စပိန်ရှိ ကာတာလိုနီယာဒေသ ရွေးကောက်ပွဲ ခွဲထွက်လိုသူများ အနိုင်ရ

စက်တင်ဘာ ၂၈၊ ၂၀၁၅
M-Media

– စပိန်ရှိ ကာတာလိုနီယာဒေသတွင် စနေနေ့က ပါလီမန်ရွေးကောက်ပွဲများ ပြုလုပ်ခဲ့ရာ ဒေသအား လွတ်လပ်ရေးရအောင် ဆောင်ရွက်ပေးမည်ဟု ကတိပေးထားသည့် ခွဲထွက်လိုသူများ မဟာမိတ်အဖွဲ့က အနိုင်ရရှိခဲ့ဟု သိရသည်။

ရွေးကောက်ပွဲမှ မဲများ၏ ၉၉ ရာခိုင်နှုန်းကို ရေတွက်ခဲ့ရာတွင် ခွဲထွက်ရေး လိုလားသူများ၏ Together for Yes အဖွဲ့က ပါလီမန် ၁၃၅ နေရာတွင် ၆၂ နေရာ ရရှိခဲ့ခြင်းဖြစ်သည်။

အကယ်၍ ၎င်းတို့မှာ အမတ်နေရာ ၁၀ နေရာ ရရှိခဲ့သော ဒေသလွတ်လပ်ရေး လိုလားသည့် လက်ဝဲပါတီ Popular Unity Candidacy (CUP) နှင့် မဟာမိတ်ဖွဲ့ခဲ့ပါက ပါလီမန်အား အုပ်စီးရန် လိုအပ်သည့် အမတ်နေရာ ၆၈ နေရာကို ပြည့်မှီမည်ဖြစ်ပြီး၂၀၁၇ ခုနှစ် ကာတာလိုနီယာဒေသ စပိန်ထံမှ ခွဲထွက်ရေး အစီအစဉ်ကို ရှေ့ဆက် ဆောင်ရွက်နိုင်မည်ဖြစ်သည်။

သို့သော်လည်း CUP ပါတီကမူ ခွဲထွက်ရေးလိုလားသူများ မဟာမိတ်အဖွဲ့က လူကြိုက်များမှု ၅၀ ရာခိုင်နှုန်းကျော်မှသာ လွတ်လပ်ရေး တောင်းဆိုမှုတွင် ပါဝင်မည်ဟု ပြောကြားထားပြီး မဟာမိတ်အဖွဲ့မှာ ၄၈ ရာခိုင်နှုန်းသာ ရရှိခဲ့သည်။

ဒေသခေါင်းဆောင် အာတာရ် မက်စ်ကမူ ၎င်းအား သြဘာပေးနေသည့် ထောက်ခံသူများအကြားတွင် ၎င်းတို့အနိုင်ရကြောင်း ကြေငြာခဲ့သည်။

ကာတာလိုနီယာဒေသမှာ စပိန်နိုင်ငံ စီးပွားရေး၏ ၅ ပုံ ၁ ပုံ နီးပါးကို အထောက်အကူပြုနေသော်လည်း ဒေသအတွင်း အခွန်များကြီးမြင့်မှု၊ အစိုးရ၏ ရင်းနှီးမြှုပ်နှံမှု အနည်းငယ်သာ ရရှိခြင်းတို့ကြောင့် ပြည်သူများမှာ စပိန်မှ ခွဲထွက်လိုကြခြင်းဖြစ်သည်။ စပိန်နိုင်ငံ၏ စီးပွားရေးကျဆင်းမှုနှင့် ဘဏ္ဍာရေးပြဿနာများ ဖြစ်ပေါ်စဉ်အတွင်း ကာတာလိုနီယာဒေသ ခွဲထွက်ရေး လှုပ်ရှားမှုမှာ ပိုမို အရှိန်မြင့်လာခဲ့သည်။

Ref: Aljazeera