မြန်မာ့ရွေးကောက်ပွဲအတွက် မွတ်စလင်ကိုယ်စားလှယ်လောင်းများ ပယ်ချမှုကို အမေရိကန်စိုးရိမ်

စက်တင်ဘာ ၂၀၊ ၂၀၁၅
M-Media

ရန်ကုန်မြို့၊ ကမာရွတ်မြို့နယ်တွင် ပြည်သူများက မဲစာရင်းများ ကြည့်ရှုနေစဉ်

– မွတ်စလင်လူနည်းစု ကိုယ်စားလှယ်များကို ချန်လှပ်ခဲ့ခြင်းအားဖြင့် မြန်မာနိုင်ငံ၏ သမိုင်းမှတ်တိုင်ဖြစ်သော ရွေးကောက်ပွဲ ပြင်ဆင်မှုကို အခြေပျက်စေခဲ့ပြီး ထိုအတွက် စိုးရိမ်မိသည်ဟု အမေရိကန်က ပြောကြားလိုက်သည်။

မြန်မာနိုင်ငံတွင် နိုဝင်ဘာ ၈ ရက်နေ့၌ အထွေထွေရွေးကောက်ပွဲကို ကျင်းပမည်ဖြစ်ပြီး စစ်တပ်က ဆစ်စုနှစ်များစွာ အုပ်ချုပ်ခဲ့ပြီးနောက်ပိုင်း အလွတ်လပ်ဆုံး မဲပေးရွေးချယ်မှု ဖြစ်လာမည်ဟု အများစုက မျှော်လင့်နေကြသည်။ အတိုက်အခံခေါင်းဆောင်ဖြစ်သော ဒေါ်အောင်ဆန်းစုကြည်၏ NLD ပါတီမှာ ထိုရွေးကောက်ပွဲတွင် အမတ်နေရာ အများအပြား အနိုင်ရလိမ့်မည်ဟု တစ်ပေးခြင်း ခံနေရသည်။

သို့သော်လည်း မကြာသေးမီနှစ်များအတွင်း မွတ်စလင်လူနည်းစုများအပေါ် ဆိုးရွားသည့် တိုက်ခိုက်မှုများ ရှိခဲ့သည့်ကို တွေ့မြင်ခဲ့ရသည့် ဗုဒ္ဓဘာသာဝင်ကြီးစိုးသော မြန်မာနိုင်ငံ၌ တင်းမာမှုများမှာ မြင့်တက်လာခဲ့သည်။

“မြန်မာနိုင်ငံရဲ့ လာမယ့် အထွေထွေရွေးကောက်ပွဲမှာ ကိုယ်စားလှယ်လောင်း ၁၀၀ နီးပါးကို ပယ်ချခဲ့မှုနဲ့ ပတ်သက်ပြီး အမေရိကန်ပြည်ထောင်စုက စိုးရိမ်မိပါတယ်” ဟု အစိုးရပြောရေးဆိုခွင့်ရှိသူ ဂျွန်ကီရ်ဘီက ပြောကြားခဲ့သည်။

“လက်ရှိ လွတ်တော်အမတ်အဖြစ် တာဝန်ထမ်းဆောင်နေသူတွေ အပါအ၀င် မွတ်စလင်ကိုယ်စားလှယ်လောင်း အားလုံးနီးပါး ပယ်ချခံရတယ်လို့ ကျွန်တော်တို့ ကြားခဲ့ပါတယ်။ ဒါပေမယ့် ကိုယ်စားလှယ်လောင်း စံသတ်မှတ်ချက်တွေနဲ့ မညီဘူးဆိုတာအတွက် သက်ဆိုင်ရာ အာဏာပိုင်တွေက တိကျတဲ့ အကြောင်းအရင်းတွေကို မပေးသေးပါဘူး”

