ရခိုင့်တပ်မတော်မှ ခေါင်းဆောင်တစ်ဦးကို အကြမ်းဖက်မှုဖြင့် ဘင်္ဂလားဒေ့ရှ် ဖမ်းဆီး

အောက်တိုဘာ ၁၄၊ ၂၀၁၅
M-Media

– မြန်မာနိုင်ငံမှ သူပုန်အဖွဲ့ဖြစ်သော ရခိုင့်တပ်မတော် အဖွဲ့ဝင်တစ်ဦးကို စစ်တကောင်းပြည်နယ် ရန်ဂါမာတီခရိုင်ရှိ ရာဂျက်စ်သာလီမြို့တွင် ဘင်္ဂလားဒေ့ရှ် ဥပဒေစိုးမိုးရေးအဖွဲ့များက ဖမ်းဆီးလိုက်သည်ဟု သိရသည်။

ဖမ်းဆီးခံရသူမှာ အသက် ၄၅ နှစ်အရွယ်ရှိ ရန်နိုင်စိုး ဆိုသူဖြစ်ပြီး ဘင်္ဂလားဒေ့ရ်ှရဲတပ်ဖွဲ့၊ စစ်တပ်နှင့် နယ်ခြားစောင့်တပ်ဖွဲ့ BGB တို့က ပူးပေါင်းကာ ယနေ့မနက် ၃ နာရီခန့်တွင် အစ္စလာမ်ပူးရ်ဒေသ၌ ဖမ်းဆီးရမိခဲ့ခြင်းဖြစ်သည်ဟု ရာဂျက်စ်သာလီ ရဲတပ်ဖွဲ့မှ တာဝန်ရှိသူ ၀ါဟီဒွလ္လာဟ် ဆာကာရ်က ပြောကြားခဲ့သည်။

ရန်နိုင်စိုးကို တရားမ၀င် ၀င်ရောက်ခြင်း၊ အကြမ်းဖက်လုပ်ရပ်များ ဆောင်ရွက်ခြင်း စွဲချက်များဖြင့် ဖမ်းဆီးခဲ့ခြင်းဖြစ်ပြီး ရခိုင့်တပ်မတော်မှ ခေါင်းဆောင်တစ်ဦးဖြစ်သည်ဟု ဆိုသည်။

လွန်ခဲ့သည့် ၄၉ ရက်က အဆိုပါသူပုန်အဖွဲ့မှ အုပ်စုစ်တစ်ခုမှာ ဘင်္ဂလားဒေ့ရ်ှနယ်ခြားစောင့်တပ် BGB ကိုဝေးလံခေါင်ဖျားသည့် ဘန်ဒါဘန်တောင်တန်းဒေသတွင် တိုက်ခိုက်ခဲ့ပြီး BGB တပ်ဖွဲ့ဝင်တစ်ဦး ဒဏ်ရာရရှိခဲ့သည်။

ရန်နိုင်စိုးကမူ ၎င်းမှာ ရာဂျက်စ်သာလီဒေသတွင် လွန်ခဲ့သည့်နှစ်အတန်ကြာကပင် နေထိုင်ခဲ့သည်ဟု ပြောကြားခဲ့သည်။

Ref: The Daily Star