၎။ အတီဖစ် ဂျဟ်ဂျဂါ – ကိုဆိုဗိုသမ္မတ (၂၀၁၁ ခုနှစ်မှ ယနေ့ထိ) (တိုင်းပြည်ခေါင်းဆောင် မွတ်စ်လင်မ် အမျိုးသမီး ၉ ဦး)

အောက်တိုဘာ ၁၀ ၊ ၂၀၁၅
M-Media
မင်းထွဋ်ခေါင် စုစည်းတင်ဆက်သည်။

၁၉၇၅ ခုနှစ် ဧပြီလ ၂၀ ရက်တွင် မွေးဖွားခဲ့သူ အတီဖစ် ဂျဟ်ဂျဂါသည် နိုင်ငံရေးလောကသား တစ်ဦးဖြစ်ပြီး ကိုဆိုဗိုသမ္မတနိုင်ငံ၏ ပထမဦးဆုံးအမျိုးသမီးသမ္မတ ဖြစ်လာသည်။ သူမသည် ပထမဆုံးသော တစ်သီးပုဂ္ဂလအမတ်၊ ခေတ်သစ်ဗော်လ်ကန်ဒေသ၏ ပထမဆုံး အမျိုးသမီးခေါင်းဆောင်၊ အသက်အငယ်ဆုံး သမ္မတ ဖြစ်လေသည်။ သူမသည် ဗိုလ်မှူးကြီးရာထူးဖြင့် ကိုဆိုဗိုရဲတပ်ဖွဲ့ဒုညွှန်ချုပ်အဖြစ် တာဝန်ထမ်းဆောင်ခဲ့ရာ ဥရောပအရှေ့တောင်ဒေသအတွင်း ရာထူးအကြီးဆုံး အမျိုးသမီးတစ်ဦး ဖြစ်ခဲ့သည်။

၂၀၁၁ ခုနှစ် ဧပြီလ ၆ ရက်တွင် ကိုဆိုဗိုဒီမိုကရက်တစ်ပါတီ၊ ကိုဆိုဗီုဒီမိုကရက်တစ်အဖွဲ့ချုပ်နှင့် ကိုဆိုဗိုမဟာမိတ်အဖွဲ့တို့မှ သူမအား အကွဲအလွဲမရှိ သမ္မတရာထူးဝင်ပြိုင်သူအဖြစ် ကြေငြာခဲ့သည်။ ကိုဆိုဗိုရှိ အမေရိကန်သံအမတ် ခရစ္စတိုဖာဒဲလ် ကလည်း ထောက်ခံ ခဲ့သည်။ သူမသည် ရဲတပ်ဖွဲ့ဦးစီးချုပ်ဖြစ်ခြင်းဂုဏ်ကို နှစ်သက်ပြီး နိုင်ငံရေးနယ်ပယ်တွင် မထင်ရှားသော်လည်း ထိုလောကသို့ ထွက်လှမ်းလာခဲ့သည်။ လူထုနှင့်နိုင်ငံရေးခေါင်းဆောင် အများစုတို့မှာ သူမ၏ နိုင်ငံရေးအသိအမြင်ကို သတိမထားမိခဲ့ကြချေ။

၂၀၁၂ ခုနှစ် ဇူလိုင် ၁၈ ရက် ဘရပ်ဆဲလ်၊ ဥရောပသမဂ္ဂဋ္ဌာနချုပ်၌ ပြုလုပ်သည့် အလုပ်ရုံဆွေးနွေးပွဲမတိုင်မီ ကိုဆိုဗိုသမ္မတ အတီဖစ် ဂျဟ်ဂျဂါ အား ဥရောပသမဂ္ဂဥက္ကဋ္ဌ ဟာမန် ဗင် ရွန်ပိုင်း မှ ကြိုဆိုနေပုံ။

သူမ၏ သမ္မတဖြစ်လိုခြင်း အဓိကပန်းတိုင်များမှာ ဥရောပသမဂ္ဂနှင့် ကမ္ဘာ့ကုလသမဂ္ဂအဖွဲ့ဝင်နိုင်ငံဖြစ်ခြင်း၌ လုံခြုံမှုရှိရန်ဖြစ်ကြောင်း ပါလီမန်တွင်ပြောကြားသော သူမ၏ ပထမဆုံးသမ္မတမိန့်ခွန်း၌ အောက်ပါအတိုင်း တွေ့ရသည်။ “ကိုဆိုဗိုပြည်သူ အားလုံးရဲ့ပန်းတိုင်က အီးယူအဖွဲ့ဝင်ဖြစ်ခြင်းနဲ့ အမေရိကန်ရဲ့ပင်တိုင်မိတ်ဆွေဖြစ်နေခြင်းပဲ ဖြစ်ပါတယ်။ ကျွန်မတို့ရဲ့အိပ်မက် လက်တွေ့ဖြစ်လာမယ်လို့ ကျွန်မ ယုံကြည်ထားပါတယ်”။

၂၀၁၃ ခုနှစ် ဇွန်လ ၁၉ ရက် ဗီယင်နာခရီးစဉ်အတွင်း သြစတြီးယားသမ္မတ ဟိန့်ဇ်ဖစ်ရှာနှင့်အတူ သတင်းစာရှင်းလင်းပွဲတစ်ရပ်သို့ တက်ရောက်လာသည့် ကိုဆိုဗိုသမ္မတ အတီဖစ် ဂျဟ်ဂျဂါ

ကိုဆိုဗိုလွတ်မြောက်ရေးတပ်မတော် KLA မှ စစ်ဦးစီးချုပ် Adem Jashari ကျဆုံးခြင်း ၁၅ နှစ်မြောက်အခမ်းအနား(၂၀၁၃ ခုနှစ် မတ်လ ၅ ရက် – ပရစ္စတီးနားမြို့)အတွင်း ကိုဆိုဗိုလုံခြုံရေးတပ်ဖွဲ့ KSF ကို စစ်ဆေးကြည့်ရှုနေသည့် ကိုဆိုဗိုသမ္မတ အတီဖစ် ဂျဟ်ဂျဂါ။

ဆက်စပ်သတင်းများ ဖတ်ရန်

၁။ Tansu Çiller – တူရကီဝန်ကြီးချုပ်(၁၉၉၃-၁၉၉၆)

၂။ မီဂါဝတီ ဆူကာနိုပူထရီ – အင်ဒိုနီးရှားသမ္မတ (၂၀၀၁-၂၀၀၄)

၃။ မေမီ မေဒိုင် ဘွိုင်းန် – ဆီနီဂေါဝန်ကြီးချုပ် (၂၀၀၁-၂၀၀၂ ခုနှစ်)