အစ္စလာမ်အပေါ် ယုံတမ်းစကားများကို ဆွေးနွေးမှုမှတစ်ဆင့် ယူဂန်ဒါမွတ်စလင်များ ဖယ်ရှား

အောက်တိုဘာ ၁၀၊ ၂၀၁၅
M-Media

– အစ္စလာမ်သာသနာ၊ မွတ်စလင်များနှင့်ပတ်သက်သည့် ယုံတမ်းစကားများကို ရှင်းလင်းရန်အတွက် ယူဂန်ဒါမှ မွတ်စလင်ရှေ့နေများမှာ စင်တာတစ်ခုကို တည်ထောင်ခဲ့ပြီး မွတ်စလင်လူ့အဖွဲ့အစည်းပေါ် ရိုက်ခတ်နေသော ပြဿနာများကို အကြံပေးခြင်း၊ အစ္စလာမ်ဘာသာအပေါ် ရှိနေသည့် ယူဆချက်အမှားများကို ဖြေရှင်းပေးခြင်းတို့ကို ဆောင်ရွက်နေသည်ဟု သိရသည်။

“မွတ်စလင်တွေကို အလုပ်ခန့်ဖို့ ခရစ်ယာန်တွေက ကြောက်ကြပါတယ်။ ဘာ့ကြောင့်လည်းဆိုတော့ သူတို့က အကြမ်းဖက်တွေ၊ အစွန်းရောက်တွေနဲ့ လုံခြုံရေးဆိုင်ရာ ခြိမ်းခြောက်သူတွေအဖြစ် ကြောက်ရွံ့နေကြလို့ပါ” ဟု မွတ်စလင် တရားရေးနှင့် ဥပဒေရေးရာစင်တာကို တည်ထောင်ခဲ့ပြီး ဥက္ကဌအဖြစ် ဆောင်ရွက်နေသူ ဂျက်ဖာ ဆီဂန်ဒါက ပြောကြားခဲ့သည်။

“အဲဒီ သမရိုးကျအမြင်တွေ နည်းပါးသွားဖို့ လိုပါတယ်။ ဘာ့ကြောင့်လည်းဆိုတော့ အခု ကျွန်တော်တို့ဟာ အစ္စလာမ်နဲ့ မွတ်စလင်တွေရဲ့ အကျိုးပြုမှုတွေကို ဆွေးနွေးမှုတွေကတစ်ဆင့် ဖြန့်ဖြူးနေလို့ပါပဲ”

ဆီဂန်ဒါမှာ အဆိုပါစင်တာကို စတင်တည်ထောင်ခဲ့သည့် မွတ်စလင်ရှေ့နေများမှ တစ်ဦးလည်းဖြစ်ပြီး မွတ်စလင်လူ့အဖွဲ့အစည်းကို ရိုက်ခတ်နေသည့် ပြဿနာများအတွက် လူ့အခွင့်အရေးဆိုင်ရာ အသိပညာပေးမှုများကိုလည်း ပြုလုပ်ပေးမည်ဖြစ်သည်။

ထိုလှုပ်ရှားမှုများတွင် ငွေကြေးမရှိသော မွတ်စလင်အမှုသည်များအတွက် တရားရေးဆိုင်ရာ အကူအညီများကို ပေးအပ်ခြင်းလည်း ပါဝင်သည်။

“ခရစ်ယာန်တွေက မွတ်စလင်တွေ ဟင်းချက်ကောင်းတာ လူသေတွေကို ချိုးပေးတဲ့ရေတွေနဲ့ ချက်တာကြောင့်လို့ ပြောတယ် (အကောင်းဘက်က မမြင်နိုင်ခြင်း)။ မွတ်စလင်တွေဟာ ပညာမတတ်ဘူး၊ အမြတ်ထုတ်သူတွေ၊ အမျိုးသမီးတွေကို မလေးစားသူတွေလို့ ခရစ်ယာန်တွေက ထင်ကြပါတယ်” ဟု ဆီဂန်ဒါက ပြောကြားခဲ့သည်။

ယူဂန်ဒါရှိ မွတ်စလင်အသိုင်းအ၀ိုင်းအပေါ် ရှိနေသည့် ရူးနှမ်းသော ယုံတမ်းစကားများထဲတွင် “မွတ်စလင်များမှာ မွတ်စလင်မဟုတ်သူများနှင့် မိတ်ဆွေမဖွဲ့” ဆိုသည့် အကြောင်းအရာများလည်း ပါဝင်သည်ဟု ၎င်းက ထည့်သွင်းပြောကြားခဲ့သည်။

“ဒါပေမယ့် အံ့သြစရာကောင်းတာက ကျွန်တော်တို့ လူ့အဖွဲ့အစည်းကို အခြားလူ့အဖွဲ့အစည်းတွေနဲ့ ခွာပြဲသွားစေမယ့် ဒီယုံတမ်းစကားတွေကို ဖယ်ရှားရှင်းလင်းဖို့အတွက် မွတ်စလင်တွေက ဘာဆို ဘာမှ မလုပ်ကြတာပါဘဲ”

အဓိက အခန်းကဏ္ဍများ

ဘာသာပေါင်းစုံ ညှိနှိုင်းဆွေးနွေးမှု၏ အရေးပါမှုကို မီးမောင်းထိုးပြသည့်အပြင် ဆီဂန်ဒါ၏ စင်တာမှာ အိမ်တွင်းအကြမ်းဖက်မှု ပြဿနာများကိုလည်း ကိုင်တွယ်နေရသည်။

