သောကကို ရေလောင်းပေါင်းသင်ခြင်း

စက်တင်ဘာ ၁၈ ၊ ၂၀၁၅
M-Media
နှင်းဆီခင်ရေးသည်။

လူတစ်ခု ပူမှုရယ်က ကုဋေ မကချင်ပါဘူးနော်။ မိုးလင်းလို့ မျက်စိနှစ်လုံး ပွင့်လာတယ် ဆိုကတည်းက မနက်ခင်းနေ့သစ်ရဲ့အပျော်လေးတွေက အတွေးထဲကို ဝင်လာမယ့်အစား၊ အပူတွေ သောကတွေနှင့် စိတ်ပူပန်မှုတွေက ဆောင့်ပြီး ဝင်လာတတ်တာကလား။ ကြည့် အလုပ်သွားရဦးမယ်၊ ကားပိတ်လို့လမ်းမှာ အချိန်တွေအများကြီး ဖြုန်းပစ်ရဦးမှာ၊ အလုပ်နောက်ကျရင် အထက် အရာရှိရှေ့မှာ မျက်နှာငယ်လေးနှင့် အဆူအဟောက်ခံပေဦးတော့ နောက်ကျမယ် ထင်ရင် အိမ်က ခပ်စောစောထွက်လာပေါ့၊ ဆင်ခြင်တွေ လာမပေးနဲ့ဆိုတဲ့ အရာရှိရဲ့စကားတွေကို ခံရပါများလို့ အလွတ်ရနေပြီ။ ဟုတ်ပါတယ်။ ဆင်ခြင်ဖုံးဒေသကနေ မြို့ထဲရောက်ဖို့ အချိန်တွေအများကြီး ပေးရမှန်းသိတယ်။ စောစောထွက်ပါလားဆိုတော့ အလုပ်ကို ယူသွားဖို့ ထမင်းချိုင့်က မမှီပြန်ရော။ စီစဉ် ချက်ပြုတ်ပေးနေတဲ့ အမေတို့ အမတို့ကိုလည်း ပူဆာရမှာ အားနာလှပြီး တွေးလိုက်ရင် သောကတွေအပူတွေ အရွယ်နှင့်ကို မမျှဘူးလို့ ထင်မိတတ်ကြတယ်။

ရှိသေးတယ်။ အလုပ်ထဲမှာပဲ ကိုယ့်လို ပင်ပင်ပန်းပန်း ကားတိုးမလာရဘဲ အိမ်ကနေကားလေးနှင့် အခန့်သားလာသူတွေ အိမ်ကကားနှင့် လိုက်ပို့သူတွေ၊ ယုတ်စွ အဆုံး တက္ကစီလေးစီးလို့ အငြိမ့်သားလာကြသူတွေ စုံလို့ပေါ့။ ခက်တာက ကိုယ်ရတဲ့ လခကိုမျက်စောင်း ထိုးကြည့်ရင် တက္ကစီခကို မဖြုန်းရဲတော့ဘူး ဖြစ်သွားရော။ နောက်ပြီး အမေတို့ကို ကိုယ်ရတဲ့ လခလေးထဲကနေ ကန်တော့ချင်သေးတာလည်းဖြစ်လို့ အစစချွေတာတာ စစ်စီတာဟာ အကျင့်တစ်ခုလိုဖြစ်နေတယ်။ ဒီထက်လခပိုကောင်းပြီး ဟန်ကျမယ်ထင်တဲ့ အလုပ် တစ်ခုခုများရရင် လက်ရှိအလုပ်ကို ခြေစုံကန်ပစ်လိုက်မယ်လို့ စိတ်ထဲက ခဏခဏကြုံးဝါးမိတယ်။ ဒါပေမယ့် စိတ်ကူးက စိတ်ကူးပဲလေ။ လက်တွေ့မှဖြစ်မလာတာ၊ ရုန်းနေရဦးမှာပါ လို့တချို့တချို့လူငယ်တွေ တွေးတောမိကြတယ်။ (ရင်ဖွင့်သူတွေလည်ှးရှိကြတယ်။)

