နယ်စပ်ဒေသ တည်ငြိမ်ရေးကို ထိန်းသိမ်းရန် မြန်မာကို တရုတ်တိုက်တွန်း

စက်တင်ဘာ ၂၂၊ ၂၀၁၅
M-Media

– မိမိတို့နိုင်ငံနှင့် ထိစပ်လျက်ရှိသည့် နယ်စပ်ဒေသအား တည်ငြိမ်အောင် ထိန်းသိမ်းရန်အတွက် တရုတ် ကာကွယ်ရေးဝန်ကြီးက မြန်မာနိုင်ငံအား တိုက်တွန်း ပြောကြားခဲ့သည်ဟု တရုတ်ကာကွယ်ရေး ၀န်ကြီးဌာနက ယနေ့တွင် သတင်းထုတ်ပြန်လိုက်သည်။

မြန်မာနိုင်ငံမှာ သမိုင်းဝင်ရွေးကောက်ပွဲကို လာမည့် နိုဝင်ဘာလတွင် ကျင်းပရန် ရှိနေပြီး စစ်တပ်ကျောထောက်နောက်ခံပြုထားသည် အာဏာရ ပြည်ထောာင်စုကြံ့ခိုင်ရေးနှင့် ဖွံ့ဖြိုးရေးပါတီမှာ နိုဘယ်ဆုရှင် ဒေါ်အောင်ဆန်းစုကြည်၏ အမျိုးသား ဒီမိုကရေစီအဖွဲ့ချုပ် NLD နှင့် ယှဉ်ပြိုင်ရမည်ဖြစ်သည်။

၂၀၁၁ ခုနှစ် အာဏာရယူပြီးကတည်းက မြန်မာနိုင်ငံ၏ ပြုပြင်ပြောင်းလဲရေးအစိုးရမှာ စစ်တပ်အုပ်ချုပ်ရေးခေတ်ကာလက ကြီးထွားလာခဲ့သည့် တရုတ်နိုင်ငံအပေါ် အလွန်အမင်း မှီခိုမှုကို လျှော့ချရန် ဆောင်ရွက်ခဲ့ကြသည်။

တရုတ်နိုင်ငံကလည်း အမေရိကန်မှ ပိတ်ဆို့မှုအချို့အား ရုပ်သိမ်းခြင်း၊ အရပ်သားတစ်ပိုင်း မြန်မာအစိုးရနှင့် ဆက်သွယ်ဆောင်ရွက်ခြင်းတို့ကို သတိထား စောင့်ကြည့်လာခဲ့သည်။ တရုတ်နိုင်ငံမှာ NLD ကဲ့သို့ အခြားသော နိုင်ငံရေးပါတီများနှင့် ဆက်သွယ်ဆောင်ရွက်ရန်လည်း စိတ်အား ထက်သန်နေသည်။

တရုတ် ကာကွယ်ရေးဝန်ကြီး ချန်ဝမ်ကူအန်က စစ်ဘက်ဆိုင်ရာဆွေးနွေးမှုများအတွက် ဘေဂျင်းသို့ ရောက်ရှိနေသည့် ဒုတိယကာကွယ်ရေး ကာကွယ်ရေးဦးစီးချုပ် ဗိုလ်ချုပ်စိုးဝင်းကို နယ်စပ်ဒေသများ တည်ငြိမ်အောင် ထိန်းသိမ်းရေး မိမိတို့နှစ်နိုင်ငံ ပူးပေါင်းဆောင်ရွက်သင့်သည်ဟု ယမန်နေ့တွင် ပြောကြားခဲ့သည်။

နှစ်နိုင်ငံနယ်စပ်တွင် မြန်မာစစ်တပ်နှင့် တိုင်းရင်းသားတရုတ်လူမျိုးများ၏ အမျိုးသား ဒီမိုကရက်တစ် မဟာမိတ်တပ်ဖွဲ့ တို့အကြား ယခုနှစ်အတွင်း ဖြစ်ပွားခဲ့သည့် တိုက်ခိုက်မှုများကြောင့် မြန်မာနှင့် တရုတ်နိုင်ငံတို့အကြား ဆက်ဆံရေးမှာ အနည်းငယ် အေးစက်ခဲ့သည်။

ထိုတိုက်ခိုက်မှုအတွင်း ဗုံးဆံများနှင့် လမ်းကြောင်းလွဲလာသော အမြှောက်ဆံများမှာ တရုတ်နိုင်ငံ ပိုင်နက်အတွင်းသို့ ကျရောက်ခဲ့ပြီး တရုတ်ပြည်သူများ သေဆုံးခဲ့ရပြီးနောက် ဘေဂျင်းအစိုးရက ဒေါသထွက်ခဲ့သည်။

“ပြည်တွင်းနိုင်ငံရေးနဲ့ အမျိုးသား ပြန်လည်ရင်ကြားစေ့ရေး လုပ်ငန်းစဉ်တွေကို မြန်မာနိုင်ငံက တိုးမြှင့်လုပ်ဆောင်နေတာ၊ ရေရှည်ခံတဲ့ ငြိမ်းချမ်းမှုနဲ့ ဖွံ့ဖြိုးတိုးတက်မှုတွေကို ရရှိဖို့ သတ်မှတ်ထားတဲ့အစီအစဉ်အတိုင်း ရွေးကောက်ပွဲကို အောင်အောင်မြင်မြင် ကျင်းပတာတွေကို တရုတ်နိုင်ငံက ထောက်ခံအားပေးပါတယ်” ဟု ချန်က ပြောကြားခဲ့သည်။

တရုတ်နိုင်ငံမှာ မြန်မာနိုင်ငံ၏ ရွေးကောက်ပွဲကို အနီးကပ် စောင့်ကြည့်သွားမည်ဖြစ်ပြီး အစိုးရအပြောင်းအလဲက မြန်မာနိုင်ငံတွင် ၎င်းတို့၏ ရင်းနှီးမြှုပ်နှံမှုများ အထူးသဖြင့် ရေနံနှင့် သဘာဝဓာတ်ငွေ့ပိုက်လိုင်း၊ ရေအားလျပ်စစ်စီမံကိန်းများအား ထိခိုက်လာနိုင်မည်ကိုလည်း တရုတ်နိုင်ငံက စိုးရိမ်နေသည်။

ပြီးခဲ့သည့်ဇွန်လက တရုတ်သမ္မတ ဇီဂျင်ပင်းမှာ မြန်မာနိုင်ငံတွင် မည်သည့် နိုင်ငံရေးပြောင်းလဲမှုမျိုး ဖြစ်လာသည်ဖြစ်စေ နှစ်နိုင်ငံဆက်ဆံရေးတွင် ခိုင်မြဲပြီး အပြုသဘောဆောင်မှု အခြေအနေကို မြန်မာနိုင်ငံက ထိန်းသိမ်းမည်ဟု မျှော်လင့်ကြောင်း ဘေဂျင်းသို့သွားရောက်ခဲ့သည့် ဒေါ်အောင်ဆန်းစုကြည်ကို ပြောကြားခဲ့သည်။

Ref: Channelnewsasia