အရှေ့တောင်အာရှ၌ ယာဉ်တိုက်မှုကြောင့် သေဆုံးသူ အများဆုံးစာရင်းတွင် မြန်မာနိုင်ငံက ဒုတိယနေရာတွင် ရှိနေ

စက်တင်ဘာ ၁၆၊ ၂၀၁၅
M-Media

– အရှေ့တောင်အာရှရှိ ယာဉ်တိုက်မှုကြောင့် သေဆုံးသူအများဆုံး နိုင်ငံများတွင် မြန်မာနိုင်ငံမှာ ဒုတိယနေရာတွင် ရှိနေသည်ဟု ဒေသတွင်း ယာဉ်တိုက်မှုအန္တရာယ် ကင်းရှင်းရေးနှင့် ပတ်သက်၍ WHO ၏ ကနဦးတွေ့ရှိချက်များအရ သိရသည်။

အချက်အလက်အတိအကျကို ရရှိခြင်း မရှိသေးသော်လည်း WHO ၏ အရှေ့တောင်အာရှ ရုံးမှ ဒဏ်ရာရရှိမှု၊ ထိခိုက်မှု တားဆီးရေးနှင့် မသန်စွမ်းမှုဆိုင်ရာ အကြံပေး ဒေါက်တာ ချာမိုင်ပန် ဆန်တီကာန်က ယခုနှစ်နှောင်းပိုင်းတွင် ထုတ်ပြန်မည့် အစီရင်ခံစာတွင် မြန်မာနိုင်ငံမှာ ယာဉ်တိုက်မှုကြောင့် သေဆုံးမှုအများဆုံး စာရင်း၌ ထိုင်းနိုင်ငံ၏နောက် ဒုတိယနေရာတွင် ရှိလိမ့်မည်ဟု ပြောကြားခဲ့သည်။

၂၀၀၆ ခုနှစ်မှ ၂၀၁၁ ခုနှစ် ကာလအတွင်း အရှေ့တောင်အာရှနိုင်ငံများ၏ ယာဉ်အန္တရာယ်ကင်းရှင်းရေး WHO ၏ နောက်ဆုံး စစ်တမ်းကောက်ယူတွင် မြန်မာနိုင်ငံမှ လမ်းများမှာ နိုင်ငံ ၁၁ နိုင်ငံတွင် ဆဌမမြောက် အန္တရာယ်အရှိဆုံး လမ်းများအဖြစ် သတ်မှတ်ခြင်းခံရပြီး လူတစ်သိန်းတွင် ၁၅ ယောက်နှုန်း သေဆုံးနေသည်ကို တွေ့ရှိခဲ့ရသည်။

“ကနဦးတွေ့ရှိချက်တွေအရ မြန်မာနိုင်ငံဟာ အရှေ့တောင်အာရှနိုင်ငံတွေထဲမှာ ဒုတိယမြောက်လိုက်နေတယ်ဆိုတာကို ကျွန်မတို့ အသိပေးချင်ပါတယ်။ ဘာဖြစ်ခဲ့သလဲဆိုတာကို ကျွန်မတို့ ပြောနိုင်ပေမယ့် လတ်တလောမှာတော့ ဘာ့ကြောင့်လဲဆိုတာ ပြောလို့မရသေးပါဘူး” ဟု ဒေါက်တာ ဆန်တီကာန်က ပြောကြားခဲ့သည်။

ထို့ပြင် ၂၀၁၁ ခုနှစ် ပြုပြင်ပြောင်းလဲရေး ဆောင်ရွက်ပြီးကတည်း များပြားလာသည့် ကားအရေတွက်ကလည်း ယာဉ်တိုက်မှုဖြစ်ခြင်း၏ အကြောင်းအရင်းတစ်ခုဖြစ်ပြီး၊ ယာဉ်မောင်းလိုင်စင်ပေးခြင်းနှင့် ကားများ၏ အရည်အသွေးတို့မှာ ထိုပြဿနာနှင့် ဆက်စပ်နေသည်ဟု သူမက ထည့်သွင်းပြောကြားခဲ့သည်။

ဒေါက်တာမှာ မြန်မာနိုင်ငံရှိ ကားလမ်းများတွင် ယာဉ်တိုက်မှုအန္တရာယ် ကင်းရှင်းရေးအတွက် ဆောင်ရွက်နေသူများ၊ မြန်မာအစိုးရ တာဝန်ရှိသူများ၊ WHO မှ ကိုယ်စားလှယ်များ၊ မြန်မာနိုင်ငံ ကြက်ခြေနီနှင့် မြန်မာနိုင်ငံ ဆေးဘက်ဆိုင်ရာအသင်းမှ ကိုယ်စားလှယ်များနှင့် စက်တင်ဘာ ၇ ရက်နေ့က ရန်ကုန်၌ ပြုလုပ်ခဲ့သည့် လပတ်တွေ့ဆုံဆွေးနွေးမှုအတွင်း ထိုကဲ့သို့ သတိပေးခဲ့ခြင်းဖြစ်သည်။

အဆိုပါအစည်းအဝေးအတွင်း WHO မှ ထောက်ပံ့ရန် ရှိနေသည့် ကန်ဒေါ်လာ တစ်သောင်းခန့်ကို ရန်ကုန်နှင့် မန္တလေးတို့အား ဆက်သွယ်ထားသည့် အဝေးပြေးလမ်း အန္တရာယ်ကင်းရှင်းရေး တိုးတက်အောင် ဆောင်ရွက်ရာတွင် မည်ကဲ့သို့ သုံးစွဲရမည်နှင့် ပတ်သက်၍လည်း ဆွေးနွေးခဲ့ကြသည်။

WHO ၏ အချက်အလက်များအရ မြန်မာအစိုးရမှာ ယာဉ်မောင်းများ၊ ဆိုင်ကယ်မောင်းသူများသာမက လမ်းသွားလမ်းများကိုပါ ယာဉ်အန္တရာယ်ကင်းရှင်းရေးနှင့် ပတ်သက်သည့် အသိပညာပေးမှုများ ပြုလုပ်သွားရန် စီစဉ်နေသည်ဟု သိရသည်။ ယာဉ်တိုက်မှုကြောင့် သေဆုံးသူများစာရင်းတွင် ၄ ပုံ ၁ ပုံမှာ လမ်သွားလမ်းလာများ ဖြစ်သည်။

Ref: frontiermyanmar.net