၂၀၁၆ တွင် Facebook က ဂြိုဟ်တုလွှတ်၍ အင်တာနက်ပေးမည်

အောက်တိုဘာ ၆၊ ၂၀၁၅
M-Media

– အာဖရိကတိုက်ရှိ ဝေးလံခေါင်ဖျားသော ဒေသများတွင် အင်တာနက်အသုံးပြုနိုင်စေမည့် ဂြိုဟ်တုတစ်ခုကို လွှတ်တင်သွားမည်ဟု Facebook တည်ထောင်သူ မာ့ခ် ဇူကာဘာ့ဂ်က ပြောကြားလိုက်သည်။

ပြင်သစ်အခြေစိုက် Eutelsat နှင့် မိတ်ဖက်အဖြစ် ပူးပေါင်းကာ ထိုအစီအစဉ်ကို ဆောင်ရွက်သွားမည်ဖြစ်ပြီး ၂၀၁၆ ခုနှစ်တွင် လွှတ်တင်သွားမည်ဟု ဆိုသည်။

“ကမ္ဘာတစ်ခုလုံးကို ချိတ်ဆက်ဖို့ ကျွန်တော်တို့ ဆက်လက်ဆောင်ရွက်သွားမှာပါ။ ကျွန်တော်တို့ ကမ္ဘာကြီးရဲ့ အပြင်ဘက်ကို ထွက်ကြည့်တယ်လို့ အဓိပ္ပါယ်ရတာပေါ့” ဟု ဇူကာဘာ့ဂ်က ၎င်း၏ Facebook စာမျက်နှာတွင် ရေးသားဖော်ပြခဲ့သည်။

အဆိုပါ အစီအစဉ်မှာ အချို့သောနိုင်ငံများတွင် ပြင်းပြင်းထန်ထန် ဝေဖန်မှုများ ခံနေရသည့် Facebook ၏ Internet.org စီမံကိန်းမှ တစ်စိတ်တစ်ပိုင်းလည်းဖြစ်သည်။ အထူးသဖြင့် အိန္ဒိယတွင် စီးပွားရေးလုပ်ငန်းရှင်များက ထိုစီမံကိန်းကို ဒေါသတကြီး တုန့်ပြန်ကြပြီး ဖွံ့ဖြိုးလာသော အင်တာနက်ဈေးကွက်တွင် Facebook နှင့် ၎င်း၏ မိတ်ဖက်များ၏ မမျှတသော အမြတ်ထုတ်မှုဟု စောဒက
တက်ခဲ့ကြသည်။

Internet.org အစီအစဉ်မှာ ဝေးလံခေါင်ဖျားသော ဒေသများအား နည်းလမ်းပေါင်းစုံဖြင့် အင်တာနက်ဝန်ဆောင်မှုပေးရန် စမ်းသပ်နေသော လုပ်ငန်းလည်းဖြစ်သည်။ မကြာသေးမီကပင် Facbook က အင်တာနက်ဆက်သွယ်မှု ဖြန့်ဖြူးပေးရန် တီထွင်ဖန်တီးထားသာ ဒရုန်းလေယာဉ်များကို မည်ကဲ့သို့ အသုံးပြုမည်ဆိုသည့် အစီအစဉ်ကိုလည်း ချပြခဲ့သည်။

Ref: BBC