လိင်တူချစ်သူ ကက်သလစ်ဘုန်းတော်ကြီးကို ဗာတီကန် ရာထူးမှထုတ်ပယ်

အောက်တိုဘာ ၄၊ ၂၀၁၅
M-Media

– လူမှုရေးကိစ္စများတွင် အသင်းတော်၏ ရပ်တည်ချက်နှင့်ပတ်သက်၍ ဆွေးနွေးမှုများပြုလုပ်ရန် အဓိကအစည်းအဝေးကို မိန်းမလျာပုံစံဖြင့် တက်ရောက်လာသည့် အကြီးတန်း ကက်သလစ်ဘုန်းတော်ကြီးတစ်ဦးကို ဗာတီကန်က ထုတ်ပယ်လိုက်သည်ဟု သိရသည်။

ပိုလန်ဘုန်းတော်ကြီး ကာရ်ဇက်စ်တော့ဖ် ခါရမ်ဆာဆိုသူဖြစ်ပြီး ဘုန်တော်ကြီးအ၀တ်အစားကိုဝတ်ကာ ၎င်း၏ စပိန်လူမျိုးချစ်သူနှင့်အတူ တက်ရောက်လာခဲ့ခြင်းဖြစ်သည်။ သတင်းစာရှင်းလင်းပွဲတွင် လိင်လူနည်းစုများအပေါ် ကက်သလစ်အသင်းတော်မှ ပြုမူနေမှုများမှာ သူတော်ကောင်းယောင်ဆောင်ကာ၊ နားထင်သွေးရောက်သည့်ပုံစံမျိုး ဖြစ်နေသည်ဟု ဝေဖန်ပြောကြားခဲ့သည်။

ထိုကိစ္စနှင့်ပတ်သက်၍ ဗာတီကန်က ယမန်နေ့တွင် ထုတ်ပြန်သော ကြေညာချက်၌ ပုပ်ရဟန်းမင်းကြီးဖရန်စစ်၏ ပြောရေးဆိုခွင့်ရှိသူက ခါရမ်ဆာ၏ လုပ်ရပ်မှာ အလွန်ဆိုးရွားပြီး တာဝန်မဲ့သော လုပ်ရပ်ဖြစ်ကြောင်း၊ ထိုလုပ်ရပ်ကြောင့် ဗာတီကန်တွင် ဘာသာရေးပညာရှင်ဖြစ်သည့် ၎င်း၏ရာထူးမှ အလိုအလျောက် ပြုတ်သွားပြီဖြစ်ကြောင်း ထည့်သွင်းပြောကြားခဲ့သည်။

ခါရမ်ဆာမှာ ကက်သလစ်အသင်းတော်၏ အယူဝါဒပိုင်းနှင့်ပတ်သက်သည့် ဗာတီကန် ဗျူရိုကရေစီယန္တယားမှ အလယ်အလတ်အဆင့်ရှိ တာဝန်ရှိသူတစ်ဦးလည်း ဖြစ်သည်။

ထိုကဲ့သို့ ရာထူးမှ ထုတ်ပယ်ခြင်းခံခဲ့ရမှုအတွက် ခါရမ်ဆာက “ကျွန်တော် အိမ်သာထဲက လွတ်မြောက်ပြီပေါ့ဗျာ။ ဒီအတွက် တော်တော်ကျေနပ်ပါတယ်။ ကျွန်တော်ဟာ လိင်ပိုင်းဆိုင်ရာ လူနည်းစုတွေ အားလုံးနဲ့ ကြိတ်မှိတ်ခံစားနေရတဲ့ သူတို့ရဲ့ မိသားစုဝင်တွေအတွက် အသံထုတ်သူ ဖြစ်ချင်ပါတယ်” ဟု ပြောကြားခဲ့သည်။

ထို့ပြင် အနာဂတ်တွင် ဆောင်ရွက်ရန် စီစဉ်ထားသည့် ကိစ္စများလည်း ရှိနေပြီး ကက်သလစ်အသင်းတော်အတွင်း စနစ်တကျဆောင်ရွက်ထားသည့် လိင်တူချစ်သူကြောက်ရောဂါကို ဆန့်ကျင်သော အချက် ၁၀ ချက်ပါ “လွတ်မြောက်ရေး ကြေညာစာတမ်း” ကိုလည်း ၎င်းက ဖော်ပြခဲ့သည်။ ဗာတီကန်ရှိ ဘုန်းတော်ကြီးအများစုမှာ မိန်းမလျာများဖြစ်သည်ဟုလည်း ၎င်းက ဆိုသည်။

ဗာတီကန် ဗျူရိုကရက်တစ် ယန္တရားအတွင်း ၁၂ နှစ်တာ နေထိုင်ခဲ့ရချိန်တွင် တွေ့ကြုံခဲ့သည့် အကြောင်းများကို စာအုပ်ထုတ်ရန် အစီအစဉ်ရှိနေသည်ဟု ခါရမ်ဆာက ထည့်သွင်းပြောကြားခဲ့သည်။

“ကျွန်တော်လုပ်သမျှတွေဟာ လိင်တူချစ်သူ ဘုန်းတော်ကြီးတွေ အားလုံးအတွက်ပါ။ ကျွန်တော် ဒီနေ့လုပ်သလို လုပ်ဖို့ သတ္တိမျိုး သူတို့အများစုမှာ မရှိဘူးဆိုတာ ကျွန်တော် သိပေမယ့် သူတို့ ပျော်ရွှင်ပါစေလို့ ကျွန်တော် ဆန္ဒပြုပါတယ်။ အသင်းတော်အတွက်ဆိုရင်တော့ လိင်တူချစ်သူကြောက်ရွံ့မှုကို မုန်းတီးအောင်လုပ်တဲ့ လက်ရှိပတ်ဝန်းကျင်ကို ကျွန်တော် လက်မခံဘူး၊ ရှုတ်ချတယ်လို့ ပြောချင်ပါတယ်။ ခင်ဗျားတို့ရဲ့မျက်လုံးတွေဖွင့်ပြီး လိင်တူချစ်သူတွေရဲ့ ခံစားရမှုတွေ၊ သူတို့ရဲ့ ချစ်ခြင်းမေတ္တာတွေကို ကြည့်ကြပါ”

Ref: Aljazeera