ရခိုင်မြေ တည်ငြိမ်အေးချမ်းမှု၊ ဖွံ့ဖြိုးတိုးတက်ရေး လုပ်ပေးချင်လို့ စစ်တွေက ဝင်ပြိုင်မယ့် ကမန်ပါတီ အမတ်လောင်း ဦးကျော်ငြိမ်း

အောင်တိုဘာ ၁၈ ၊ ၂၀၁၅
M-Media
မိုးစက်တွေ့ဆုံ မေးမြန်းသည်။

၂၀၁၅ ရွေးကောက်ပွဲတွင် ရခိုင်ပြည်နယ် စစ်တွေမြို့နယ်မှနေ၍ ပြည်နယ် လွှတ်တော် ကိုယ်စားလှယ်လောင်း (၈) ဦးနှင့်အတူ စစ်တွေမြို့နယ် မဲဆန္ဒနယ် အမှတ်(၂)တွင် ဝင်ရောက် အရွေးခံမယ့် ကမန် အမျိုးသားတိုးတက်ရေးပါတီမှ ဦးကျော်ငြိမ်းနှင့် M-Media မှ တွေ့ဆုံမေးမြန်းထားပါသည်။

M-Media- စစ်တွေမဲဆန္ဒနယ်မှာ ဘာကြောင့် ယှဉ်ပြိုင်ဖို့ ဆုံးဖြတ်ခဲ့တာလဲ။
ဦးကျော်ငြိမ်း- အန်ကယ်တို့ ကမန်လူမျိုးတွေရဲ့ အဓိကပင်ရင်းက စစ်တွေပဲ။ စစ်တွေမှာ သမိုင်းဝင်ရွာတွေ ရှိသေးတယ်။ ရန်ကုန်မှာပြိုင်တော့ ကောင်းတာပေါ့။ အန်ကယ်တို့ပါတီက သေးလဲသေးတော့ ပါတီကြီးတွေနဲ့ ဝင်ရောက်ယှဉ်ပြိင်ဖို့ဆိုတာ မလွယ်ဘူးလေ။ စဉ်းစားတော့ ကျောထောက် နောက်ခံဒေသတွေမှာလည်း ပြိုင်သင့်တယ်ထင်လို့ အန်ကယ့် ဇာတိရွာလည်း ဖြစ်နေတဲ့အတွက်ကြောင့် စစ်တွေကနေ ဝင်ရောက်ယှဉ်ပြိုင်ခဲ့တာပါ။

M-Media စည်းရုံးရေးတွေရော စတင်လုပ်နေပြီလား။
ဦးကျော်ငြိမ်း-  ဒီတစ်ရက် နှစ်ရက်အတွင်းမှ သွားမှာပါ။ ဟိုမှာ တစ်လလောက်သွားနေပြီးတော့ လက်ကမ်းစာစောင်ဝေတာ၊ ပိုစတာတွေချိတ်တာမျိုးတွေ လုပ်သွားဖို့ ရှိပါတယ်။ ရွာတွေမှာလိုက်ပြီး စည်းရုံးရေးဆင်းသွားမှာပါ။

M-Media မဲဆွယ်တဲ့အခါမှာရော ဘယ်လိုအချက်တွေနဲ့ မဲဆွယ်ဖို့ရှိလဲ။
ဦးကျော်ငြိမ်း-  အဓိကတော့ အန်ကယ်တို့ ကိုယ့်တိုင်းရင်းသားလူမျိုးတွေရဲ့ အခွင့်အရေးတွေကို ရရှိအောင် လုပ်ဆောင်ပေးသွားမယ်။ နောက် ရခိုင်တွေအတွက်လည်း ဘာတွေလိုအပ်ချက်ရှိလဲ၊ ဘာတွေလုပ်ပေးရမလဲပေါ့၊ သူတို့ဘက်က တာဝန်ပေးလာရင်တော့ လုပ်ပေးမှာပါ။ ရခိုင်မြေရဲ့ အဓိကလိုအပ်နေတဲ့ တည်ငြိမ်အေးချမ်းဖို့၊ ဖွံ့ဖြိုးတိုးတက်ဖို့အတွက် တစ်ထောင့်တစ်နေရာကနေ ပါဝင်လုပ်ဆောင်ပေးမှာပါ။ အန်ကယ်တို့ ကမန်က တစ်ဖက်က အစ္စလာမ်ဘာသာကိုးကွယ်တယ်။ တစ်ဖက်က ရခိုင်လူမျိုး။ အဲတော့ အဲ့နှစ်ခုကြားထဲက လုပ်လို့ရတာ အကုန်လုပ်ပေးမှာပါ။

