ဘာကီနာဖာဆိုတွင် စစ်ခေါင်းဆောင်မှ ကြားဖြတ်အစိုးရထံ အာဏာလွှဲပြောင်းရေး စတင်

စက်တင်ဘာ ၂၂၊ ၂၀၁၅
M-Meida

– ဘာကီနာဖာဆိုတွင် အာဏာသိမ်းတပ်ဖွဲ့ထံမှ လက်နက်သိမ်းရန်နှင့် ကြားဖြတ်အစိုးရကို အာဏာပြန်လွှဲပေးရေးအတွက် စစ်တပ်မှာ မြို့တော် အူဂါဒူဂူသို့ ယနေ့တွင် ၀င်ရောက်လာခဲ့ပြီး မည်သည့် ခုခံမှုမှ မရှိဟု သိရသည်။

ပြီးခဲ့သည့်တစ်ပတ်က အာဏာသိမ်းခဲ့သည့် သမ္မတ အထူးအစောင့်တပ်ဖွဲ့မှ ခေါင်းဆောင် ဗိုလ်ချုပ် ဂီလ်ဘာ့တ် ဒီယန်ဒီရီက ၎င်းမှာ ကြားဖြတ်အစိုးရသို့ အာဏာပြန်လွှဲပေးမည်ဟု ပြောကြားခဲ့ပြီးနောက် ဘာကီနာဖာဆို စစ်တပ်ခေါင်းဆောင်များမှာ ထိုအဖွဲ့နှင့် ယမန်နေ့ညပိုင်းက လက်နက်ချရေး ဆွေးနွေးမှုများကို စတင်ခဲ့သည်။

“(မြို့တော်အတွင်းချီတက်ရန် တပ်လှန့်ထားသည့်) တပ်ဖွဲ့တွေအားလုံး အူဂါဒူဂူကို ရောက်ရှိလာကြပါပြီ။ ပစ်ခတ်မှု၊ သွေးထွက်သံယိုမှုမရှိဘဲနဲ့ အာဏာသိမ်းခေါင်းဆောင်တွေ လက်နက်ချဖို့အတွက် အခု ကျွန်တော်တို့ အသေအချာ ဆောင်ရွက်သွားရမှာပါ” ဟု ဘာကီနာဖာဆို ရဲဌာနမှ ဒုတိယအကြီးအကဲ ဗိုလ်မှူး ဆာဂျီ အေလင် အူဒရာအိုဂိုက ပြောကြားခဲ့သည်။

သမ္မတ အထူးအစောင့်တပ်ဖွဲ့က အာဏာသိမ်းပြီးနောက် ဘာကီနာဖိုဆိုပြည်သူများမှာ မြို့တော်တွင် ဆန္ဒပြမှုများ ပြုလုပ်ခဲ့ကြပြီး စစ်သားများနှင့် ထိပ်တိုက်တွေ့ဆုံခဲ့ကြကာ အနည်းဆုံး လူ ၁၀ ဦး သေဆုံး၍ ၁၀၀ ကျော် ဒဏ်ရာရရှိခဲ့သည်။

အာဏာသိမ်းခေါင်းဆောင် ဒီယန်ဒီရီကမူ ယမန်နေ့တွင် ပြည်သူလူထုအား တောင်းပန်ခဲ့ပြီး၊ စစ်တပ်က ၎င်း၏ တပ်ဖွဲ့များကို တစ်နေရာထဲတွင်စုကာ လက်နက်ချရမည်ဟု သတိပေးခဲ့ပြီးနောက်ပိုင်း ၎င်းက မိမိမှာ အာဏာကို အရပ်သား ကြားဖြတ်အစိုးရထံ ပြန်လည် လွှဲပြောင်းပေးသွားမည်ဟု ပြောကြားခဲ့သည်။

နိုင်ငံအတွင်း ၂၇ နှစ်ကြာ အာဏာရယူခဲ့ပြီး၊ ဖွဲ့စည်းပုံကိုဆန့်ကျင်ကာ ဆက်လက်၍ အာဏာကို ဆုပ်ကိုင်ထားရန် ကြိုးစားသည့် သမ္မတ ဘလိုင်စီ ကွမ်ပိုရီကို ပြီးခဲ့သည့်နှစ်အောက်တိုဘာလက ဖြုတ်ချခဲ့ပြီးနောက်ပိုင်း ဘာကီနာဖာဆိုတွင် ကြားဖြတ်အစိုးရက အုပ်ချုပ်နေပြီး လာမည့်လတွင် ရွေးကောက်ပွဲ ကျင်းပရန် စီစဉ်ထားသည်။

Ref: Aljazeera