အာဏာသိမ်းခံရသည့် ဘာကီနာဖာဆိုတွင် အရပ်သားအစိုးရ ပြန်တက်မည်

စက်တင်ဘာ ၂၀၊ ၂၀၁၅
M-Media

– ပြီးခဲ့သည့်ရက်ပိုင်းအတွင်း စစ်တပ်က အာဏာသိမ်းခဲ့သည့် အာဖရိကမှ ဘာကီနာဖာဆိုနိုင်ငံတွင် အရပ်သားအစိုးရလက်သို့ အာဏာပြန်အပ်တော့မည်ဖြစ်ကာ သမ္မတ မိုက်ကယ် ကာဖန်ဒို ဦးဆောင်သော ကြားဖြတ်အစိုးရအဖွဲ့ ပြန်လည်တက်လာတော့မည်ဟု ဘီနင်သမ္မတ သောမတ်စ် ဘိုနီ ယာယီက ပြောကြားလိုက်သည်။

အဆိုပါ ဆုံးဖြတ်ချက်မှာ ဘိုနီယာယီက ဘာကီနာဖာဆို၏ အာဏာသိမ်းစစ်ခေါင်ဆောင် ဗိုလ်ချုပ် ဂီလ်ဘာ့တ် ဒီယန်ဒီရီနှင့် မြို့တော် အူဂါဒူဂူ၌ ယမန်နေ့တွင် တတိယအကြိမ်မြောက် ဆွေးနွေးခဲ့ပြီးနောက် ထွက်ပေါ်လာခြင်းဖြစ်သည်။

“ကျွန်တော်တို့ မျှော်လင့်ချက် ပြန်ရှင်သန်လာပါပြီ။ ဆောင်ရွက်နေဆဲဖြစ်တဲ့ အသွင်ကူးပြောင်းရေးကို ပြန်လုပ်တော့မှာပါ။ မိုက်ကယ် ကာဖန်ဒိုနဲ့အတူ အရပ်သားဦးဆောင်တဲ့ အသွင်ကူးပြောင်းမှုမျိုးပေါ့” ဟု ဘိုနီ ယာယီက သတင်းစာရှင်လင်းပွဲတွင် ပြောကြားခဲ့ပြီး၊ ယနေ့တွင် အသေးစိတ်ကို ထုတ်ပြန်မည်ဟု ဆိုသည်။

ကြားဖြတ်အစိုးရက ပြီးခဲ့သည့် ဗုဒ္ဓဟူးနေ့ ကက်ဘိနတ်အစည်းအဝေး ပြုလုပ်နေစဉ် သမ္မတအစောင့်တပ် RSP က ၀င်ရောက်စီးနင်းခဲ့ကာ သမ္မတ ကာဖန်ဒိုနှင့် ၀န်ကြီးချုပ် အိုက်ဇက် ဇီဒါတို့ကို ပြန်ပေးဆွဲခဲ့ပြီး လာမည်လတွင် ရွေးကောက်ပွဲကျင်းပရန် စီစဉ်ထားသည့် အသွင်ကူးပြောင်းရေး လုပ်ငန်းစဉ်ကို နှောက်ယှက်ခဲ့သည်။

ယခင် ထောက်လှမ်းရေးအကြီးအကဲဟောင်းဖြစ်ပြီး၊ ကာလရှည်တာဝန်ထမ်းဆောင်ကာ သမ္မတရာထူးမှ ဖြုတ်ချခံလိုက်ရသည့် သမ္မတဟောင်း ဘလိုင်စီ ကွမ်ပိုရီ၏ အနီးကပ် မဟာမိတ်ဖြစ်သူ ဒီယန်ဒီရီက ကြာသာပတေးနေ့တွင် စစ်အစိုးရ၏ ခေါင်းဆောင် ဖြစ်လာခဲ့သည်။

ထို့နောက် မြို့တော် အူဂါဒူဂူတွင် ပြည်သူများက အာဏာသိမ်းမှုကို ဆန့်ကျင်သော ဆန္ဒပြမှုများ ပြုလုပ်ခဲ့ကြပြီး စစ်သားများနှင့် ရုန်းရင်းဆန်ခတ် ဖြစ်ခဲ့ကာ အနည်ဆုံး ၁၀ ဦး သေဆုံးခဲ့သည်။ ဒဏ်ရာရရှိသူများမှာမူ ၁၀၀ ကျော် ရှိခဲ့သည်။

ဘီနင်သမ္မတနှင့် ယခုသဘောတူညီချက်တွင် အာဏာသိမ်းခေါင်းဆောင် ဒီယန်ဒီရီအတွက် လွတ်ငြိမ်းချမ်းသာခွင့်ပါဝင်မည်လား၊ ရွေးကောက်ပွဲကို သတ်မှတ်ထားသည့် ရက်အတိုင်း ပြန်လည်ကျင်းပမည်လားဆိုသည့် အချက်အလက်များ ပါဝင်ခြင်း ရှိ၊ မရှိကို ရှင်းရှင်းလင်းလင်း မသိရှိရသေးပေ။

Ref: Aljazeera