နိုင်ငံရေးသာ ဇောက်ချလုပ်တော့မည်ဟု ပက်ကွီအိုပြော

စက်တင်ဘာ ၁၈၊ ၂၀၁၅
M-Media

– မေ၀ယ်သာနှင့် တစ်ကျော့ပြန်ထိုးသတ်ရေး မျှော်လင့်ချက်ကို စွန့်လွှတ်လိုက်ပြီး မိမိအနေဖြင့် နိုင်ငံရေးကိုသာ ဇောက်ချလုပ်ကိုင်သွားတော့မည်ဟု ဖိလစ်ပိုင်လက်ဝှေ့ကျော် ပက်ကွီအိုက ပြောကြားလိုက်သည်။

ရာစုနှစ်၏ အကောင်းဆုံးပွဲအဖြစ် သတ်မှတ်ခြင်းခံခဲ့ရသည့် မေလက ၎င်းတို့နှစ်ဦး၏ပွဲတွင် မေ၀ယ်သာက အမှတ်ဖြင့်နိုင်ခဲ့ပြီး၊ ပြီးခဲ့သည့်တစ်ပတ်ကလည်း ဘာတိုကို မေ၀ယ်သာက အမှတ်ဖြင့် နိုင်ခဲ့ကာ လက်ဝှေ့သမားဘ၀ ၄၉ ပွဲထိုးသတ်ခဲ့ပြီး ရှုံးပွဲမရှိခဲ့ပေ။

ဘာတိုနှင့်ပွဲအပြီးတွင် လက်ဝှေ့လောကမှ အနားယူတော့မည်ဟု မေ၀ယ်သာက စောစောပိုင်းကတည်းက ပြောကြားခဲ့ပြီး ပွဲအပြီးတွင်လည်း ထပ်မံအတည်ပြုခဲ့သည်။

ပက်ကွီအိုမှာ မေ၀ယ်သာနှင့်ပွဲတွင် ရရှိခဲ့သည့် ပုခုံးဒဏ်ရာကြောင့် အနားယူနေရပြီး ဒဏ်ရာပျောက်သည့်အချိန် လာမည့် ၂၀၁၆ ခုနှစ်တွင် တစ်ပွဲထိုးသတ်ကာ လက်ဝှေ့လောကမှ အနားယူတော့မည်ဟု ၎င်း၏ ပွဲစီစဉ်သူက ပြောကြားခဲ့သည်။

ထို့ပြင် မေ၀ယ်သာနှင့် ပြန်လည်ထိုးသတ်ဖွယ်ရှိနေသည်ဟု သတင်းများလည်း ထွက်ပေါ်နေပြီး ပက်ကွီအိုကမူ ထိုမျှော်လင့်ချက်ကို စွန့်လွှတ်ကာ နိုင်ငံရေးကိုသာ အာရုံစိုက်တော့မည်ဟု ပြောကြားခဲ့သည်။

“အခုအချိန်မှာ လက်ဝှေ့ကို ကျွန်တော် အာရုံမစိုက်တော့ပါဘူး။ ဘာ့ကြောင့်လဲဆိုတော့ ပုခုံးဒဏ်ရာကောင်းတဲ့အခါ နောက်နှစ်မှာ တစ်ပွဲလောက်ပဲ ထိုးတော့မှာပါ” ဟု ဗုဒ္ဓဟူးနေ့တွင် ပက်ကွီအိုက ပြောကြားခဲ့သည်။

“ကျွန်တော် အေးဆေးပါပဲ။ (မေ၀ယ်သာနဲ့) ဒုတိယအကြိမ်ဖြစ်လာမလားဆိုတာ ပြဿနာမဟုတ်ပါဘူး။ သူအနားယူသွားတာကို ကျွန်တော်ကြားတယ်။ ဒါ့ကြောင့် ကိစ္စမရှိတော့ပါဘူး”

နောက်ထပ်ထိုးသတ်မည့်သူကိုမူ ၎င်းက မရွေးချယ်ဘဲ စိန်ခေါ်သူကိုသာ ထိုးသတ်သွားမည်ဟု ဆိုသည်။ လာမည့်နှစ်တွင် ပြုလုပ်မည့် အထွေထွေရွေးကောက်ပွဲတွင် သမ္မတအဖြစ် ၀င်အရွေးခံမည်လား သို့မဟုတ် ၎င်း၏ပြည်နယ် အုပ်ချုပ်ရေးမှူးအဖြစ် ၀င်ပြိုင်မည်လားဆိုသည်ကို မကြာမီ ကြေငြာသွားမည်ဟု ပက်ကွီအိုက သတင်းထောက်များအား ပြောကြားခဲ့သည်။

Ref: Dailymail