တောင်တရုတ်ပင်လယ်တွင် တရုတ်က တတိယမြောက် လေယာဉ်ဆင်းကွင်း ဆောက်လုပ်

စက်တင်ဘာ ၁၅၊ ၂၀၁၅
M-Media

– တောင်တရုတ်ပင်လယ်အတွင်းရှိ ပိုင်ဆိုင်မှု အငြင်းပွားနေသော ဒေသတွင် တရုတ်နိုင်ငံက တတိယမြောက် လေယာဉ်ဆင်းကွင်းကို ဆောက်လုပ်နေသည်ဟု ဂြိုဟ်တုဓာတ်ပုံများကို ကိုးကား၍ အမေရိကန်မှ ကျွမ်းကျင်သူတစ်ဦးက ယမန်နေ့တွင် ပြောကြားခဲ့သည်။

ဓာတ်ပုံများကို ၀ါရှင်တန်ရှိ မဟာဗျူဟာနှင့် နိုင်ငံရေးရာ လေ့လာမှုစင်တာ CSIS အတွက် စက်တင်ဘာ ၈ ရက်နေ့တွင် ရိုက်ကူးခဲ့ခြင်းဖြစ်ပြီး Mischief သန္တာကျောက်တန်း၌ အဆိုပါ လေယာဉ်ကွင်း ဆောက်လုပ်နေမှုများကို တွေ့ရှိခဲ့ရသည်။ ထိုသန္တာကျောက်တန်းမှာ စပရက်လေကျွန်းစုတွင် တရုတ်နိုင်ငံမှ ဖန်တီးထားသည့် ကျွန်းတုများမှ တစ်ခုလည်းဖြစ်သည်။

ထိုလေယာဉ်ကွင်းမှာ ထောင့်မှန်စတုဂံပုံဖြစ်ပြီး မီတာ ၃၀၀၀ ခန့် ရှည်လျားကာ အခြား သန္တာကျောက်တန်း နှစ်ခုဖြစ်သော ဆူဘီနှင့် ဖိုင်ယာရီခရော့စ်တို့တွင် ဆောက်လုပ်ထားသည့် လေယာဉ်ကွင်းများနှင့် ပုံစံတူဖြစ်သည်ဟု CSIS ၏ အာရှရေကြောင်း ပွင့်လင်းမြင်သာမှု ရှေ့ဆောင်အဖွဲ့ AMTI မှ ဒါရိုက်တာဖြစ်သူ ဂရက်ဂ်ျ ပိုလင်းက ပြောကြားခဲ့သည်။

အမေရိကန် ကာကွယ်ရေးဌာနမှ ပြောရေးဆိုခွင့်ရှိသူ တပ်မှူး ဘီလ်အာဘန်ကမူ ပိုလင်း၏ ထိုပြောကြားမှုနှင့် ပတ်သက်၍ မှတ်ချက်ပေးရန် ငြင်းဆိုခဲ့ပြီး တင်းမာမှုများ လျော့ကျရန်နှင့် သံတမန်နည်းလမ်းအရ ဖြေရှင်းခွင့် ဖန်တီးရန်တို့အတွက် တောင်တရုတ်ပင်လယ်အတွင်း နယ်မြေပိုင်ဆိုင်ကြောင်း ကြေငြာခြင်း၊ ဆောက်လုပ်ရေးလုပ်ငန်းနှင့် စစ်ဘက်ဆိုင်ရာ လုပ်ငန်များ ဆောင်ရွက်ခြင်းတို့ကို ရပ်တန့်ရန် အမေရိကန်က ထပ်မံ တိုက်တွန်းလိုက်သည်ဟု ပြောကြားခဲ့သည်။

Mischief သန္တာကျောက်တန်းတွင် ဆောက်လုပ်နေသည့် အဆိုပါ လေယာဉ်ကွင်းမှာ တောင်တရုတ်ပင်လယ်အတွင်း နယ်မြေပိုင်ဆိုင်ကြောင်း ကြေငြာထားသည့် နိုင်ငံများ အထူးသဖြင့် ဖိလစ်ပိုင်နိုင်ငံအတွက် စိုးရိမ်စရာ ဖြစ်လာမည်ဖြစ်သည်။

ထိုလေယာဉ်ကွင်းကြောင့် တရုတ်မှာ ဖိလစ်ပိုင်က ရေနံနှင့် သဘာဝဓာတ်ငွေ့များ ရှာဖွေနေသော နေရာအနီးတွင် လှည့်လည် စောင့်ကြပ်မှုများ တိုးမြှင့်ပြုလုပ်နိုင်လိမ့်မည်ဟု ပိုလင်းက ပြောကြားခဲ့သည်။ ထို့ပြင် အငြင်းပွားဖွယ်ရာ ကျွန်းစုရှိ လေယာဉ်ဆင်းကွင်း ၃ ကွင်းစလုံး ပြီးစီးသွားပါက တောင်တရုတ်ပင်လယ်အတွင်းရှိ လေကြောင်းသွားလာမှုကို တရုတ်က ခြိမ်းခြောက်နိုင်မည်ဖြစ်ပြီး၊
လေကြောင်းကာကွယ်ရေးကို တိုးမြှင့်လုပ်ဆောင်နိုင်မည်ဖြစ်ကာ စိုးရိမ်စရာဟု ၎င်းက ထည့်သွင်း ပြောကြားခဲ့သည်။

တရုတ်သမ္မတ ဇီကျင်ပင်းမှာ လာမည့် သီတင်းပတ်တွင် ၀ါရှင်တန်သို့ သွားရောက် လည်ပတ်မည်ဖြစ်ပြီး၊ တောင်တရုတ်ပင်လယ်ကိစ္စမှာ အမေရိကန်နှင့် ဆွေးနွေးမည့် ကိစ္စများတွင် ထိပ်ဆုံး၌ ပါဝင်မည်ဟု မျှော်လင့်ရသည်။

Ref: Channelnewsaisa