ကောင်းပြီ။ လုပ်ငန်းခွင်ကို ဝင်ပြီဆိုတာနှင့် အခက်အခဲဆိုတာ အနည်းနှင့်အများ ကြုံရမှာ သဘာဝပါပဲ။ အရေးကြီးတာက ကိုယ့်ဘဝမှာ ရှောင်လွဲမရတဲ့ သောက၊ ဒုက္ခတွေကို ဘယ်လိုရင်ဆိုင်မယ်၊ ကျော်လွှားမယ်ဆိုတာကသာ အဓိကကျပါတယ်။

သောကစိုးထိတ်မှုတွေကို ရေလောင်း ပေါင်းသင်နေလို့ကတော့ တစ်နေ့တစ်ခြား ရှင်သန်ကြီးထွားလာမှာ ဖြစ် သလို၊ ရေမလောင်း ပေါင်းမသင်၊ မြေသြဇာ မကျွေးဘဲ ထားပစ်လိုက်ရင်တော့ အမြစ်ပါသေပြီး မျိုးပြတ်ရော လို့ ပညာရှင်တစ်ဦးက ဆိုတယ်။ အခက်အခဲနှင့် သောကတွေဆိုတာ သူ့ဘာသာ ရှင်သန်နေတာ မဟုတ်ဘူး။ အားပေးအားမြှောက် လုပ်ပေးသူရှိနေတာကိုး။ ဘဝမှာ ရှောင်လွဲမရတာ လောကဓံ၊ တစ်နည်းပြောရရင် အခက်အခဲနှင့် သောကဆိုတာ လူ့ဘဝရှင်သန်မှုနှင့် အမြွာလို့ ကပ်တွယ်နေတတ်တာမျိုး။

ခေါင်းထဲမှာ သောကပြီးသောက တွေးနေရင်တော့ သောက ပိလို့ သေရုံသာရှိပါတော့မယ်။ အဲဒီလို တွေးငေးနေတဲ့ အချိန်ပိုရှိနေခြင်းက ကိုယ့်ဘဝရဲ့အကြီးဆုံး ရန်သူလို့ပဲ ဆိုပါရစေ။ အခက်အခဲတွေကနေ လွတ်အောင် ထွက်ပြေးလို့လည်း မရပြန်ဘူး။ ဒီတော့ တစ်စုံတစ်ခု လုပ်ဖို့ ကြိုးစားရမှာပါ။ ကိုယ့်မှာအဓိက ပိုင်ဆိုင်ထားတာ ဇွဲသတ္တိ၊ ဘယ်သူမှ ဖြိုဖျက်လုယူလို့မရဘဲ ကိုယ်ပိုင် အရည်အသွေးမို့ ရုန်းကန် လှုပ်ရှားတော့မယ်ဆိုရင်ပေါ့။ အဲဒီဇွဲသတ္တိဟာ တကယ့်ကို တွန်းအားဖြစ်လာမယ်ဆိုတာတော့ အသေအချာယုံထားပါ။

နောက်တစ်ခုက စိတ်ဓာတ်ကြံ့ခိုင်ဖို့။ ကိုယ်ကြိုးစားဆောင်ရွက်နေတဲ့ ကိစ္စတစ်ခုခုကို သူပြောငါပြောနှင့် စိတ်ပျက်လက်ပျက်ဖြစ် မသွားဖို့ အရေးကြီးဆုံး။ မြည်းတစ်ကောင်နှင့် သားအဖနှစ်ယောက် ဇာတ်လမ်းမှာ ပတ်ဝန်းကျင်ရဲ့ အထိုးအနှက် စကားတွေကြောင့် စိတ်ဓာတ်ကျပြီး လိုရာ မရောက်ခဲ့တဲ့ သားအဖနှစ်ယောက်ကို စံထားရင်ပေါ့။ ကိုယ့်သောကကိုဖြို၊ အခက်အခဲတွေကိုဖြေရှင်း စတာတွေကိုလုပ်ရာမှာ ရလာမယ့် အကျိုးဆက်ကို မျှော်တွေးမနေဖို့လည်း လိုတယ်။ လုပ်သင့်လုပ်ထိုက်တာတွေကို တစ်စိုက်မတ်မတ် လုပ်သွားခြင်းဟာ တွေးငေးနေဖို့ အချိန်မရှိအောင်ဖြစ်သွားစေနိုင်တာတော့ အမှန်ပဲလေ။