“ကျွန်တော်တို့က ရှေ့ဆောင်အီမာမ်တွေ၊ ကျောင်းသားတွေနဲ့ လူ့အဖွဲ့အစည်းက ခေါင်းဆောင်တွေကို ငြိမ်းချမ်းရေးတည်ဆောက်မှု၊ ဘာသာပေါင်းစုံလုပ်ငန်း၊ အိမ်တွင်းအကြမ်းဖက်မှု အန္တရာယ်တွေ နဲ့ပတ်သက်ပြီး လေ့ကျင့်သင်ကြားပေးပါတယ်” ဟု ဆီဂန်ဒါက ပြောကြားခဲ့သည်။

ဘာသာပေါင်းစုံနှင့် ယဉ်ကျေးမှုပေါင်းစုံ ညီညွတ်ရေး လုပ်ငန်းများမှတစ်ဆင့် အဆိုပါစင်တာမှာ ခရစ်ယာန်၊ အစ္စလာမ်သာသနာတို့နှင့်ပတ်သက်၍ ကြားထားသည့် ယုံတမ်းစကားများကို လျော့ကျစေရန်လည်း ကျောင်းသားလူငယ်များအကြားတွင် လှုပ်ရှားမှုများ ပြုလုပ်နေသည်။

ရှေ့ဆောင်အီမာမ်များကို စာသင်ကျောင်းများသို့ ခေါ်ဆောင်သွားကာ အစ္စလာမ့် အခြေခံသင်ကြားမှုများအကြောင်း ရှင်းပြခြင်း၊ ခရစ်ယာန် တရားဟောဆရာများနှင့် ဘုန်းကြီးများကိုလည်း မွတ်စလင်ကျောင်းသားများထံသို့ ခေါ်သွား၍ ခရစ်ယာန်သာသနာ၏ အခြေခံသင်ကြားမှုများကို ရှင်းပြခြင်းတို့ကိုလည်း ထိုစင်တာက ဆောင်ရွက်နေသည်။

“အကြောင်းကတော့ အတားအဆီးတွေ၊ အမှားတစ်ဝက်နဲ့ ၀ါဒဖြန့်မှုတွေကို ဖယ်ရှားဖို့ဖြစ်ပြီး မတူညီတဲ့ ဘာသာတရားတွေကြားထဲမှာရှိတဲ့ ယုံကြည်မှုတွေကို ပြန်လည်တည်ဆောက်ဖို့ ဖြစ်ပါတယ်။ အစ္စလာမ်ဆိုတာ အင်မတန်ငြိမ်းချမ်းတဲ့ သာသနာဖြစ်တယ်ဆိုတာ၊ အခြားသော အယူဝါဒတွေကို လေးစားဖို့ ကုရ်အာန်နဲ့တမန်တော်မြတ်ရဲ့ သြ၀ါဒတော်တွေမှာ သွန်သင်ထားတယ်ဆိုတာကို သိတဲ့အချိန် လူတွေက အံ့သြသွားကြတာ တွေ့ရပါတယ်” ဟု ဆီဂန်ဒါက ထပ်လောင်းပြောကြားခဲ့သည်။

ယူဂန်ဒါနိုင်ငံတွင် ဘာသာအားလုံးမှ ဘာသာရေးခေါင်းဆောင်များဖြင့် ဖွဲ့စည်းထားသည့် ဘာသာပေါင်းစုံကောင်စီတစ်ခု ရှိနေသော်လည်း အောက်ခြေအဆင့်အထိမရောက်ဟု ဆီဂန်ဒါက ဆိုသည်။

“အောက်ခြေကနေစဖို့ လိုပါတယ်။ ဘာသာပေါင်းစုံ ဆွေးနွေးရေးလည်း လိုအပ်ပြီး ဗလီတွေကို ခရစ်ယာန်တွေသွားတာ၊ ချာ့ခ်ျကျောင်းတွေကို မွတ်စလင်တွေသွားတာကိုလည်း ခွင့်ပြုရပါမယ်။ ပထမကမ္ဘာစစ် ဖန်းတီးရှင်တွေဟာ မွတ်စလင်တွေ မဟုတ်ပါဘူး။ ဂျူးတွေကို အစုလိုက်အပြုံလိုက်သတ်တာလည်း မွတ်စလင်တွေ မဟုတ်ပါဘူး”

ထို့ပြင် အစ္စလာမ့်အမည်နာမကို အလွဲသုံးစားပြု၍ အကြမ်းဖက်သတ်ဖြတ်မှုများကိုလည်း ဆီဂန်ဒါက ရှုတ်ချခဲ့သည်။

“လူတွေကိုသတ်ဖို့၊ ရိုက်နှက်နှိပ်စက်ဖို့ လူတစ်ချို့က အစ္စလာမ်ကို အသုံးချနေတာကို ကျွန်တော်တို့ ခွင်ပြုလို့ မရတော့ပါဘူး။ ဒါမျိုးတွေဆက်ဖြစ်ဖို့ ခွင့်ပြုနေမယ်ဆိုရင်တော့ ကျွန်တော်တို့ တစ်ခုခုမှားနေပါပြီ”

ဆီဂန်ဒါဦးဆောင်သည့် မွတ်စလင်အန်ဂျီအိုအဖွဲ့မှာ ဘာသာပေါင်းစုံသဟဇာတဖြစ်မှုနှင့် ကူညီရေး လုပ်ငန်းများကို လုပ်ဆောင်သည့် အဖွဲ့များကိုပေးအပ်သော Intercultural Achievement Award (IAA) ဆုကို ယခုနှစ်အတွက် ရရှိခဲ့သည်။ ထိုဆုကို ဥရောပ နိုင်ငံခြားရေးရာဌာနနှင့် သြစတြီးယား ဖက်ဒရယ်ဝန်ကြီးဌာနတို့က ပူးပေါင်း ချီးမြှင့်ခဲ့ခြင်းဖြစ်သည်။

Ref: Onislam