စက်တင်ဘာလအတွင်း ပါလက်စတိုင်းပြည်သူ ၅၀၀ ကျော်ကို အစ္စရေးက မတရားဖမ်းဆီး

အောက်တိုဘာ ၂၊ ၂၀၁၅
M-Media

– ပြီးခဲ့သည့် စက်တင်ဘာလအတွင်း ပါလက်စတိုင်းပိုင်နက်များဖြစ်သော အနောက်ဘက်ကမ်းနှင့် ဂါဇာကမ်းမြှောင်တို့တွင် အစ္စရေးစစ်သားများက ဖမ်းဆီးခဲ့သည့် ပါလက်စတိုင်းပြည်သူ အရေအတွက်မှာ ၅၆၂ ဦး ရှိသည်ဟု ပါလက်စတိုင်အကျဉ်းသားများအဖွဲ့ PPS က ပြောကြားလိုက်သည်။

အစ္စရေး၏ မတရားဖမ်းဆီးမှုကို ခံခဲ့ရသူများနှင့် ၎င်းတို့၏မိသားစုများကို ကိုယ်စားပြုသော အဆိုပါ PPS အဖွဲ့မှာ ယမန်နေ့က သတင်းထုတ်ပြန်ခဲ့ခြင်းဖြစ်ပြီး ဂျေရုစလင်တွင် ဖမ်းဆီးခံရသူ ပါလက်စတိုင်းပြည်သူ အရေအတွက်မှာ ၂၉၄ ဦးရှိကာ အများစုမှာ ကလေးများဖြစ်သည်ဟု ဆိုသည်။

ဂျူးအစွန်းရောက်များနှင့် အစ္စရေးစစ်သားများက ပါလက်စတိုင်းပိုင် အလ်-အက်ဆွာ ဗလီဝတ်ကျောင်းတော်သို့ ၀င်ရောက်ကျူးကျော်မှုများ တိုးမြှင့်ပြုလုပ်ပြီးနောက်ပိုင်း ထိုကဲ့သို့ အရေအတွက် အများအပြား ဖမ်းဆီးခံခဲ့ရခြင်းဖြစ်ပြီး ၎င်းတို့ထဲမှ အများစုကို အကျဉ်းထောင်သို့ ပေးပို့ခဲ့သည်ဟု PPS က ထည့်သွင်းပြောကြားခဲ့သည်။

ဂျူးနှစ်သစ်ကူး Rosh Hashanah အားလပ်ရက်အတွက် အလ်-အက်ဆွာ ဗလီဝတ်ကျောင်းတော် အနီးတစ်ဝိုက်တွက် အစ္စရေးတပ်ဖွဲ့များ တပ်ဖြန့်ချထားပြီးနောက် စစ်သားများနှင့် ပါလက်စတိုင်းပိုင်နက်အတွင်းရှိ အစ္စရေးက ဆောက်လုပ်ထားသော တရားမ၀င်အိမ်ယာများတွင် နေထိုင်သူ ဂျူးများမှာ ဗလီဝတ်ကျောင်းတော်အတွင်းသို့ ၀င်ရောက်ကာ ပါလက်စတိုင်း ၀တ်ပြုသူများကို
တိုက်ခိုက်ခဲ့ကြပြီး ပါလက်စတိုင်းနှင့် အစ္စရေးတို့အကြား တင်းမာမှုများ မြင့်တက်လာခဲ့ခြင်းဖြစ်သည်။

ဂါဇာတွင်မူ အစ္စရေးစစ်သားများမှာ ငါးဖမ်းသမား ၄၀ ဦး အပါအ၀င် ပါလက်စတိုင်းပြည်သူ ၅၆ ဦးခန့်ကို ဖမ်းဆီးခဲ့သည်။ ငါးဖမ်းသမားများမှာ ပါလက်စတိုင်း ရေပိုင်နက်အတွင်း အစ္စရေးတို့၏ တိုက်ခိုက်မှုကို ခံခဲ့ရသည်။

ထို့ပြင် ဟီဘရွန်ရှိ အလ်-ခါလီလ် ဒေသတွင်မူ ပါလက်စတိုင်းပြည်သူ ၇၅ ဦး ရာမာလာရှိ အလ်- ဘီရာဒေသတွင် ၃၈ ဦး၊ ဘက်သလီဟမ်တွင် ၃၂ ဦး၊ ဂျီနင်တွင် ၂၂ ဦး၊ နဘ်လုစ်တွင် ၂၀ ဦး၊ တူလ်ကာမ်တွင် ၈ ဦး၊ ဂျီရီချိုတွင် ၆ ဦး၊ တူဘက်စ်တွင် ၅ ဦး၊ ကွာလ်ကွီလ်ယာတွင် ၄ ဦးနှင့် ဆာလ်ဖစ်တွင် ၂ ဦး အသီးသီး ဖမ်းဆီးခံခဲ့ရသည်။

အစ္စရေးအကျဉ်းထောင်များထဲတွင် ပါလက်စတိုင်းကလေးငယ် ၂၃၀ ဦး ရှိနေပြီး အခြေခံအခွင့်အရေးများကို ငြင်းပယ်ခံထားရကာ ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ညှင်းပန်းနှိပ်စက်မှုများကို ခံနေရသည်ဟု PPS က ထည်သွင်းဖော်ပြခဲ့သည်။

ပါလက်စတိုင်းအမျိုးသမီး ၂၅ ဦးကိုလည်း အစ္စရေးက ဖမ်းဆီးထားပြီး ၎င်းတို့ထဲမှ ၁၅ ဦးမှာ စက်တင်ဘာလအတွင်းမှာပင် အကျဉ်းထောင်သို့ ပို့ဆောင်ခံခဲ့ရသည်ဟု ဆိုသည်။

အစ္စရေးအကျဉ်းထောင်နှင့် ထိန်းသိမ်းရေးစခန်း ၁၇ ခုတွင် ပါလက်စတိုင်းပြည်သူ ၇၀၀၀ ကျော် ရှိနေပြီး အများစုမှာ စွဲချက်မဲ့ မတရားဖမ်းဆီးခံထားရခြင်း ဖြစ်သည်။

Ref: PressTV