ရှိသေးတယ်။ ကိုယ့်သောကတွေ ဒုက္ခတွေကို လူတွေတိုင်း ထုတ်ထုတ်ညည်းပြတာ အကျင့်တစ်ခုလိုဖြစ်နေသလားဆိုတာ ကိုယ့်ကိုကိုယ်ဆင်ခြင်သုံးသပ်သင့်တယ်။ ကိုယ်ပြောပြတဲ့အခါ တစ်ဖက်သားက တကယ်ပဲ ခံစားပြီး နှုတ်၊ လက်စတာတွေနှင့် ကူညီပေးရင်တော့ အကောင်းသားပေါ့။ ဒါပေမယ့် အခါခပ်သိမ်းဆိုသလို ကိုယ့်အတွက်အကူအညီရဖို့ဆိုတာ မျှော်လင့်ထားလို့ မရပြန်ဘူး။ နောက်ပြီး ကိုယ့်ဘာသာသေလုမြောပါး ခံစားနေရတာ၊ နားထောင်ပေးသူက ကိုယ်မဟုတ်ဘူး။ သူကအဲဒီလောက် ဘယ်ခံစားနိုင်ပါ့မလဲ ။ နောက်ပြီး အမြဲတမ်းလိုလို စာနာပေးနိုင်ပါ့မလား။

ဒီတော့ ကိုယ့်အခက်အခဲကို အတတ်နိုင်ဆုံးဖြေရှင်းဖို့ နည်းလမ်းတွေကြံဆဖို့လိုတယ်။ တစ်ခုရှိတာက ကိုယ့်အကျိုးကို တကယ်လိုလားပြီး ဗဟုသတအမြော်အမြင်ရှိသူတွေဆီက အကြံကောင်းဥာဏ်ကောင်းရနိုင်စရာရှိတယ်။ ဒါပေမယ့် ပုံသေတွက်ထားလို့တော့ မရဘူး။ အဲဒီသူမှာ ဘယ်လိုအခြေအနေ၊ ဘယ်လိုစိတ်ခံစားမှုရှိနေမယ်ဆိုတာ ကြိုတင်မသိနိုင်ဘူးဆိုတော့ အဲဒီလို (မျှော်လင့်ထားသလောက်) အကူအညီမရခဲ့ဘူးဆိုရင် မရ ရလေခြင်းရယ်လို့ စိတ်အပင်ပန်းမခံပါနဲ့။ လူတွေဟာကိုယ့်အခက်အခဲနှင့်ကိုယ်၊ ဒုက္ခကိုယ်စီရှိနိုင်ပါလားဆိုတာကို အသင့်အတင့်နှလုံးသွင်းကြည့်ဖို့ပဲလိုတယ်။ ဒါဆိုရင် ကိုယ်စိတ်ပေ့ါပါးပြီး ခံစားရသက်သာမှာ သေချာတယ်။

ကိုယ့်ကိစ္စ ကိုယ့်အကျိုးဆောင်ရွက်ရင်း၊သူများကိစ္စသူများအကျိုးကို (ဖြစ်နိုင်ရင်) တစ်နိုင်တစ်ပိုင်ကူညီဆောင်ရွက်နိုင်မယ်ဆိုရင်ပေါ့။ ကိုယ့်ရဲ့သောကတွေဟာ သူရဲ့ပီတိတွေကြောင့် အရည်ပျော်သွားသလို ခံစားရမှာပါ။ ဒါကြောင့်လည်း ပညာရှင်တွေက ဆိုမိန့်ကြတယ်။

သူများအပေါ်ကောင်းတဲ့သူဟာ ကိုယ်တိုင်အတွက် အကောင်းဆုံးဖြစ်စေတဲ့သူပါတဲ့လေ။ ဒီတော့ ဘဝမှာ ရုန်းရင်းကန်ရင်း သောကကိုဖြို၊ ပြိုသွားရိုးအမှန်ပါလို့ ခံယူရင်း။

နှင်းဆီခင်