ရွေးကောက်ပွဲတွင်မဲပေးရန် နိုင်ငံရပ်ခြားမှ မြန်မာနိုင်ငံသား သုံးသောင်းကျော် လျှောက်လွှာတင်

စက်တင်ဘာ ၃၀၊ ၂၀၁၅
M-Media

မြန်မာပြည်သူတစ်ဦး မဲစာရင်းကြည့်ရှုနေစဉ်

– လာမည့် နိုဝင်ဘာ ၈ ရက်နေ့ ရွေးကောက်ပွဲအတွက် နိုင်ငံရပ်ခြားမှ မဲပေးရန် စာရင်းပေးသူ မြန်မာနိုင်ငံသား အရေအတွက်မှာ ၃၅၀၀၀ နီးပါး ရှိသည်ဟု ပြည်ထောင်စုရွေးကောက်ပွဲ ကော်မရှင်၏ ထုတ်ပြန်ချက်အရ သိရသည်။

စာရင်းပေးသွင်းမှု နောက်ဆုံးရက်မှာ သြဂုတလ ၂၃ ရက်နေ့ဖြစ်သော်လည်း စက်တင်ဘာ ၂၀ ရက်နေ့အထိ ထပ်မံ တိုးပေးခဲ့ခြင်းဖြစ်ပြီး လျှောက်လွှာတင်သူမှာ ၃၄၆၉၇ ဦး ရှိခဲ့သည်။ ယခုစာရင်းပေးသည့် နိုင်ငံရပ်ခြားမှ မြန်မာနိုင်ငံသားများ၏ လျှောက်လွှာများကို သက်ဆိုင်ရာ မြို့နယ်များသို့ ပေးပို့ကာ စစ်ဆေးသွားမည်ဖြစ်ပြီး၊ ထို့နောက် ၎င်းတို့နေထိုင်ရာ နိုင်ငံများသို့ မဲကဒ်ပြားများကို ပြန်လည် ပို့ဆောင်သွားမည်ဖြစ်သည်။

နိုင်ငံခြားတွင်နေထိုင်သူ မြန်မာနိုင်ငံသားများမှာ ထိုနိုင်ငံမှ မြန်မာသံရုံးများ၏ အကူအညီဖြင့် နိုဝင်ဘာ ပထမပတ် သို့မဟုတ် ဒုတိယပတ်တွင် မဲထည့်နိုင်မည်ဖြစ်သည်။

ပြည်ထောင်စု ရွေးကောက်ပွဲကော်မရှင်မှ ဒါရိုက်တာ ဦးစိုင်းကျော်သူက အချို့သော လျှောက်လွှာတင်သူများမှာ ၎င်းတို့၏ လိပ်စာ တိကျမှုမရှိသောကြောင့် မဲပေးခွင့်ဆုံးရှုံးမည်ဟု ပြောကြားခဲ့သည်။

“တစ်ချို့စာရင်းပေးတဲ့သူတွေက မရှင်းလင်းတဲ့ လိပ်စာတွေ ရေးထားပါတယ်။ ဒီလုပ်ငန်းစဉ်မှာ ကျွန်တော်တို့ အရမ်းသတိထားပါတယ်။ လိပ်စာအပြည့်အစုံနဲ့ လျှောက်လွှာပြန်တင်ဖို့ သူတို့ကို ကျွန်တော်တို့ ပြောထားပါတယ်။ ပြည့်စုံတဲ့လုပ်ငန်းစဉ်အတွက် အချိန်ပေးရပါတယ်။ တကယ်လို့များ ပေးထားတဲ့ လိပ်စာတွေ ရှာမတွေ့ဘူးဆိုရင် အဲဒီသူဟာ မဲပေးခွင့် ဆုံးရှုံးမှာဖြစ်ပါတယ်” ဟု ၎င်းက ဆိုသည်။

ရွေးကောက်ပွဲအတွက် အဆိုပါစာရင်းပေးမှုမှာ နိုင်ငံရပ်ခြားတွင် တရားဝင်နေထိုင်သော မြန်မာနိုင်ငံသားများအတွက်ဖြစ်ပြီး တရားမ၀င်နေထိုင်သူများ ပါဝင်ခြင်းမရှိဘဲ၊ ၎င်းတို့ နေထိုင်ရာဒေသသို့ ပြန်လာမှသာ မဲပေးခွင့်ရမည်ဖြစ်သည်။

ပြည်ထောင်စုရွေးကောက်ပွဲကော်မရှင်ကမူ နိုင်ငံရပ်ခြားတွင် တရားမ၀င်နေထိုင်သူ မြန်မာနိုင်ငံသား ၃ သန်းမှ ၅ သန်းအထိမှာ မဲပေးခွင့် ဆုံးရှုံးမည်ဟု ပြောကြားခဲ့သည်။

Ref: nationmultimedia