အာဆတ်ကိုဖြုတ်ချပါက ဆီးရီးယားမှာ အခြေအနေပိုဆိုးမည်ဟု ပူတင်ပြာ

စက်တင်ဘာ ၂၈၊ ၂၀၁၅
M-Media

– ဆီးရီးယားသမ္မတ ဘာရှာ အလ် အာဆတ်အား ဖြုတ်ချပါက နိုင်ငံမှာ အီရတ်နှင့် လစ်ဗျားတို့ကဲ့သို့ ကစဥ့်ကလျား ဖြစ်ပွားမည်ဟု ရုရှားသမ္မတ ဗလာဒီမီရ်ပူတင်က ယမန်နေ့တွင် CBS သတင်းဌာနနှင့် အင်တာဗျူး၌ ထည့်သွင်းပြောကြားခဲ့သည်။

ရုရှားနှင့် အီရန်တို့မှာ အာဆတ်၏ အနီးကပ် မဟာမိတ်များဖြစ်ပြီး ဆီးရီးယားပြည်တွင်းစစ်တွင် နည်းလမ်းအမျိုးမျိုးဖြင့် ပါဝင်နေသည်ဟု သတင်းထွက်ပေါ်နေသည့် နိုင်ငံများလည်း ဖြစ်သည်။ ပူတင်ကမူ လက်ရှိဆီးရီးယား အစိုးရကို အားကောင်းစေကာ အကြမ်းဖက်ဝါဒအား တိုက်ဖျက်ရန် ၎င်းတို့အား ကူညီခြင်းမှလွဲ၍ ပြဿနာအား ဖြေရှင်းရန် အခြားနည်းလမ်းမရှိဟု ထည့်သွင်းပြောကြားခဲ့သည်။

၎ နှစ်ကျော်လာသော ဆီးရီးယားပြည်တွင်းစစ်အတွင်း သေဆုံးသူမှာ သိန်းနှင့်ချီ၍ ရှိနေပြီး အိုးအိမ်စွန့်ခွာ ထွက်ပြေးရသူများမှာလည်း သန်းချီနေပြီဖြစ်သည်။

Ref: Aljazeera