NLD က ဗုဒ္ဓဘာသာဝင်များနှင့် မွတ်စလင်များအကြား ရင်ကြားစေ့ရေး ဆောင်ရွက်ပေးမည်ဟု ကမန်မွတ်စလင်များ မျှော်လင့်

အောက်တိုဘာ ၁၇၊ ၂၀၁၅
M-Media

– မိမိတို့အနေဖြင့် ဒေါ်အောင်ဆန်းစုကြည်ကို ထောက်ခံပြီး သူမ၏ အမျိုးသားဒီမိုကရေစီအဖွဲ့ချုပ် NLD ဦးဆောင်သည့် အစိုးရက ရခိုင်ပြည်နယ်ရှိ မိမိတို့၏ဘ၀များကို တိုးတက်စေလိမ့်မည်ဟု မျှော်လင့်ကြောင်း သံတွဲမြို့ရှိ အစ္စလာမ်ဘာသာဝင်များက ပြောကြားလိုက်သည်။

၂၀၁၃ ခုနှစ် အောက်တိုဘာလအတွင်းက အကြမ်းဖက်မှုများ ဖြစ်ပွားခဲ့ပြီး ကမန်မွတ်စလင် ၅ ဦး သေဆုံးခဲ့သည့် သံတွဲမြို့သို့ အောက်တိုဘာ ၁၇ ရက်(ယနေ့)တွင် ဒေါ်အောင်ဆန်းစုကြည် ရောက်ရှိလာ၍ မိန့်ခွန်းပြောကြားခဲ့သည်။

သံတွဲနှင့် ပတ်ဝန်းကျင်ရွာများ၌ နေထိုင်ကြသည့် ကမန်ဒေသခံများမှာ အဆိုပါမိန့်ခွန်းကို လာရောက်နားထောင်ခဲ့ကြပြီး မိမိတို့မှာ ဒေါ်အောင်ဆန်းစုကြည်အား ထောက်ခံကြောင်း၊ NLD မှာ မိမိတို့၏ ခွဲခြားဆက်ဆံခံရမှုများကို အဆုံးသတ်စေကာ ဗုဒ္ဓဘာသာဝင်များနှင့် မွတ်စလင်များအကြား ပြန်လည်ရင်ကြားစေ့ရေးကို အားပေးဆောင်ရွက်သွားမည်ဟု မျှော်လင့်ကြောင်း ပြောကြားခဲ့သည်။

“ကျွန်တော်တို့မှာ မျှော်လင့်ချက် မရှိသလောက်ပါပဲ။ တူညီတဲ့အခွင့်အရေး ကျွန်တော်တို့ မရဘူး။ တကယ်လို့ အမေစုသာ ရွေးကောက်ပွဲမှာနိုင်ရင် ကျွန်တော်တို့ တန်းတူညီမျှ ဆက်ဆံခံရမယ်လို့ မျှော်လင့်ပါတယ်” ဟု ကမန်မွတ်စလင်တစ်ဦးဖြစ်သူ ၀င်းနိုင်က ပြောကြားခဲ့သည်။

သံတွဲမြို့အပြင်ဘက်တွင် နေထိုင်သူ အသက် ၄၈ နှစ်အရွယ် ထွန်းဝင်းကလည်း မွတ်စလင်များမှာ စော်ကားခံနေရကြောင်း၊ အစိုးရမှာ မွတ်စလင်အများစုကို နိုင်ငံသားကဒ်များ မပေးဘဲ လွတ်လပ်စွာ သွားလာခွင့်ကိုလည်း ပိတ်ပင်ထားကြောင်း ပြောကြားခဲ့သည်။ ထို့ပြင် NLD က မိမိတို့၏ ဘ၀ကို ပို၍ လွယ်ကူစေမည်ဟု မျှော်လင့်ကြောင်း ၎င်းက ထည့်သွင်းပြောဆိုခဲ့သည်။

“သူတို့က ရန်ကုန်သွားနေလို့ ပြောတယ်။ ဒါပေမယ့် ကျွန်တော်တို့မှာ နိုင်ငံသားကဒ်မရှိတော့ သွားလို့မရဘူး။ ကျွန်တော်တို့ ဒီနေရာမှာပဲ ပတ်နေရတယ်။ အကျဉ်းထောင်လိုပါပဲ”

ရခိုင်ပြည်နယ်တွင် ရခိုင်မင်များလက်ထက်က နေထိုင်အမှုထမ်းလာခဲ့သည့် ကမန်မွတ်စလင်များမှာ တိုင်းရင်းသား ၁၃၅ မျိုးစာရင်းတွင် ပါဝင်သော်လည်း နိုင်ငံသား စီစစ်ရေးကဒ်ပြား လျှောက်ထားရာတွင် အခက်အခဲများစွာ ရင်ဆိုင်နေရပြီး၊ အစိုးရကလည်း ကမန်မွတ်စလင်များအား ခရီးသွားလာခွင့်ပိတ်ပင်မှု အပါအ၀င် ကန့်သတ်ချုပ်ချယ်မှုများကို ကျယ်ကျယ်ပြန့်ပြန့် ပြုလုပ်လျက်ရှိနေသည်။

Ref: Reuters