တောင်ကိုရီးယားအစိုးရ နိုင်ငံ၏သမိုင်းကို ပြောင်းရန် ကြိုးစား

အောက်တိုဘာ ၁၃၊ ၂၀၁၅
M-Media

– စာသင်ကျောင်းများတွင် သင်ကြားနေသည့် သမိုင်း ပြဌာန်းစာအုပ်များကို အချက်အလက်မှန်ကန်သော စာအုပ်များဖြင့် အစားထိုးသွားမည်ဟု တောင်ကိုရီးယား အစိုးရက ပြောကြားလိုက်သည်။

ယမန်နေ့က ပြုလုပ်ခဲ့သည့် သတင်းစာရှင်းလင်းပွဲတွင် ပညာရေးဝန်ကြီး ၀မ် ၀ူ ယီက ထိုကဲ့သို့ ပြောကြားခဲ့ခြင်းဖြစ်ပြီး ယခုသုံးစွဲနေသည့် စာအုပ်များမှာ သမိုင်းအချက်အလက်နှင့် အကြောင်းအရာအမှားများ ပါဝင်နေကာ အယူအဆဆိုင်ရာ ဘက်လိုက်မှုများ ဖြစ်ပွားခဲ့သည်ဟု ဆိုသည်။

“ဒါတွေက ကျောင်းသားတွေကြားထဲမှာ သမိုင်းရှုထောင့်တွေအပေါ် ရှုပ်ထွေးမှုကို ဖြစ်စေခဲ့ပါတယ်။ ပြီးတော့ တစ်နိုင်ငံလုံးနဲ့ချီပြီး အကျယ်တစ်ဝင့် ရေးသားဖော်ပြချက်မှာ ကွဲလွဲမှုတွေမှုနဲ့ လူမှုရေး ပဋိပက္ခတွေကိုလည်း ဖြစ်စေပါတယ်” ဟု ၀မ်က ပြောကြားခဲ့သည်။

ဝေဖန်သူများကမူ အစိုးရ၏ သမိုင်းဆိုင်ရာပြောင်းလဲချင်သည့် ဆန္ဒတွင် လက်ရှိသမ္မတ ပက်ဂျုံဟေး၏ ဖခင်ဖြစ်ပြီး ၁၉၆၀နှင့် ၁၉၇၀ ပြည့်နှစ်များတွင် အာဏာရှင်ဖြစ်ခဲ့သူ ပက်ချုံဟီးအား ပိုအမွှမ်းတင်လိုသည့် ရည်ရွယ်ချက်လည်း ပါဝင်သည်ဟု ပြောကြားခဲ့သည်။

ထိုကဲ့သို့ သမိုင်းစာအုပ်များ ပြောင်းလဲခြင်းကို ဆန့်ကျင်သည့် စာတစ်စောင်ကို ပြည်သူ ၅၀၀၀၀ ကျော်က လက်မှတ်ရေးထိုးခဲ့ကြပြီး ထိုအထဲတွင် ကျောင်းဆရာများနှင့် ပညာရှင်များလည်း ပါဝင်သည်။

Duksung အမျိုးသမီးတက္ကသိုလ်မှ သမိုင်းဆိုင်ရာ ပါမောက္ခဖြစ်သူ ဟန်ဖန်ကွန်ကမူ ထိုဆောင်ရွက်ချက်မှာ အစိုးရ၏ လိုချင်သည့်ပုံစံမျိုးဖြင့် သမိုင်းပြဌာန်းစာအုပ်များကို ပြောင်းလဲရမည်ဟု အဓိပ္ပါယ်ရကြောင်း ပြောကြားခဲ့သည်။

“ခိုင်မာတဲ့ ပညာရပ်ဆိုင်ရာ တွေ့ရှိချက်တွေကို အဲဒီစာအုပ်တွေမှာ ရေးထားပေမယ့် အကြောင်းအရာတွေကို ပြောင်းလဲနိုင်ပြီး မှားယွင်းနိုင်ပါတယ်” ဟု ၎င်းက ပြောကြားခဲ့သည်။

Ref: Aljazeera