ဒီယေဂိုကော်စတာ၊ မာရှယ်၊ မဲဟ်ရာ့ဇ်တို့နဲ့ မြိုင်ဆိုင်ခဲ့တဲ့ ပရီးမီးယားလိဂ် ပွဲစဉ် ၆

စက်တင်ဘာ ၂၁၊ ၂၀၁၅
M-Media

– ဒီတစ်ပတ် ပရီးမီးယားလိဂ်မှာတော့ ထိပ်ဆုံးမှာ ဦးဆောင်နေတဲ့ မန်စီးတီး ပထမဆုံး ရှုံးပွဲတွေ့ခဲ့ရပြီး၊ လန်ဒန်ဒါဘီမှာ ချယ်ဆီးက အရှုံးတွေထဲကနေ ရုန်းထွက်နိုင်ခဲ့ပါတယ်။ လက်စတာကတော့ ချေပဂိုးတွေ လိုက်သွင်းပြီး ရှုံးပွဲမရှိစံချိန်ကို ဆက်ထိန်းထားနိုင်ခဲ့ပါတယ်။

စတမ်းဖို့ဒ်ဘရစ်ခ်ျက လန်ဒန်ဒါဘီမှာ ချယ်ဆီးတို့ တစ်ပတ်အတွင်း ၂ ပွဲဆက် နိုင်ပွဲရခဲ့ပါတယ်။ ပထမပိုင်းမှာ ချယ်ဆီးတိုက်စစ်မှူး ဒီယေဂိုကော်စတာရဲ့ အငြင်းပွားဖွယ်လုပ်ရပ်နဲ့အတူ နောက်ခံလူ ဂါဘရီယဲလ် အထုတ်ခံလိုက်ရတာက အာဆင်နယ်အတွက် ထိုးနှက်ချက် ဖြစ်ခဲ့တာပါ။ ချယ်ဆီးအတွက် ဂိုးတွေကိုတော့ ၅၃ မိနစ်မှာ ကာ့ ဇူးမားနဲ့၊ ဒုတိယပိုင်း နာကျင်ချိန်ပိုမှာ ဟဇာ့ဒ်တို့က သွင်းယူခဲ့တာဖြစ်ပါတယ်။

၅ ပွဲကစားပြီးချိန်မှာ ရာနှုန်းပြည့်နိုင်ပွဲ၊ ပေးဂိုးမရှိမှတ်တမ်းနဲ့အတူ အမှတ်ပေးဇယားကို ဦးဆောင်နေတဲ့ မန်စီးတီးက လီဗာပူးလ်၊ အာဆင်နယ်တို့ကို အဝေးကွင်းမှာ နှိပ်ကွပ်ခဲ့တဲ့ ၀က်စ်ဟမ်းကို အိမ်ကွင်းမှာ ၂ ဂိုး ၁ ဂိုးနဲ့ အရှုံးပေးခဲ့ရပါတယ်။ ကစားကွက်အသာ ဂိုးသွင်းခွင့်အသာ ရခဲ့တဲ့ အိမ်ရှင်တို့ အရှုံးနဲ့ မထိုက်တန်ပါဘူး။ ဒါပေမယ့် အခွင့်အရေး ၂ ကြိမ်မှာ ၂ ကြိမ်စလုံး ဂိုးအဖြစ်ပြောင်းလဲနိုင်ခဲ့တဲ့ ၀က်စ်ဟမ်းကိုတော့ ချီးကျူးရမှာပါပဲ။