အမတ်နေရာ၏ လေးပုံတစ်ပုံကို ယခင် စစ်အာဏာရှင်စနစ်ကို ထောက်ခံခဲ့သူများအတွက် ဖယ်ထားသည်ဟု ကီရ်ဘီက ထောက်ပြခဲ့ပြီး ကိုယ်စားလှယ်လောင်းများအား ပယ်ချသည့် လုပ်ငန်းစဉ်မှာ ပွင်းလင်းမြင်သာမှုမရှိသည့် ခွဲခြားဆက်ဆံမှုဖြစ်စဉ်သာ ဖြစ်သည်ဟု ထည့်သွင်းပြောကြားခဲ့သည်။ ထို့ပြင် ထိုသို့ပြုလုပ်ခြင်းက ရွေးကောက်ပွဲအပေါ် မြန်မာပြည်သူများနှင့် နိုင်ငံတကာ အသိုင်းအ၀ိုင်း၏ ယုံကြည်မှုကို လျော့ကျစေသည်ဟု ထည့်သွင်းပြောကြားခဲ့သည်။

“ဒီစိုးရိမ်မှုတွေကို ဖြေရှင်းဖို့အတွက် နှစ်ဆ ပိုအားထုတ်ဖို့နဲ့ လာမယ့်ရွးကောက်ပွဲဟာ နိုင်ငံရှေ့ဆက်ဖို့ ခြေလှမ်းတစ်ခုဖြစ်ရေး သေချာစေဖို့ မြန်မာအာဏာပိုင်တွေကို ကျွန်တော်တို့ တိုက်တွန်းလိုက်ပါတယ်”

နှစ် ၅၀ နီးပါးကြာမြင့်ခဲ့သည့် စစ်အာဏာရှင်စနစ်မှ ၂၀၁၁ ခုနှစ်တွင် အရပ်သားတစ်ပိုင်း အစိုးရအဖြစ် ပေါ်ထွက်လာသည့် မြန်မာနိုင်ငံ၏ ပြုပြင်ပြောင်းလဲမှုများကို အမေရိကန်ဘက်က လိုက်လိုက်လျောလျော အားပေးမှုများ ရှိခဲ့သော်လည်း ဘာသာရေးဆိုင်ရာ မတည်ငြိမ်မှုများက ထိုအားထုတ်မှုများအတွက် အမည်းစက် ဖြစ်စေခဲ့သည်။

မြန်မာနိုင်ငံတွင် ၂၀၁၂ ခုနှစ်ကတည်းက မွတ်စလင်ဆန့်ကျင်ရေး အကြမ်းဖက်တိုက်ခိုက်မှုများ မကြာခဏ ဆိုသလို ဖြစ်ပွားခဲ့ပြီး အမျိုးသားရေး ဘုန်းကြီးများ၏ သြဇာလွှမ်းမိုးမှု မြင့်တက်လာခြင်းနှင့်အတူ နိုင်ငံတစ်ဝှမ်းသို့ အလျင်အမြန် ပြန့်နှံ့လာခဲ့သည်။

ပြီးခဲ့သည့် မတ်လအတွင်း ၎င်းတို့၏ သက်သေခံကဒ်ပြားများကို တရားမ၀င်ကြောင်း ကြေညာမှုနှင့်အတူ သိန်းနှင့်ချီသော ရိုဟင်ဂျာမွတ်စလင်များမှာလည်း မဲပေးခွင့် ဆုံးရှုံးခဲ့ရသည်။

တစ်ချိန်က နိုင်ငံတကာ လူ့အခွင့်အရေးလှုပ်ရှားသူများ၏ အသည်းစွဲဖြစ်ခဲ့သော နိုဘယ်ဆုရှင် ဒေါ်အောင်ဆန်းစုကြည်မှာလည်း လူနည်းစုများ၏ အခွင့်အရေးအတွက် ပြောကြားရန် ဖိအားပေးခြင်း ခံခဲ့ရသည်။

သို့သော်လည်း သူမကမူ ၎င်း၏ပါတီ NLD အား မှေးမှိန်စေရန် အတိုက်အခံများက ဘာသာရေးပြဿနာကို အသုံးချခြင်းဖြစ်သည်ဟု စွပ်စွဲခဲ့သည်။ သူမ၏ ပါတီနှင့် လက်ရှိ အာဏာရပါတီ နှစ်ခုစလုံးမှာ မွတ်စလင် ကိုယ်စားလှယ်လောင်းများကို ထည့်သွင်းခဲ့ခြင်း မရှိပေ။

Ref: Staritstimes