ရုရှားနိုင်ငံ မော်စကိုမြို့တွင် ဗလီဝတ်ကျောင်းတော်သစ်ကြီးတစ်ခု ဖွင့်လှစ်

စက်တင်ဘာ ၂၃၊ ၂၀၁၅
M-Media

– ၁၀ နှစ်ကြာ ဆောက်လုပ်ရေးလုပ်ငန်းများကို လုပ်ဆောင်ခဲ့ပြီးနောက် ရုရှားနိုင်ငံ မော်စကိုမြို့၌ အဓိက ဗလီဝတ်ကျောင်းတော် တစ်လုံးကို ယနေ့တွင် ဖွင့်လှစ်ခဲ့သည်ဟု သိရသည်။

ကန်ဒေါ်လာ သန်း ၁၇၀ ကုန်ကျသည့် အဆိုပါ ကက်သဒရယ် ဗလီဝတ်ကျောင်းတော် ဖွင့်ပွဲအခမ်းအနားသို့ ရုရှားသမ္မတ ဗလာဒီမီရ်ပူတင်၊ တူရကီသမ္မတနှင့် ပါလက်စတိုင်းသမ္မတတို့ တက်ရောက်ခဲ့ကြသည်။ ရုရှားနိုင်ငံ၌ မနက်ဖြန်တွင် အစ္စလာမ်ဘာသာဝင်တို့၏ အီဒွလ်အသွဟာ စွန့်လှူဒါနပြုမှု ပွဲတော် ကျရောက်မည်ဖြစ်သည်။ ထိုပွဲတော်ကို ရုရှားတွင် ကိုရ်ဘာန် ဘိုင်ရမ်ဟု သိကြသည်။

သမ္မတပူတင်ကမူ အစွန်းရောက် သဘောတရားများ ရုရှားမွတ်စလင်လူ့အဖွဲ့အစည်းအတွင်းသို့ ၀င်ရောက်မလာအောင် တားဆီးနိုင်ခဲ့သည့် ရုရှားမွတ်စလင်ခေါင်းဆောင်များကို ချီးကျူးခဲ့ပြီး နိုင်ငံအတွင်းရှိ ဘာသာရေးခေါင်းဆောင်များအကြား ပူးပေါင်းဆောင်ရွက်မှုကိုလည်း ချီးကျူးခဲ့သည်။

“အစွန်းရောက်ဝါဒဖြန့်မှုတွေကို ခုခံတားဆီးဖို့ ရုရှားက မွတ်စလင်ခေါင်းဆောင်တွေဟာ သူတို့ရဲ့ လုပ်ပိုင်ခွင့်တွေကို ပြောင်မြောက်စွာ အသုံးချနေကြပါတယ်။ တကယ့်ကို သူရဲကောင်းဆန်တဲ့ အလုပ်တွေကို လုပ်ဆောင်နေကြတဲ့ အဲဒီခေါင်းဆောင်တွေကို အလွန်ပဲ လေးစားအားထားတယ်လို့ ကျွန်တော် ပြောချင်ပါတယ်” ဟု ပူတင်က ဗလီဝတ်ကျောင်းတော် ဖွင့်ပွဲအခမ်းအနားတွင် ထည့်သွင်းပြောကြားခဲ့သည်။

အစ္စလာမ်သာသနာမှာ ရုရှား၌ ဒုတိယအကြီးဆုံး ဘာသာတရားဖြစ်ပြီး နိုင်ငံတစ်ဝှမ်း အစ္စလာမ်ကို သက်ဝင်ယုံကြည်သူ ဦရေ ၂၃ သန်းခန့်ရှိကာ အများစုမှာ နိုင်ငံမြောက်ပိုင်း ကော့ကေးရှပ်ဒေသတွင် နေထိုင်ကြသည်။ ရုရှားနိုင်ငံမြို့တော် မော်စကိုတွင် အစ္စလာမ်ဘာသာဝင် ၂ သန်းခန့် နေထိုင်လျက်ရှိနေသည်။

နှစ်ပေါင်း ၁၀၀ ကျော် သက်တမ်းရှိသည့် ဗလီဝတ်ကျောင်းတော်မှာ ၂၀၁၁ ခုနှစ်က ဖြိုချခံရပြီးနောက် ထိုနေရာတွင် ပြန်လည်တည်ဆောက်ခဲ့သည့် အဆိုပါ ကက်ဒသရယ် ဗလီဝတ်ကျောင်းတော်မှာ ၀တ်ပြုသူပေါင်း ၁၀၀၀၀ အထိ ၀င်ဆန့်ပြီး မော်စကိုမြို့၏ ဆဌမမြောက် ဗလီဝတ်ကျောင်းတော်လည်း ဖြစ်သည်။ ထိုဗလီဝတ်ကျောင်းတော်ကို အစ္စလာမ်ဘာသာဝင်များ၏ အလှူငွေ သက်သက်ဖြင့် ဆောက်လုပ်ခဲ့ခြင်းဖြစ်သည်။

Ref: Aljazeera