မ.ဘ.သ အဖွဲ့ ၏အဆုံးသတ်ပစ်မှတ် NLD

စက်တင်ဘာ ၂၇ ၊ ၂၀၁၅
M-Media

ဓါတ်ပုံ ဧရာဝတီ

အမျိုးသား ဒီမိုကရေစီအဖွဲ့ချုပ်ဟာ မဘသအဖွဲ့ အပေါ် သိက္ခာချတဲ့ တာဝန်မဲ့ စကားများပြောကြားပြီး မိမိတို့ရဲ့ဗုဒ္ဓဘာသာ ကာကွယ်စောင့်ရှောက်ရေးကြိုးပမ်းချက်များကို ရည်ရွယ်ချက်ရှိရှိ ဖျက်ဆီးနေကြောင်း မဘသ အဖွဲ့ဝင် အမျိုးသားရေး ၀ါဒီဘုန်းကြီးများက တန်ပြန် တံဆိပ်တပ်ခဲ့ပါတယ်။

မဘသအဖွဲ့ဗဟိုကော်မတီရဲ့ ထုတ်ပြန်ချက် တစ်ရပ်က ဒေါ်အောင်ဆန်းစုကြည်ရဲ့ပါတီဟာ ဆိုရှယ်မီဒီယာကဖြစ်စေ၊ ဘုန်းတော်ကြီးကျောင်း ကွန်ရက်များကဖြစ်စေ အစွန်းရောက် အမျိုးသားရေးဝါဒီများရဲ့ နိုင်ငံနဲ့အ၀ှမ်း အပုပ်ချတိုက်ခိုက်မှုကို ဘယ်လိုခံနေရကြောင်း ထပ်မံ မီးမောင်းထိုးပြသလိုက်ပါတယ်။

NLD ပါတီကို သိက္ခာချဖို့၊ နိုဝင်ဘာ ၈ ရက်ရွေးကောက်ပွဲမှာ မဲမပေးကြဖို့ အတွက် မဘသ အုပ်စုများဟာ တရားပွဲတွေ၊ လက်ကမ်း စာစောင်နဲ့ စီဒီခွေများဖြန့်ဝေခြင်းကို အသုံးချနေတယ်လို့ NLD ထိပ်တန်း ပါတီဝင်များက စက်တင်ဘာ ၂၁ ရက်မှာ စွပ်စွဲပြောကြားလိုက်ပါတယ်။ ဧရာဝတီတိုင်းက မြို့နယ်သုံးခု၊ တနင်္သာရီနဲ့ စစ်ကိုင်းတိုင်းက တစ်မြို့နယ်စီမှာ အဆိုပါနည်း အတိုင်း ပါတီကို တိုက်ခိုက်ခဲ့ကြောင်း ဆိုပါတယ်။

နိုင်ငံရေးထဲ ဘာသာရေးကို တလွဲ အသုံးချနေကြောင်း ပြည်ထောင်စုရွေးကောက်ပွဲကော်မရှင်ဆီ အကြောင်းကြား တိုင်တန်းခဲ့သော်လည်း အစိုးရဖက်က မည်သည့် အရေးယူမှု မရှိတာကို တွေ့ရတယ်လို့ ဦးဝင်းထိန်က ပြောကြားပါတယ်။

‘မဘသအဖွဲ့က ထုတ်ဝေဖြန့်ချိတဲ့ လက်ကမ်း စာစောင်တွေနဲ့တစ်ကွ ဓာတ်ပုံတွေ ကျွန်တော်တို့ဆီမှာ ရှိပါတယ်။ ပြည်ထောင်စုရွေးကောက်ပွဲကော်မရှင်ကို တိုင်ကြားခဲ့ပါတယ်။ ဒါပေမယ့် ခုချိန်ထိ ပြန်ကြားမှု မရှိသေးပါဘူး’ ။

စက်တင်ဘာ ၂၃ ရက်နေ့ မဘသအဖွဲ့ထုတ်ပြန်ချက်မှာ မဘသဟာ မည်သည့်အဖွဲ့အစည်း မည်သည့်ပါတီနောက် မလိုက်ခဲ့ပါ။ သို့သော် အမျိုးဘာသာ ကာကွယ်စောင့်ရှောက်ရေး အတွက် မည်သည့်အုပ်စုနှင့် မဆို ပူးပေါင်းဆောင်ရွက်သွားမယ်လို့ ဖော်ပြထားပါတယ်။ ဘယ်ပါတီကိုမှ မတိုက်ခိုက်ကြောင်း ငြင်းဆိုခဲ့ပေမယ့် တိုင်းပြည် လူမျိုးဘာသာကို ဖျက်ဆီးဖို့ကြိုးစားနေတဲ့ မည်သည့်လူပုဂ္ဂိုလ်၊ အုပ်စုကိုမဆို ဖယ်ရှားသွားမယ်လို့ အခိုင်အမာ ဆိုပြန်ပါတယ်။