M-Media စစ်တွေက မဲဆန္ဒရှင်တွေ အခြေအနေကရော ဘယ်လိုရှိမယ်ထင်လဲ။
ဦးကျော်ငြိမ်း-  အရင်ပုံစံကတော့ ဟိုမှာရှိတဲ့ ရခိုင်လူမျိုး မျိုးနွယ်ကြီးတွေက ကိုယ့်လူမျိုးမှ ကိုယ်မဲပေးတဲ့ပုံစံပေါ့နော်။ ဒါကရခိုင်ရဲ့ နိုင်ငံရေးပုံစံဖြစ်နေတာ။ အန်ကယ့် ဆန္ဒကတော့ လူမျိုးစွဲမထားဘဲ ဘယ်လူမျိုး ဘယ်ဘာသာကိုမဆို အရည်အချင်းရှိရင် မဲပေးသင့်တယ်လို့ထင်တယ်။

M-Media ရခိုင်ပြည်နယ်က ပဋိပက္ခတွေလည်းဖြစ်ထားတယ်၊နောက်ရေဘေးနဲ့လည်း ကြုံခဲ့ရတဲ့ နယ်မြေဖြစ်တော့ အဲ့ဒီဒေသကလူတွေရဲ့ ရွေးကောက်ပွဲအပေါ် စိတ်ဝင်စားမှုဟာ ဘယ်လောက်ရှိမယ်ထင်လဲ။
ဦးကျော်ငြိမ်း-  သူတို့မှာ အခက်အခဲတွေ အများကြီးရှိနေတဲ့အတွက် တခြားပြည်သူတွေနဲ့တော့ တူမှာမဟုတ်ဘူး။ ဒီမဲမပေးလည်း ဘာမှမဖြစ်ပါဘူးလို့ သူတို့မှတ်ယူထားကြမှာပါ။

M-Media အဲ့လိုလူတွေကိုရော မဲပေးဖို့အတွက် ဘယ်လိုလုပ်ဆောင်ဖို့ရှိလဲ။
ဦးကျော်ငြိမ်း- နိုင်ငံသားတစ်ယောက်ဖြစ်တဲ့အတွက် မိမိရဲ့ရသင့်တဲ့ အခွင့်အရေးကို အသုံးချဖို့အတွက် လိုတယ်ဆိုတဲ့ ပညာပေးမှုတွေကို လုပ်ဖို့ အစီအစဉ်ရှိပါတယ်။ တန်းဖိုးရှိအောင် အသုံးချဖို့ တိုက်တွန်းသွားဖို့လည်း ရှိပါတယ်။

M-Media- စစ်တွေကပြည်သူတွေမှာရော ဘာလိုအပ်ချက်တွေ ရှိမယ်ထင်လဲ။ သူတို့အခက်အခဲတွေရော ဘယ်လိုဖြေရှင်းပေးမလဲ။
ဦးကျော်ငြိမ်း- ရခိုင်ပဋိပက္ခဖြစ်ပြီးနောက်ပိုင်းမှာ သူတို့မှာ အစစအရာရာ ချို့ယွင်းလာပါတယ်။ ပညာရေး၊ ကျန်းမာရေး၊ နောက်မှတ်ပုံတင်ရရှိရေး ကိစ္စတွေဆို တော်တော်လေးကို အခက်အခဲရှိနေတယ်။ ပညာရေးဆိုရင်လည်း အထက်တန်းပညာကို သင်လို့မရတဲ့အဆင့်ထိရောက်နေပြီ။ အန်ကယ့်အနေနဲ့ ဒီလိုအပ်ချက်တွေကို ပြုပြင်ပေးဖို့ တာဝန်ရှိလာပြီလေ။ အကောင်းဆုံး လုပ်ဆောင်ပေးမှာပါ။ ဒီလူတွေကိုပစ်ထားလို့ မရပါဘူး။ သူတို့အတွက် ဝိုင်းလုပ်ပေးရမှာပါ။ ဥပဒေဘောင်ထဲကနေ လုပ်နိုင်သလောက် လုပ်ပေးသွားမှာပါ။

