အဟ်မဒ် မုဟမ္မဒ် (သို့) သာမာန်ကျောင်းသားလေး ဘ၀မှ ကမ္ဘာကျော်ဖြစ်လာခဲ့သူ လူငယ်လေး

စက်တင်ဘာ ၁၈ ၊ ၂၀၁၅
M-Media

– အိမ်တွင်းဖြစ် နာရီတစ်ခုကို တီထွင်ပြီး အထက်တန်းကျောင်းကို ယူအသွားအခါ အသံမြည်လို့ ဗုံးလုပ်တယ်ဆိုပြီး အဖမ်းခံ၊ စစ်ဆေးမေးမြန်းခံလိုက်ရတဲ့ အမေရိကန်ပြည်ထောင်စု တက္ကဆက်ပြည်နယ်၊ အာရ်ဗင်းမြို့က အမေရိကန်မွတ်စလင် ဆယ်ကျော်သက်ကျောင်းသားလေး အဟ်မဒ် မုဟမ္မဒ် က သမ္မတ အိုဘားမားရဲ့ ဖိတ်ခေါ်မှုကို လက်ခံလိုက်ပြီး အိမ်ဖြူတော်ကို သွားရောက်တွေ့ဆုံမယ်လို့ စက်တင်ဘာ ၁၆ ရက်နေ့က ပြောကြားလိုက်ပါတယ်။

အသက် ၁၄ နှစ်သာ ရှိသေးတဲ့ အဟ်မဒ် တစ်ယောက် သူတက်နေတဲ့ မက်အာသာ အထက်တန်းကျောင်းမှာ လက်ထိပ်ခတ်ခံထားရတဲ့ပုံဟာ ဆိုရှယ်မီဒီယာမှာ ပြန့်နှံ့သွားပြီးတဲ့နောက်ပိုင်း ကမ္ဘာတစ်ဝှမ်းက သူ့ကို ဂရုဏာသက်ခဲ့ကြပြီး
ထောက်ခံအားပေးမှုတွေလည်း ရခဲ့ပါတယ်။

အဲဒီလို ဂရုဏာသက်ခဲ့ကြသူတွေထဲမှာ အမေရိကန်သမ္မတ အိုဘားမားလည်း ပါဝင်ခဲ့ပြီး သူတီထွင်ခဲ့တဲ့နာရီကို ယူကာ အိမ်ဖြူတော်ကို လာရောက်လည်ပတ်ဖို့လည်း သမ္မတက ဖိတ်ခေါ်ခဲ့ပါတယ်။

”သိပ်ကောင်းတဲ့နာရီပဲ အဟ်မဒ်ရေ။ အဲဒါကို အိမ်ဖြူတော်ကို ယူလာချင်သလား။ သိပ္ပံကို သဘောကြတဲ့ သားလို ကလေးတွေကို အားကျစေချင်လို့ပါ။ ဒီလိုတီထွင်မှုတွေကပဲ အမေရိကကို ကြီးကျယ်အောင် လုပ်ခဲ့တာပေါ့” လို့ အိုဘားမားက သူ့ရဲ့ Twitter စာမျက်နှာကတစ်ဆင့် ဖိတ်ခေါ်ခဲ့တာဖြစ်ပါတယ်။

သူ့ရဲ့ တီထွင်မှုကို ကျောင်းက ဆရာကို ပြခဲ့ပေမယ့် မျှော်လင့်ထားတဲ့ တုန့်ပြန်မှုမျိုး မရခဲ့ဘဲ အင်္ဂလိပ်စာအချိန် နာရီက အသံထမြည်တဲ့အခါမှာတော့ အဟ်မဒ်တစ်ယောက် ဗုံးလုပ်တယ်လို့ စွပ်စွဲခံခဲ့ရပါတယ်။ ရလဒ်အနေနဲ့ ရဲစခန်းမှာ စစ်ကြောမေးမြန်းမှု ခံလိုက်ရပြီး ၃ ရက်လောက် ကျောင်းရပ်နား ခံလိုက်ရပါသေးတယ်။

အဟ်မဒ်ကတော့ အဲဒီ မက်အာသာ အထက်တန်းကျောင်းကို မတက်တော့ဘဲ ကျောင်းပြောင်းတော့ မယ်လို့ ပြောခဲ့ပါတယ်။ ပြီးတော့ သူ့ကို အားပေးနှစ်သိမ့်ခဲ့ကြတဲ့ သူတွေကိုလည်း သူက ကျေးဇူးတင်ကြောင်း ပြောခဲ့ပါသေးတယ်။

”Twitter, Facebook နဲ့ ဆိုရှယ်မီဒီယာတွေကနေတစ်ဆင့် ကျွန်တော့်ကို အားပေးထောက်ခံကြသူအားလုံးကို ကျေးဇူးတင်ပါတယ်” နည်းပညာပါရမီရှိတဲ့ အဟ်မဒ်ကို အားပေးထောက်ခံကြသူတွေထဲမှာ ငယ်ငယ်ရွယ်ရွယ်နဲ့ Facebook ကို တည်ထောင်ပြီး အောင်မြင်ကျော်ကြားခဲ့တဲ့ မာ့ခ် ဇူကာဘာ့ဂ်လည်း ပါဝင်ခဲ့ပါတယ်။ သူက အဟ်မဒ်ရဲ့ တီထွင်မှုကို ချီးကျူးခဲ့ပြီး Facebook ရုံးစိုက်ရာနေရာကို လာရောက်ဖို့လည်း ဖိတ်ခေါ်ခဲ့ပါတယ်။

