UNHCR ၏ တစ်နှစ်တာဂုဏ်ပြုဆု အာဖဂန်မှ ပညာရေးမြှင့်တင်ပေးသူ အမျိုးသမီး ရရှိ

အောက်တိုဘာ ၇၊ ၂၀၁၅
M-Media

– ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မှ ပေးအပ်ချီးမြှင့်သည့် 2015 Nansen Refugee Award ကို ဒုက္ခသည်များ ပညာရေးအတွက် စွမ်းစွမ်းတမံ ကြိုးစားဆောင်ရွက်နေသော အာဖဂန်မှ ကျောင်းဆရာမတစ်ဦးက ရရှိခဲ့သည်ဟု သိရသည်။

ဆုရရှိခဲ့သူမှာ အကွီလာ အက်စ်အီဖီဖြစ်ပြီး ပါကစ္စတန်နိုင်ငံ မီယန်ဝါလီမြို့မှ အာဖဂန် ဒုက္ခသည်များ နေထိုင်သော ကော့တ် ချန်ဒါနာရွာတွင် မိန်းကလေးငယ်များ ပညာရေးသင်ကြားခွင့်ရရန် ရဲရဲဝင့်ဝင့်နှင့် မမောနိုင်မပမ်းနိုင် ကြိုးပမ်းဆောင်ရွက်ပေးသည့်အတွက် ရွေးချယ်ရခြင်းဖြစ်သည်ဟု UNHCR က ဖော်ပြခဲ့သည်။

အက်စ်အီဖီမှာ လွန်ခဲ့သည့် နှစ်ပေါင်း ၂၀ ကျော်ကတည်းက ဒုက္ခသည်ကလေးငယ်များအား ပညာသင်ပေးသည့်အလုပ်ကို လုပ်ကိုင်ခဲ့ခြင်း ဖြစ်သည်။ ရင်းမြစ်များနည်းပါးပြီး ဓလေ့ထုံးတမ်းဆိုင်ရာ စိန်ခေါ်မှုများ ရှိနေသော်လည်း ထောင်နှင့်ချီသည့် ဒုက္ခသည်မိန်းကလေးငယ်များကို မူလတန်းပညာ ရရှိအောင် သူမက လမ်းညွှန်သင်ကြားပေးနိုင်ခဲ့သည်။ တနင်္လာနေ့က ဂျီနီဗာ၌ ပြုလုပ်ခဲ့သော ဆုပေးပွဲအခမ်းအနားတွင် ၎င်း၏ ဆောင်ရွက်မှုကို သူမက ဖွင့်ဟခဲ့သည်။

“ကျွန်မ စပြီး ကျောင်းဖွင့်တုန်းက အရမ်းကြီး အကောင်းမမြင်ခဲ့ပါဘူး။ အောင်မြင်မှုကတော့ ကျွန်မ ထင်ထားတာထက်ကို ကျော်လွန်နေပါတယ်။ ငြိမ်းချမ်းရေးချိုးငှက်လေးတွေက ကျွန်မတို့ရဲ့ သတင်းစကား ပေးပို့သူ ဖြစ်ပါစေ။ စစ်ပွဲနဲ့ လက်နက်ယဉ်ကျေးမှုကို ရှောင်ရှားပြီး၊ ဖောင်တိန်ကိုင်တဲ့ ပညာရေးယဉ်ကျေးမှုကို မြှင့်တင်ကြပါစို့။ ကျွန်မတို့တိုင်းပြည်အတွက် ငြိမ်းချမ်းမှုနဲ့ သာယာဝပြောမှုကို ဆောင်ကျဉ်းဖို့ ဒါဟာ တစ်ခုတည်းသော နည်းလမ်းပါပဲရှင်” ဟု အက်စ်အီဖီက ပြောကြားခဲ့သည်။

UNHCR ကော်မရှင်နာမင်းကြီး အန်တိုနီယို ဂူတီယာရက်စ်ကလည်း သူမ၏ အားထုတ်မှုများအတွက် ချီးကျူးခဲ့သည်။

“ကလေးတစ်ယောက်ရဲ့ဘ၀က ဆရာတစ်ဦးရဲ့ အခန်းကဏ္ဍဟာ ပြောင်းလဲမှုတွေကို ဖြစ်စေနိုင်ပါတယ်။ အက်စ်အီဖီရဲ့ အခန်းကဏ္ဍဟာ အလွန်နက်ရှိုင်းပါတယ်။ သူမဟာ မိန်းကလေးငယ် ရာပေါင်းများစွာကို ပိုကောင်းတဲ့အနာဂတ် အိပ်မက်မက်ဖို့ အခွင့်အရေးတစ်ခု ဖန်တီးပေးခဲ့ပါတယ်” ဟု ဂူတီယာရက်စ်က ပြောကြားခဲ့သည်။

အက်စ်အီဖီမှာ ၁၉၉၂ ခုနှစ်တွင် မိသားစုနှင့်အတူ အာဖဂန်နစ္စတန်အား စွန့်ခွာခဲ့ပြီး ပါကစ္စတန်ရှိ ကော့တ်ချန်ဒါနာ ရွာငယ်လေးတွင် ခိုလှုံခဲ့သည်။ ထိုရွာမှ မိန်းကလေးငယ်များ ပညာရေးချို့တဲ့သည်ကို တွေ့ရှိသည့်အခါ အက်စ်အီဖီမှာ စိုးရိမ်ခဲ့ပြီး ပညာရေးလိုအပ်နေသူများအတွက် အခွင့်အလမ်းရရှိရန် စတင် ဆောင်ရွက်ခဲ့သည်။

သူမမှာ တဲတစ်ခုကိုတည်ဆောက်ကာ ကိုယ်ပိုင်ကျောင်းကို ထူထောင်ခဲ့ပြီး၊ ကျောင်းသားများအတွက် လေ့ကျင့်ခန်းစာရွက်များကို သူမ၏လက်ဖြင့် ကူးယူရေးသားကာ သင်ကြားပေးခဲ့သည်။ သူမ၏ကျေးဇူးကြောင့် ယခုအချိန်တွင် ထိုရွာမှ ကလေးငယ် ထောင်ကျော်မှာ အမြဲတမ်းပညာရေးကို ရရှိနေပြီဖြစ်သည်။

Ref: UNHCR