M-Media ဒီစစ်တွေမြို့နယ် မဲဆန္ဒနယ်ကနေ ယှဉ်ပြိုင်ဖို့ ကိုယ့်ကိုကိုယ် ယုံကြည်မှု ဘယ်လောက်ထိရှိလဲ။
ဦးကျော်ငြိမ်း-  ကိုယ့်ကိုကိုယ်တော့ အပြည့်အဝ ယုံကြည်ပါတယ်။ ဒေသရဲ့ အခြေအနေကိုလည်း သဘောပေါက်နားလည်ထားပါတယ်။ လူမျိုးမတူသူအချင်းချင်းလည်း ဘာပြသာနာမှလည်း ရှိလာနိုင်မှာ မဟုတ်ဘူးလို့ ယုံကြည်ပါတယ်။

M-Media – စစ်တွေလိုနေရာမှာ ပဋိပက္ခတွေလည်း ဖြစ်ထားတော့ မဲဆွယ်စည်းရုံမှုတွေ ပြုလုပ်ရင် ဘယ်လောက်ထိလုံခြုံရေးက စိတ်ချရလဲ။
ဦးကျော်ငြိမ်း- အန်ကယ် တစ်ခေါက်သွားပြီးပါပြီ။ မြို့ပေါ်မှာပဲ တည်းခဲ့တယ်။ ဘာပြသနာမှတော့ မရှိပါဘူး။ စည်းရုံးရေးဆင်းရင်လည်း ပြသာနာမရှိလောက်ပါဘူး။ လုံခြုံမယ် ထင်ပါတယ်။

M-Media – ပြိုင်ဘက်ပါတီတွေအပေါ်မှာရော စိုးရိမ်စိတ်တွေရှိလား။
ဦးကျော်ငြိမ်း-  စိုးရိမ်စိတ်တော့ မရှိပါဘူး။ အကောင်းဆုံးတော့ မျှော်လင့်ထားတာပါပဲ။ ဖြစ်မလာရင်လည်း အရှုံးတော့မရှိပါဘူး။

M-Media – ဘာများဖြည့်စွက်ပြောကြားချင်တာရှိပါသလဲ။
ဦးကျော်ငြိမ်း- အကောင်းဆုံး ကြိုးစားသွားပါမယ်။ အန်ကယ့်မဲဆန္ဒနယ်ကို သေချာလေ့လာပြီးတော့ သူတို့အတွက် ဘာကမရှိမဖြစ်လိုအပ်လဲ။ အဲဒီလိုအပ်တာကို အတတ်နိုင်ဆုံး လုပ်ဆောင်သွားမယ်။ စစ်တွေမဲဆန္ဒနယ်ကလူတွေလည်း အန်ကယ့်ကိုလေ့လာလို့ရပါတယ်။ အန်ကယ့်ကတော့ အရိုးသားဆုံးနဲ့ လုပ်နိုင်တာတွေကို ချပြသွားပါ့မယ်။ အန်ကယ့်ကို ကြိုက်နှစ်သက်ရင်တော့ မဲပေးလို့ရပါတယ်။

ဆက်စပ်ပိုစ်များ ဖတ်ရန်

• ဘာသာရေးကို အသုံးချပြီး မဲမဆွယ်ဘူးလို့ ဆိုလာတဲ့ ပန်းဘဲတန်း တစ်သီးပုဂ္ဂလ အမတ်လောင်း ဦးခင်မောင်ချို
• စစ်ကျန် ဒီမိုကရေစီကနေ စစ်မှန်တဲ့ ဒီမိုကရေစီ ရဖို့ ရွေးကောက်ပွဲဝင်မယ့် အမတ်လောင်း ဦးရန်နိုင်
• လူနည်းစုထဲက တယောက်လောက် လုပ်ပိုင်ခွင့် ပြန်ရချင်လို့ ရွေးကောက်ပွဲ ဝင်တာ (ဦးဆန်းတင်ကျော်)
• “တက်လာမယ့် သမ္မတက အရပ်သားထဲကပဲ ဖြစ်သင့်ပါတယ်” (ကမန်အမျိုးသား တိုးတက်ရေးပါတီ ဒုဥက္ကဋ္ဌ ဦးလှတိုး)
• အရည်အချင်းနဲ့ ပြောင်းလဲမယ်ဆိုတဲ့ စိတ်ရှိရင်ဖြစ် ပါပြီဆိုတဲ့ အင်းစိန်က တသီး ပုဂ္ဂလ အမတ်လောင်း ဦးလှထွန်း