ကုလသမဂ္ဂတွင် ပါလက်စတိုင်းအလံ လွှင့်ထူနိုင်ပြီ

အောက်တိုဘာ ၁၊ ၂၀၁၅
M-Media

– ယမန်နေ့က ကုလသမဂ္ဂ အထွေထွေညီလာခံတွင် ပါလက်စတိုင်းသမ္မတ မဟ်မူးဒ်အဘတ်စ်က မိန့်ခွန်းပြောကြားခဲ့ပြီးနောက်ပိုင်း ကုလအဆောက်အဦးရှေ့တွင် ပါလက်စတိုင်းအလံ လွှင့်တင်ပွဲအခမ်းအနားကို ယမန်နေ့တွင် ပြုလုပ်ခဲ့ကြသည်ဟု သိရသည်။

ဒေသစံတော်ချိန် နေ့လည် ၁ နာရီတွင် အခမ်းအနားဖြင့် လွှင့်တင်ခဲ့ခြင်းဖြစ်ပြီး သံတမန်များနှင့် သတင်းထောက်များ တက်ရောက်ခဲ့သည်။

တက်ရောက်လာသူများကို ပြောကြားသည့် အဘတ်စ်၏ မိန့်ခွန်းတွင် ထိုအခမ်းအနားက “တိုင်းပြည်အတွက် အသက်စွန့်ခဲ့ကြသည့် အာဇာနည်များ၊ လွတ်လပ်ရေးကြိုးပမ်းမှုကြောင့် အကျဉ်းကျခံနေရသူများ၊ ထိခိုက်ဒဏ်ရာရသူများနှင့် ယခုကဲ့သို့ အလံလွှင့်တင်နိုင်ခွင့်ရအောင် ကြိုးစားရင်း အသက် ဆုံးရှုံးခဲ့ရသူများ” ကို ရည်ရွယ်သည်ဟု ဆိုသည်။

အစ္စရေးက ပိတ်ဆို့ထားသည့် ပါလက်စတိုင်းပိုင် အနောက်ဘက်ကမ်းရှိ ရာဇာအာရာဖတ် ရင်ပြင်တွင် ပါလက်စတိုင်းပြည်သူများမှာ ထိုအလံလွှင့်တင်ပွဲအခမ်းအနားကို တီဗီစခရင်ကြီးများဖြင့် တိုက်ရိုက် ကြည့်ရှုခဲ့ကြကာ ပါလက်စတိုင်းအလံများကို ဝှေ့ယှမ်း၍ နိုင်ငံတော်သီချင်းကိုလည်း သံပြိုင်သီဆိုခဲ့ကြသည်။

“ဒီလိုအလံလွှင့်တင်တဲ့နေ့မျိုးဟာ ကျွန်တော်တို့ ပါလက်စတိုင်းနိုင်ငံတော်ရဲ့ မြို့တော်ဖြစ်တဲ့ ဂျေရုစလင်မှာလည်း မကြာမီ ဖြစ်လာပါလိမ့်မယ်။ နှစ်စဉ်နှစ်တိုင်း ဒီနေ့ စက်တင်ဘာ ၃၀ ရက်နေ့ဟာ ပါလက်စတိုင်းအလံတော်နေ့ ဖြစ်မှာပါပဲ” ဟု အဘတ်စ်က ထည့်သွင်းပြောကြားခဲ့သည်။

ကုလသမဂ္ဂ အတွင်းရေးမှူးချုပ် ဘန်ကီမွန်ကမူ ထိုကဲ့သို့ အလံလွှင်တင်နိုင်မှုက ပါလက်စတိုင်းများ၏ ကိုယ်ပိုင်နိုင်ငံထူထောင်လိုမှုကို ထောက်ခံသည်ဟုဆိုသော ကတိက၀တ်ကို ရောင်ပြန်ဟပ်စေသည်ဟု ပြောကြားခဲ့သည်။

ကုလသမဂ္ဂ အဆောက်အဦး၌ ပါလက်စတိုင်းအလံလွှင့်ထူရန် ဆုံးဖြတ်ချက်ကို အစ္စရေးနှင့် အမေရိကန်တို့က ကန့်ကွက်ခဲ့ကြသော်လည်း စက်တင်ဘာ ၁၀ ရက်နေ့တွင် အထွေထွညီလာခံ၌ မဲအများစုဖြင့် အတည်ပြုနိုင်ခဲ့ခြင်းဖြစ်သည်။

Ref: Aljazeera