မလေးရှား Maybank မြန်မာနိုင်ငံတွင် ဖွင့်ပြီ

အောက်တိုဘာ ၅၊ ၂၀၁၅
M-Media

– မလေးရှားအခြေစိုက် Malayan Banking Bhd (Maybank) ၏ မြန်မာနိုင်ငံ ဘဏ်ခွဲကို ယနေ့တွင် ရန်ကုန်မြို့၌ တရားဝင် ဖွင့်လှစ်လိုက်ပြီး ဘဏ်လုပ်ငန်းများ၊ ငွေချေးလုပ်ငန်းများနှင့် ငွေကြေးဆိုင်ရာ ၀န်ဆောင်မှုများကို ပေးအပ်သွာမည်ဟု သိရသည်။

အဆိုပါဘဏ်ခွဲကို အသားတင်ငွေသားပမာဏ ကန်ဒေါ်လာ ၇၅ သန်းဖြင့် စတင်ခြင်းဖြစ်ပြီး ဖွင့်ပွဲအခမ်းအနား၌ မြန်မာနိုင်ငံတော် ဗဟိုဘဏ် ဒုတိယအုပ်ချုပ်ရေးမှူး ဦးစက်အောင်နှင့် မလေးရှားဗဟိုဘဏ် ဒုတိယအုပ်ချုပ်ရေးမှူး ဒါတွတ် မိုဟာမက် အီဘရာဟင်မ်တို့ တက်ရောက်ခဲ့ကြသည်။

ထို့ပြင် Maybank ဥက္ကဌ တန်ဆရီ မီဂတ် ဇာဟာရူဒင် မီဂတ် မိုဟာမက် နူရ်၊ စီအီးအို ပိုလီဆင်းမ်၊ မြန်မာ့စွမ်းအင်ဝန်ကြီး ဦးဇေယျာအောင်နှင့် မြန်မာနိုင်ငံဆိုင်ရာ မလေးရှားသံအမတ် မိုဟာမက် ဟာနစ်ဖ် အဘ်ဒူလ် ရဟ်မန်တို့လည်း တက်ရောက်ခဲ့သည်။

မီဂတ် ဇာရာရူဒင်က မိမိတို့မှာ မြန်မာနိုင်ငံနှင့် ဒေသတွင်းအလားအလာများကို ယုံကြည်သည်ဟု ပြောကြားခဲ့သည်။ Maybank မှာ အဆီယံဒေသ ၁၀ နိုင်ငံစလုံးတွင် ဖွင့်လှစ်ထားပြီး၊ ဒေသအတွင်း ဈေးကွက်တန်ဖိုးနှင့် ပိုင်ဆိုင်မှုအမြင့်ဆုံး ထိပ်တန်းဘဏ်လုပ်ငန်းလေးခုတွင် တစ်ခုအပါအ၀င်လည်း ဖြစ်သည်။

၁၉၉၄ ခုနှစ်မှစ၍ ကိုယ်စားလှယ်ရုံးခန်းတစ်ခုကို မြန်မာနိုင်ငံတွင် Maybank က ဖွင့်လှစ်ခဲ့ပြီး မြန်မာနိုင်ငံ၏ ဘဏ္ဍာရေးကဏ္ဍ ဖွံ့ဖြိုးမှုအတွက် ကူညီပံ့ပိုးပေးရာတွင် မိမိတို့မှာ အဓိကအခန်းကဏ္ဍမှ ပါဝင်ခဲ့သည်ဟု စီအီးအို အမျိုးသမီး ပိုလီဆင်းမ်က ပြောကြားခဲ့သည်။

Ref: Thestar