အင်္ဂါဂြိုဟ်တွင် ရေတွေ့ပြီ

စက်တင်ဘာ ၂၉၊ ၂၀၁၅
M-Media

– အင်္ဂါဂြိုဟ်၏ မျက်နှာပြင်တွင် အရည်အခြေအနေရှိသော ဆားငန်ရေ ရှိနေသည်ဟု နာဆာက ယမန်နေ့တွင် ကြေငြာခဲ့ပြီး ထိုတွေ့ရှိမှုက ဂြိုဟ်နီကြီးအတွင်း သက်ရှိများရှိနိုင်သည့် အလားအလာကို ဖော်ပြခြင်းဖြစ်သည်ဟု သိပ္ပံပညာရှင်များက ထည့်သွင်းပြောကြားခဲ့သည်။

အင်္ဂါဂြိုဟ်မျက်နှာပြင်တွင် တွေ့ရှိရသည့် မည်းနက်ပြီး၊ ကျဉ်းမြောင်းကာ ရှယ်လျားသွယ်တန်းသော အမြှောင်းတန်းများကို နာဆာနှင့် အမေရိကန်တက္ကသိုလ်များမှ သိပ္ပံပညာရှင်များက လေ့လာခဲ့ပြီးနောက် ထိုသမိုင်းဝင်တွေ့ရှိမှုကို ကြေငြာနိုင်ခဲ့ခြင်း ဖြစ်သည်။

အဆိုပါ အမြှောင်းတန်းများမှာ အင်္ဂါဂြိုဟ်၏ နွေရာသီများတွင် အပေါ်မှ အောက်သို့ လျောဆင်းသွားသည့် သဏ္ဍာန်ဖြင့် ထင်ထင်ရှားရှားပေါ်လာသည်ကို စူးစမ်းလေ့လာမှုများအရ တွေ့ခဲ့ရသည်။

နာဆာမှ သိပ္ပံပညာရှင်များက ရေစိမ့်ထွက်ခြင်း၊ သို့မဟုတ် အားနည်းသည့် ရေစီးကြောင်းကြောင့် ထိုအမြှောင်တန်းများ ဖြစ်ပေါ်လာခြင်းဖြစ်ပြီး ကမ္ဘာမြေ မျက်နှာပြင်တွင် ရေစီးသည့်အခါ ဖြစ်ပေါ်လာသည့် ပုံသဏ္ဍာန်၊ အနားသတ်များနှင့် တူညီသည်ဟု ပြောကြားခဲ့သည်။

အင်္ဂါဂြိုဟ်၌ ရေရှိသည်ဆိုသော သီအိုရီအား ၂၀၁၁ ခုနှစ်က အရီဇိုးနားတက္ကသိုလ်မှ ကျောင်းသားတစ်ဦးဖြစ်သူ လူဂျန်ဒရာ အို့ဂ်ျဟာက ဂြိုဟ်အတွင်းမှ မည်းနက်ပြီး လက်ချောင်းပုံသဏ္ဍာန်ရှိသည့် အရာများကို လေ့လာပြီးနောက် ပထမဆုံး ပြောကြားခဲ့ခြင်းဖြစ်သည်။ ၎င်းမှာ ယခုအချိန်တွင် ဂျော်ဂျီယာနည်းပညာတက္ကသိုလ်၌ ပီအိက်ခ်ျဒီဘွဲ့ တက်ရောက်နေပြီး ယခု လေ့လာမှုအား ဦးဆောင်ခဲ့သူလည်း ဖြစ်သည်။

ထိုကဲ့သို့ ရေအား အရည်အခြေအနေဖြင့် တွေ့ရခြင်းမှာ ကြီးမာသော ခြေလှမ်းတစ်ခုလည်းဖြစ်သည်။

“ရေဟာ အသက်ဖြစ်ဖို့အတွက် အရေးပါတဲ့အရာလို့ ကျွန်တော်တို့ သိထားတယ်။ ဒါ့ကြောင့် ရေကိုတွေ့တယ်ဆိုတာ ကြီးမားတဲ့ ခြေလှမ်းတစ်ခုပါပဲ။ ကမ္ဘာပေါ်မှာ ဘယ်နေရာမှာမဆို ရေရှိပြီဆိုရင် သက်ရှိ ရှိနေပါတယ်။ ဒါပေမယ့် အင်္ဂါဂြိုဟ်ပေါ်မှာတော့ ဒါက မှန်ချင်မှ မှန်မှာပါ” ဟု လေ့လာမှုတွင် ပါဝင်ခဲ့သူ အဇီဇိုးနားတက္ကသိုလ်မှ ပထ၀ီပါမောက္ခ အလဲလ်ဖရဒ် မက်ခ် အီဝမ်က ပြောကြားခဲ့သည်။

သို့သော်လည်း ထိုရေ၏ ဆားအလွန်ငံခြင်းနှင့် ဂြိုဟ်ပေါ်မှ ဓာတ်ရောင်ခြည်များကြောင့် သက်ရှိများ ပေါက်ဖွားရန် မဖြစ်နိုင်ကြောင်း၊ ရေတွေ့ရှိခြင်းမှာ ပထမအဆင့်ဖြစ်ပြီး အနာဂတ်တွင် ထိုဒေသများ၌ သက်ရှိကို ရှာဖွေရန် စူစမ်းရမည်ဖြစ်ကြောင်း၊ အင်္ဂါဂြိုတွင် သက်ရှိများရှိပါက ထိုသက်ရှိများမှာ မိုက်ခရုဘ်ပိုးမွှားများပင် ဖြစ်မည်ဟု ၎င်းက ထပ်လောင်းပြောကြားခဲ့သည်။

Ref: Aljazeera