ဖင်လန်တွင် ဒုက္ခသည်များကို လက်ယာစွန်းရောက်များ တိုက်ခိုက်

စက်တင်ဘာ ၂၆၊ ၂၀၁၅
M-Media

– ဖင်လန်နိုင်ငံတောင်ပိုင်း လာတီမြို့ရှိ လက်ခံရေးဌာနသို့ ကားဖြင့်ရောက်ရှိလာကြသော ဒုက္ခသည်များကို လက်ယာစွန်းရောက်များက တိုက်ခိုက်ခဲ့ကြသည်ဟု သိရသည်။

အမေရိကန်မှ လူဖြူအစွန်းရောက်ဂိုဏ်း Ku Klux Klan ဂိုဏ်းသားများ ၀တ်ဆင်သော အဖြူရောင် ၀တ်ရုံရှည်ကြီးများကို ၀တ်ဆင်ထားသည့် လူ ၄၀ ခန့်မှာ ကြာသာပတေးနေ့ ညပိုင်းက လာတီမြို့ရှိ ဒုက္ခသည် လက်ခံရေးဌာနရှေ့တွင် ဖင်လန်အလံများ ဝှေ့ရမ်းကာ စုရုံးဆန္ဒပြခဲ့ကြပြီး ဒုက္ခသည်များ တင်ဆောင်လာသည့် ဘစ်ကား ရောက်ရှိလာသည့်အချိန်တွင် အော်ဟစ်ဆဲဆိုခဲ့ကြသည်။

အချို့ဆန္ဒပြသူများမှာ ကေးလငယ်အများစု အပါအ၀င် ဒုက္ခသည် ၄၀ ခန့် တင်ဆောင်လာသည့် အဆိုပါ ဘတ်စ်ကားကို ကျောက်တုံးများ မီးရှူးမီးပန်းများဖြင့် ပစ်ပေါက် ခဲ့ကြသည်ဟု ဖင်လန်ရုပ်သံ YLE က ဖော်ပြခဲ့သည်။

“ဆန္ဒပြသူတွေက လာတီမြို့က လူငယ်တွေပါ။ အခုအချိန်မှာ သူတို့ဟာ တစ်နည်းနည်းနဲ့ စုဖွဲ့ပြီး လာတယ်ဆိုတဲ့ လက္ခဏာမျိုး မရှိသေးပါဘူး” ဟု ရဲတပ်ဖွဲ့အကြီးအကဲ မာတီ ဟီရ်ဗိုနန်က ပြောကြားခဲ့သည်။

ဖင်လန်တောင်ပိုင်း အခြားမြို့တစ်မြို့ဖြစ်သော ကူဗိုလာမြို့ရှိ ဒုက္ခသည်လက်ခံရေးဌာတွင်လည်း ကြာသာပတေးနေ့က ရေနံဆီဗုံးတစ်လုံး ကျရောက်ပေါက်ကွဲခဲ့ပြီး၊ ထိခိုက်ဒဏ်ရာရသူစာရင်းများကို သိရှိရခြင်း မရှိသေးပေ။

“နိုင်ငံအတွင်းကို ၀င်ရောက်လာတဲ့ ခိုလှုံသူတွေအပေါ်မှာ ပြုလုပ်တဲ့ မနေ့ညက လူမျိုးရေးခွဲခြားမှု ဆန္ဒပြပွဲကို ဖင်လန်အစိုးရက ပြင်းပြင်းထန်ထန် ရှုတ်ချပါတယ်။ အကြမ်းဖက်မှု ဒါမှမဟုတ် အကြမ်းဖက်မယ်ဆိုတဲ့ ခြိမ်းခြောက်မှုကို အမြဲတမ်း ရှုတ်ချပါတယ်” ဟု ဖင်လန်အစိုးရက ယမန်နေ့တွင် ထုတ်ပြန်သော ကြေညာချက်၌ ထည့်သွင်းဖော်ပြထားသည်။

ဝန်ကြီးချုပ် ဂျူဟာ ဆီပီလာကမူ ဒုက္ခသည်များကို ၎င်း၏အိမ်တွင် နေရာချထားပေးထားပြီး နိုင်ငံတကာမှ ချီးကျူးမှုများ ရှိခဲ့သော်လည်း နိုင်ငံအတွင်း၌ ဝေဖန်မှုများ ရှိနေသည်။

Ref: Aljazeera