NLD ရဲ့ထိပ်တန်းခေါင်းဆောင် ဦးတင်ဦးရဲ့မှတ်ချက်များဟာ တာဝန်မဲ့လှကြောင်း၊ အမျိုးဘာသာ သာသနာကာကွယ်ရေးကို ရည်ရွယ်ချက်ရှိရှိ ဖျက်ဆီးနေတယ်လို့ ယူဆရကြောင်း အဆိုပါထုတ်ပြန်ချက်ထဲ ပါဝင်နေပါတယ်။

မဘသဗဟိုကော်မတီက ပုံနှိပ် စာရွက်စာတမ်းများ ထုတ်ဝေဖြန့်ချိဖို့ မည်သည့် ညွှန်ကြားချက်ကိုမှ မထုတ်ပြန်ခဲ့ပါဘူး၊ နိုင်ငံရေးထဲ ပါဝင်စွက်ဖက်မှု မရှိပါဘူးလို့ ရန်ကုန် မဘသအဖွဲ့ရဲ့ပြောရေးဆိုခွင့်ရှိသူ ဦးပါမောက္ခက ဆိုပါတယ်။ သို့တစေ ‘အမျိုးဘာသာသာသနာ ဖျက်ဆီးမယ့်သူအတွက် ပြည်သူတွေရဲ့ မဲပေးမှုကို မလိုလားဘူး’ လို့ ဖြည့်စွက်ပြောကြားခဲ့ပါတယ်။

မဘသ သို့မဟုတ် မဘသနဲ့ နီးစပ်သူများက မွတ်စ်လင်မ် ဆန့်ကျင်ရေးလှုပ်ရှားမှုတွေကို ထင်ထင်ရှားရှား ပြုလုပ်နေကြတယ်၊ NLD ဟာ မွတ်စ်လင်မ်တွေနဲ့ အနီးကပ်ဆက်ဆံမှုရှိနေတယ်၊ ပါတီခေါင်းဆောင်ဟာ မွတ်စ်လင်မ်တွေ အပေါ် စာနာသူဖြစ်တယ် စသဖြင့် သတ်မှတ်ပြောဆိုနေကြောင်း ရန်ကုန်နဲ့ အခြားမြို့များက မဲဆန္ဒရှင်များထံမှ သိရပါတယ်။

လူမျိုးရေး၊ ဘာသာရေးဆိုင်ရာ တည်ငြိမ်မှုကို ထိန်းသိမ်းကြဖို့ သမ္မတ ဦးသိန်းစိန်က ပြောကြားထားခဲ့ပြီးဖြစ်ပါတယ်။ ဒါပေမယ့် တစ်ချိန်တည်းမှာပဲ အစိုးရအနေနဲ့ ရိုဟင်ဂျာ မွတ်စ်လင်မ်တွေကို မဲပေးခွင့် ရုပ်သိမ်းကြောင်း၊ မဘသအဖွဲ့ကတင်သွင်းတဲ့ မျိုးစောင့်ဥပဒေလေးရပ်ကို အတည်ပြုပြဋ္ဌာန်းကြောင်း – သမ္မတရုံးက အသိပေးသလိုလိုနဲ့ ဗုဒ္ဓအမျိုးသားရေးဝါဒလှိုင်းတံပိုးထဲ မဲဆန္ဒရှင်များကို မသိမသာ မောင်းသွင်းခဲ့ပါတယ်။

ယမန်နေ့က ဘုန်းကြီး၊ မယ်သီလရင်၊ အမျိုးသားရေး ၀ါဒအဖွဲ့ဝင်လူငယ်များ ပါဝင်ကြတဲ့ မဘသထောက်ခံသူဦးရေ တစ်သောင်းဝန်းကျင်ရှိ လူအုပ်တစ်အုပ်ဟာ နေပြည်တော်ရဲ့တပေါင်းခန်းမမှာ စုရုံးပြီး မျိုးစောင့်ဥပဒေပြဋ္ဌာန်းမှု အတွက် အောင်ပွဲခံခဲ့ကြပါတယ်။

