နိုင်ငံတကာ သတင်းတို (စက်တင်ဘာ ၁၅၊ ၂၀၁၅)

စက်တင်ဘာ ၁၅၊ ၂၀၁၅
M-Media

အဲလ်ပ်စ်တောင်တန်းတွင် နှင်းထုပြိုကျ၊ ၇ ဦးသေဆုံး
………………………………….
ပြင်သစ်နိုင်ငံ အဲလ်ပ်စ်တောင်တန်းမှ တောင်တစ်ခုတွင် နှင်းခဲများ ယနေ့တွင် ပြိုဆင်းမှုကြောင့် လူ ၇ ဦး သေဆုံးခဲ့ပြီး အခြား ၂ ဦးမှာ ပျောက်ဆုံးနေသည်ဟု AFP သတင်းဌာနက ဖော်ပြခဲ့သည်။ အမြင့်ပေ ၄၀၁၅ မီတာရှိပြီး တောင်တက်သမားများ လူကြိုက်များသည့် Massif des Ecrins တောင်တွင် ဖြစ်ပွားခဲ့ခြင်းဖြစ်ပြီး ပျောက်ဆုံးနေသူများကို ကယ်ဆယ်ရေးသမားများက လိုက်လံ ရှာဖွေလျက်ရှိနေသည်။

ဆီရာလီယိုနီတွင် အီဘိုလာ တစ်ကျော့ပြန်လာ
……………………………
နိုင်ငံမြောက်ပိုင်းရှိ မာကီနီမြို့တွင် အီဘိုလာကြောင့် အသက် ၁၆ နှစ်အရွယ် အမျိုးသမီးငယ်တစ်ဦး သေဆုံးပြီးနောက် အာဖရိကရှိ ဆီရာလီယိုနီနိုင်ငံတွင် လူပေါင်း ၇၀၀ နီးပါးကို သီးသန့် ထိန်းသိမ်းထားလိုက်ပြီဟု အာဏာပိုင်များက ယနေ့တွင် ပြောကြားခဲ့သည်။ ဆီရာလီယိုနီတွင် အီဘိုလာ ကူးစက်မှုမရှိသည်မှာ ၆ လကျော် ကြာမြင့်နေပြီဖြစ်ပြီး ယခုမှ ပြန်လည်ပေါ်ပေါက်လာခြင်းဖြစ်သည်။
သီးသန့်ခွဲထားသူများတွင် သေဆုံးသွားသည့် အမျိုးသမီးငယ်၏ မိဘများ၊ ဆွေမျိုးများနှင့် အတန်းဖော်များ ပါဝင်ပြီး ၂၁ ရက်အထိ စောင့်ကြည့်မည်ဖြစ်သည်။

တူရကီတွင် ဒုက္ခသည်စက်လှေတစ်စီး တိမ်းမှောက်၊ ၂၂ ဦး သေဆုံး
…………………………………….
ဂရိနိုင်ငံသို့ ၀င်ရောက်ရန် ကြိုးစားသည့် ဒုက္ခသည်များ တင်ဆောင်လာသော သစ်သား စက်လှေတစ်စီးမှာ တူရကီနိုင်ငံ အနောက်တောင်ဘက်၌ ယနေ့တွင် နစ်မြုပ်ခဲ့သောကြောင့် ဒုက္ခသည် အနည်ဆုံး ၂၂ ဦးသေဆုံးခဲ့ကာ တူရကီ ကမ်းခြေစောင့်တပ်ဖွဲ့များက အခြား ၂၁၁ ဦးကို ကယ်တင်နိုင်ခဲ့သည်။

Ref: News Agencies