အမေရိကန်ပြည်နယ်တစ်ခုတွင် ရေကြီး၍ လူသေဆုံးမှုများရှိ

စက်တင်ဘာ ၁၆၊ ၂၀၁၅
M-Media

– အမေရိကန်ပြည်ထောင်စု ယူတာပြည်နယ်တွင် မိုးသည်းထန်စွာ ရွာသွန်းပြီး ရေကြီးမှုများကြောင့် သေဆုံးသူ ၁၆ ဦး ရှိနေပြီဟု အာဏာပိုင်များက ယမန်နေ့တွင် ကြေညာခဲ့သည်။

ယူတာ-အရီဇိုးနားနယ်ခြားရှိ မြို့ငယ်တစ်ခုဖြစ်သော ဟီလ်ဒါလီမြို့ မြောက်ဘက် ၃၂ ကီလိုမီတာအကွာတွင် ရှိသည့် ဇီယွန်အမျိုးသားပန်းခြံတွင် တနင်္လာနေ့က ရေကြီးမှုကြောင့် သေဆုံးခဲ့သူမှာ ၁၂ ဦး ရှိခဲ့သည်။ ထို့ပြင် ပျောက်ဆုံးနေသူမှာ ၄ ဦး ရှိသည်ဟု ပန်းခြံ တာဝန်ရှိသူများက ပြောကြားခဲ့သည်။

တနင်္လာနေ့က ရေကြီးမှုကြောင့် ကားနှစ်စီးနှင့်အတူ မျောပါသွားသည့် အမျိုးသမီး ၃ ဦးနှင့် ကလေးငယ် ၁၃ ဦးအုပ်စုတွင်၊ ယမန်နေ့က ကလေးငယ် ၃ ဦးကို အသက်ရှင်လျက် ပြန်လည်တွေ့ရှိခဲ့ရကာ တစ်ဦးမှာ ပျောက်ဆုံးနေသည်ဟု အာဏာပိုင်များက ဆိုသည်။ သို့သော်လည်း သေဆုံးသူ အရေအတွက်ကို ထုတ်ဖော်ပြောဆိုခဲ့ခြင်း မရှိချေ။

ယူတာ-အရီဇိုးနား နယ်စပ်ရှိ ဟီဒါလီမြို့နှင့် ကိုလိုရာဒိုမြို့များကို ဆက်သွယ်သည့် လမ်းများမှာ ရွှံ့များဖြင့် ဖုံးလွှမ်းနေပြီး ရှင်းလင်းမှုများကို ပြုလုပ်နေသည်။ ထို့ပြင် ကယ်ဆယ်ရေးလုပ်သားများကလည်း ရဟတ်ယာဉ်ဖြင့် ရှာဖွေမှုများ ပြုလုပ်နေသည်။

ဒေသခံများကမူ အဆိုပါရေကြီးမှုမှာ ၎င်းတို့ သိရှိခဲ့သမျှ သက်တမ်းတစ်လျှောက်တွင် အဆိုးဝါးဆုံးဖြစ်သည်ဟု ပြောကြားခဲ့သည်။ အမျိုးသား မိုးလေ၀သဌာနကလည်း အဆိုပါ ဒေသများတွင် ရေကြီးမည်ဟု ကြိုတင်အသိပေးမှုများ ပြုလုပ်ခဲ့ပြီး ကုန်းမြင့်သည့်နေရာတွင် နေထိုင်ကြရန် တိုက်တွန်းထားသည်။

ယူတာပြည်နယ်အုပ်ချုပ်ရေးမှူး ဂယ်ရီဟားဘတ်က မိမိတို့မှာ ရှာဖွေ၊ ကယ်ဆယ်ရေးလုပ်ငန်းများ လုပ်ကိုင်ရန်အတွက် လိုအပ်သည်များကို ထောက်ပံ့ပေးနေသည်ဟု ပြောကြားခဲ့သည်။

Ref: Aljazeera