ချန်ပီယံလိဂ် အဝေးကွင်းရှုံးပွဲ တွေ့ထားတဲ့ မန်ယူ ဆောက်သက်တမ်ကွင်းမှာ အနိုင်ရခဲ့ပေမယ့် လွယ်ကူတဲ့ ပွဲတစ်တော့ မဟုတ်ခဲ့ပါဘူး။ ၁၃ မိနစ်မှာပဲ အိမ်ရှင်တို့ အဖွင့်ဂိုးရခဲ့ပြီး ပထမပိုင်း မိနစ် ၃၀ လောက် မန်ယူက ရုန်းကန်ခဲ့ရပါတယ်။ ဒါပေမယ့် လူငယ်တိုက်စစ်မှူး အန်သိုနီ မာရှယ်ရဲ့ ခြေစွမ်းပြမှုနဲ့အတူ ၃၄ မိနစ်နဲ့ မိနစ် ၅၀ မှာ မန်ယူက ချေပဂိုးတွေ ပြန်ရခဲ့ပါတယ်။ မာရှယ်သွင်းယူခဲ့တဲ့ ဒီဂိုးတွေဟာ တော်တော်လေး အဆင့်မြင့်ပြီး စံချိန်တင် ပြောင်းရွှေ့ကြေးနဲ့ ထိုက်တန်ကြောင်း ပြသလိုက်တာလည်း ဖြစ်ပါတယ်။ ၆၈ မိနစ်မှာ ဒီပိုင်းရဲ့ ကန်ချက် တိုင်ထိထွက်လာတာကို မာတာက ဘယ်ခြေနဲ့ အပြင်းကန်သွင်းပြီး တတိယဂိုး ရယူနိုင်ခဲ့ပါတယ်။ ပွဲပြီးကာနီးမှာ ဆောက်သက်တမ်တို့ တစ်ဂိုး ထပ်သွင်းနိုင်ခဲ့ပေမယ့် ဆေးမမီတော့ပါဘူး။ ပွဲအပြီးမှာတော့ နည်းပြဗန်ဂါးလ်က မာရှယ်အပေါ်မှာ အရမ်းကြီး မျှော်လင့်မထားဖို့ ထပ်မံ သတိပေးခဲ့ပါတယ်။

လီဗာပူးလ်က အိမ်ကွင်းမှာ ကစားခဲ့ပြီး အနိုင်ရနိုင်မယ့် အခွင့်အရေးတွေ ရခဲ့ပေမယ့် နော်ဝစ်ခ်ျကို ချေပဂိုး ပြန်ပေးခဲ့ရကာ ၁ မှတ်သာရခဲ့ပါတယ်။ ပြီးခဲ့တစ်ပတ်က အိမ်ကွင်းမှာ အက်စတွန်ဗီလာကို ၂ ဂိုးပြတ်ရှုံးနေရာကနေ ၃ ဂိုးပြန်သွင်းပြီး အနိုင်ရခဲ့တဲ့ လက်စတာ ဒီတစ်ပတ်မှာလည်း စတုတ်ကွင်းမှာ ၂ ဂိုး ပြတ်နေရာကနေ ချေပဂိုးတွေ လိုက်သွင်းပြီး ရှုံးပွဲမရှိ စံချိန်ကို ဆက်ထိန်းထားနိုင်ခဲ့ပါတယ်။ ဒီပွဲမှာ တစ်ဂိုးသွင်းပေးခဲ့တဲ့ လက်စတာတိုက်စစ်မှူး မဲဟ်ရာ့ဇ်ကတော့ ပရီးမီးယားလိဂ် ဂိုးသွင်းအများဆုံးစာရင်းမှာ ၅ ဂိုးနဲ့ ထိပ်ဆုံးမှာ ဦးဆောင်နေပါတယ်။
ဒီတစ်ပတ် ပရီးမီးယားလိဂ်ပွဲတွေရဲ့ ရလဒ်များကတော့ အောက်ပါအတိုင်းဖြစ်ပါတယ်။

ချယ်ဆီး ၂-၀ အာဆင်နယ်
အက်စတွန်ဗီလာ ၀-၁ ၀က်စ်ဘရွန်း
ဘုန်းမောက် ၂-၀ ဆန်းဒါးလန်း
နယူးကာဆယ် ၁-၂ ၀က်ဖို့ဒ်
စတုတ် ၂-၂ လက်စတာ
ဆွမ်ဆီး ၀-၀ အဲဗာတန်
မန်စီးတီး ၁-၂ ၀က်စ်ဟမ်း
စပါး ၁-၀ ခရစ္စတယ်ပဲလေ့စ်
လီဗာပူးလ် ၁-၁ နော်ဝစ်ခ်ျ
ဆောက်သက်တမ် ၂-၃ မန်ယူ