‘အမျိုးဘာသာသာနာ မပျောက်ကွယ်အောင် ထိန်းသိမ်း ကာကွယ်ပေးမယ့် ဥပဒေများကို ဖန်တီးဖော်ဆောင်ခွင့်ရရှိတဲ့အတွက် ၀မ်းမြောက်ကျေနပ်မိပါတယ်။ ဒီဝမ်းမြောက်မှု အပေါ် ဖော်ပြဖို့ရာ စကားလုံး မရှိပါဘူး’ လို့ နေပြည်တော်မဘသအဖွဲ့ဥက္ကဋ္ဌ ဆရာတော် ဦးဝိလာသက ဆိုပါတယ်။

သမ္မတဦးသိန်းစိန်က သြဂုတ်လအတွင်း မျိုးစောင့် ဥပဒေလေးရပ် အသက်ဝင်ရေး လက်မှတ်ရေးထိုးပြီးနောက် မဘသအုပ်စုဟာ နိုင်ငံအနှံ့ လှည့်လည်အောင်ပွဲခံနေခဲ့ကြပါတယ်။ အဲ့ဒီဥပဒေများက ဘာသာရေးနဲ့လိင်ပိုင်းဆိုင်ရာ ခွဲခြားချိုးနှိမ်မှုကို ဆက်လက် အဓွန့်ရှည်စေတယ်ဆိုပြီး လူ့အခွင့်အရေး အုပ်စုများက ကန့်ကွက်ရှုတ်ချထားခဲ့ကြပြီးလည်း ဖြစ်ပါတယ်။

အောင်ပွဲခံအခမ်းအနားများအတွက် အစိုးရဖက်မှ ငွေကြေးထောက်ပံ့ပေးကမ်းမှု မရှိပါ။ အမျိုးသားရေးဝါဒီသံဃာများက တစ်သိန်းကျပ်ထည့်ဝင်ကြသလို ရန်ကုန်တိုင်းမဘသအဖွဲ့က ကျပ်ငွေ သုံးသန်း ထောက်ပံ့ပေးကမ်းပါတယ်လို့ ဦးဝိလာသက ပြောပါတယ်။

မဘသအဖွဲ့ရဲ့အဆိုအရ တိုင်းပြည် အနှံ့အောင်ပွဲခံ အခမ်းအနားများ အတွက် မိုးထိမိုးမိ ဗုဒ္ဓဘာသာ အဖွဲ့အစည်းက ကျပ်ငွေ သန်း ၇၀ လှူဒါန်းခဲ့ပြီး၊ တော်သလင်းလပြည့် စက်တင်ဘာ ၂၈ ရက်နေ့မှာ ရန်ကုန်ကို ပြန်လာစုစည်းကြမယ်လို့ သိရပါတယ်။

မဘသအဖွဲ့ဟာ ရွေးကောက်ပွဲပြီးတဲ့နောက် ဘယ်အစိုးရ တက်တက် အမျိုးဘာသာသာသနာ အပေါ် မည်သည့်စော်ကားမှုကိုမျှ လက်ခံမှာမဟုတ်ဘူး၊ ဒါကြောင့် ကမ္ဘာဆုံးတိုင် မြန်မာနိုင်ငံမှာ မဘသ ရှိနေမှာဖြစ်ကြောင်း၊ မဘသဟာ နိုင်ငံရေးပါတီအသွင်မျိုး လုပ်ကိုင်ဆောင်ရွက်သွားမှာမဟုတ်သလို လက်ရှိအစိုးရရဲ့သြဇာတည်မြဲအောင်လုပ်ဖို့ ရည်ရွယ်ချက်လည်း မရှိကြောင်း နာမည်ကြီး ဘုန်းတော်ကြီးတစ်ဦးဖြစ်သူ ဦးသောပါကမှ ပြောကြားလိုက်ပါတယ်။ ဒါ့အပြင် ရိုဟင်ဂျာ မွတ်စ်လင်မ် လူ့အဖွဲ့အစည်းကို နိုင်ငံမဲ့ ဘ၀ဖြစ်စေခဲ့တဲ့ ၁၉၈၂ နိုင်ငံသားဥပဒေ ပြန်လည်ရုပ်သိမ်းအောင် မည်သည့် နိုင်ငံရေးပါတီကမှ မကြိုးစားကြဖို့ သူက သတိပေးလိုက်ပါတယ်။

ဆောင်းပါးရှင်  Ei Ei Toe Lwin   ရေးသားပြိး Myanmar Times အင်္ဂလိပ်ပိုင်းတွင် ဖော်ပြခဲ့သည့် “Ma Ba Tha takes aim at defamation accusations ” ဆောင်းပါးကို မြင့်မိုရ်မောင်မောင် ဆီလျော်အောင် ဘာသာပြန်ဆိုပါသည်။