ထိပ်တန်းကစားသမားဖြစ်ချင်လျှင် ကျင့်ဝတ်နှင့် အာရုံစူးစိုက်မှု ရှိရမည်ဟု ဖာဂူဆန်ပြော

အောက်တိုဘာ ၁၀၊ ၂၀၁၅
M-Media

– ကမ္ဘာ့အဆင့်ကစားသမား ဖြစ်ချင်သူများအနေဖြင့် မှန်ကန်သည့် အလုပ်ကျင့်ဝတ်နှင့် အာရုံစူးစိုက်မှု ရှိရမည်ဖြစ်ပြီး  အသင်းအား မိမိ၏ပြောကြားခဲ့သော စကားတိုင်းတွင် ထိုသဘောထားများ ပါဝင်ခဲ့သည်ဟု မန်ယူနည်းပြဟောင်း ဖာဂူဆန်က ပြောကြားလိုက်သည်။

“အလုပ်ရဲ့ အစိတ်အပိုင်းတစ်ခုက အ၀တ်လဲခန်းထဲမှာ ကိုယ့်ရဲ့ အမူအကျင့်ကို တိုးတက်အောင် လုပ်တာပါပဲ။ ကျွန်တော့်အသင်းမှာ တချို့တွေက ဒါမျိုးရှိကြပါ။ ဒါပေမယ့် ကျွန်တော့်ကိုယ် ကျွန်တော်လည်း ကြည့်ပါတယ်။ ဘယ်တော့မှအရှုံးမပေးဘူး။ ဆုံးဖြတ်ချက်ပြတ်သားတယ်၊ ကျင့်ဝတ်ရှိတယ်။ ကျွန်တော်ဟာ ကျင့်ဝတ်၊ အာရုံစူးစိုက်မှုတွေနဲ့အတူ အမြဲတမ်း အသင်းကို စကားပြောပါတယ်။ စကားပြောတိုင်းမှာလည်း ဒါတွေနဲ့ပဲ ကျွန်တော် အဆုံးသတ်ပါတယ်။ ဘာ့ကြောင်လည်းဆိုတော့ အကောင်းဆုံးကစားသမားဟာ အလုပ်နဲ့ဆိုင်တဲ့ ကျင့်ဝတ်မျိုးမရှိဘူးဆိုရင် ကစားသမားကောင်း ဖြစ်မှာမဟုတ်ပါဘူး”

အိုးထရက်ဖို့ဒ်၌ ၂၇ နှစ်တာကာလအတွင်း ဖလားပေါင်း ၄၉ လုံး ရရှိခဲ့သည့် ဖာဂူဆန်မှာ မန်ယူအတွက် ကစားပေးပြီး အသက်အရွယ်ကြီးရင့်သွားကာ ထိပ်တန်းခြေစွမ်း မပြနိုင်တော့သည့် ကစားသမားများ အကြောင်းကိုလည်း ပြောကြားခဲ့ပြီး ၎င်းတို့မှာ အသင်း၌ ဆက်နေချင်ကြသော်လည်း မိမိက ရိုးရိုးသားသား ပွင့်ပွင့်လင်းလင်းပင် ပြောဆိုကာ အခြားအသင်းသို့ ပြောင်းရွှေ့စေခဲ့ကြောင်း၊ ထို့အတွက် ထိုကစားသမားများမှာလည်း ပြောင်းရွှေ့ကြေးမှ အမြတ်များရကာ ပျော်ရွှင်ကြကြောင်း ထပ်လောင်းပြောကြားခဲ့သည်။

Ref: Goal