲ့ပြီး သရေကျခဲ့တဲ့အတွက် ရှုံးပွဲမရှိ စံချိန်ကို ဆက်ထိန်းထားနိုင်ခဲ့ပါတယ်။ လာလီဂါ ၃ ပွဲအပြီးမှာ ထိပ်ဆုံးက ၅ သင်းနဲ့ ဒီပို့တီဗို၊ ဗလင်စီယာတို့ ရှုံးပွဲမရှိသေးဘဲ အကြိတ်အနယ်ရှိနေပါတယ်။

လာလီဂါ ပွဲစဉ် ၃ ရလဒ်များကတော့ အောက်ပါအတိုင်း ဖြစ်ပါတယ်။

လီဗန်တေး ၁-၁ ဆီးဗီးလား
အက်စပန်ညို ၀-၆ ရီးယဲလ်
စပို့တင်းဂီဂျွန် ၀-၁ ဗလင်စီယာ
အက်သလက်တီကို ၁-၂ ဘာစီလိုနာ
ရီးယဲလ်ဘက်တစ် ၁-၀ ဆိုစီဒက်
ဂရာနာဒါ ၁-၃ ဗီလာရီးယဲလ်
ဘီဘာအို ၃-၁ ဂီတာဖေး
ဆဲလ်တာဗီဂို ၃-၃ လက်စ်ပါးလ်မက်စ်
မာလာဂါ ၀-၀ အိုက်ဘာ
ဗယ်လက်ကာနို ၁-၃ ဒီပို့တီဗို