”ဒီလိုကောင်းမွန်တဲ့ အရာတစ်ခုကို တီထွင်ဖို့ စွမ်းရည်ရှိတာ၊ ရည်မှန်းချက်ရှိတာကို ချီးကျူးသင့်တာပါ။ မဖမ်းသင့်ပါဘူး။ အနာဂတ်က အဟ်မဒ်လို လူတွေရဲ့ လက်ထဲမှာ ရှိနေပါတယ်။ အဟ်မဒ်ရေ – Facebook ကို ညီလေးလာချင်တယ်ဆိုရင်တော့
အစ်ကိုလည်း တွေ့ချင်ပါတယ်” လို့ ဇူကာဘာ့ဂ်က သူ့ရဲ့ Facebook အကောင့်ကနေ ဖိတ်ခေါ်ခဲ့ပါတယ်။

တစ်ချိန်က အမေရိကန်နိုင်ငံခြားရေး ၀န်ကြီးဖြစ်ခဲ့ပြီး လာမယ့်နှစ် ရွေးကောက်ပွဲမှာ ဒီမိုကရက်တစ် သမ္မတလောင်းအဖြစ် ၀င်ရောက်ယှဉ်ပြိုင်ဖို့ ရည်မှန်းနေတဲ့ ဟီလာရီကလင်တန်ကလည်း ”သံသယတွေ၊ ကြောက်ရွံ့မှုတွေက ကျွန်မတို့ကို
မလုံခြုံစေနိုင်ပါဘူး။ ကျွန်မတို့ရဲ့နောက်မှာ အရိပ်မည်းကြီးအဖြစ်ပဲ ရှိနေမှာပါ။ အဟ်မဒ်ရေ ဆက်လက်စူးစမ်းပြီး တီထွင်လိုက်ပါဦး” လို့ အဟ်မဒ်လေးကို အားပေးခဲ့ပါတယ်။

အဟ်မဒ်က သမ္မတအိုဘားမားရဲ့ ဖိတ်ခေါ်မှုကိုလက်ခံခဲ့ပြီး အိမ်ဖြူတော်ကိုသွားမယ်လို့ CBS နဲ့ ပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပြီး၊ အိုဘားမား၊ ဟီလာရီကလင်တန်နဲ့ မာခ့်ဇူကာဘာ့ဂ်တို့ဟာ မိမိရင်ဆိုင်ရတဲ့ အခြေအနေကို
ဆန့်ကျင်ပေးတဲ့အတွက် ကျေးဇူးတင်တယ်လို့ ပြောကြားခဲ့ပါတယ်။

ဒီအဖြစ်အပျက်နောက်ပိုင်းမှာ အဟ်မဒ်ရဲ့ အနာဂတ်အတွက် တက်လမ်းတစ်ခုလည်း ပွင့်သွားခဲ့ပါတယ်။ ဒါကတော့ နာဆာမှာ System အင်ဂျင်နီယာအဖြစ် ဆောင်ရွက်နေတဲ့ ဘိုဘက် ဖာဒေ့ါစ်ဝီက နာဆာမှာ အလုပ်လုပ်ဖို့အတွက် ကမ်းလှမ်းခဲ့တာပါပဲ။

“ဟေး – အဟ်မဒ်ရေ။ နောက် ၂ နှစ်အတွင်းမှာ ကျွန်တော့်ကို ဖုန်းခေါ်ပါ။ ကျွန်တော်တို့ဟာ ဒီလို တော်တဲ့၊ စူစမ်းပြီး၊ တီထွင်ဖန်တီးနိုင်စွမ်းရှိတဲ့ လူတွေကို အမြဲတမ်း အသုံးပြုနေရပါတယ်” လို့ ဖာဒေါ့စ်ဝီက သူ့ရဲ့ Twitter စာမျက်နှာကနေတစ်ဆင့် ရေးသား ဖိတ်ခေါ်ခဲ့ပါတယ်။

အဟ်မဒ်ရဲ့ တီထွင်မှုကို မစူစမ်းဘဲ ရဲတပ်ဖွဲ့ကို တိုင်ကြားခဲ့တဲ့ တက္ကဆက်ပြည်နယ်၊ အာရ်ဗင်းမြို့က အထက်တန်းကျောင်းနဲ့၊ စမ်ဆေးမှုမလုပ်ဘဲ ဖမ်းဆီးခဲ့တဲ့ ရဲတပ်ဖွဲ့တို့ကိုတော့ လူမျိုးရေးခွဲခြားသူတွေအဖြစ် အမေရိကန်ပြည်သူတွေက ဝေဖန်ပြစ်တင်ခဲ့ကြပါတယ်။

အဟ်မဒ်လေးဟာ နောက်လမှာပြုလုပ်မယ့် အစိုးရသိပ္ပံပညာရှင်တွေနဲ့ နာဆာတာဝန်ရှိသူတွေ အိမ်ဖြူတော်တွေ့ဆုံပွဲမှာ တက်ရောက်ဖို့ ဖိတ်ကြားခံရနိုင်ဖွယ်ရှိတယ်လို့ အိမ်ဖြူတော် သတင်းထုတ်ပြန်ရေး အကြီးအကဲ ဂျို့ရှ် အားန်နက်စ်က ပြောကြားခဲ့ပါတယ်။

သူ့ကိုဖမ်းဆီးမှုနဲ့ ပတ်သက်လို့ အာဖရိကန်-အမေရိကန်တစ်ယောက်ဖြစ်တဲ့ အဟ်မဒ် ပြောသွားတဲ့စကားကလည်း မှတ်သားစရာပါပဲ။

“ဒုက္ခပေးဖို့အတွက် မဟုတ်ရင် ဒီလိုလူမျိုးတွေက ဒါမျိုးကို ဘယ်လိုတီထွင်နိုင်မှာလဲ – လို့ သူတို့က ထင်ကြတယ်ဗျ”

ref:dailymail