ပါကစ္စတန်ရှိ မွတ်စလင်ပရဟိတအဖွဲ့ ၃၅ နှစ်ပြည့်အခမ်းအနား ကျင်းပ

အောက်တိုဘာ ၁၉၊ ၂၀၁၅
M-Media

– ပရဟိတလုပ်ငန်းများ လုပ်ဆောင်မှု ၃၅ နှစ်ပြည့် အထိမ်းအမှတ်အဖြစ် ပါကစ္စတန်မှ မင်ဟာဂျွလ်ကုရ်အာန် အင်တာနေရှင်နယ် MQI အဖွဲ့မှာ အောက်တိုဘာ ၁၇ ရက်နေ့တွင် အခမ်းအနားတစ်ခု ကျင်းပပြုလုပ်ခဲ့သည်ဟု သိရသည်။

“ဒီနေ့ဆိုရင် ကျွန်တော်တို့ဟာ ပြည်သူကို အလုပ်အကျွေးပြုလာတာ ၃၅ နှစ်ပြည့်ပြီ ဖြစ်ပါတယ်။ နောက်ပြီး ကျွန်တော်တို့ တဟ်ရီက် မင်ဟာဂျွလ် ကုရ်အာန်အဖွဲ့ဟာ ပါကစ္စတန်က ချို့တဲ့တဲ့ပြည်သူတွေကို အလုပ်အကျွေးပြုရာမှာ ဘယ်တော့မှ နှောင့်မနှေးခဲ့ပါဘူး” ဟု ပါကစ္စတန် အေ၀ါမီ တဟ်ရီးက် Awami Tehreek အဖွဲ့ ဥက္ကဌဖြစ်ပြီး MQI အဖွဲ့ကို စတင်တည်ထောင်ခဲ့သူ ဒေါက်တာ တာဟီရွလ် ကွာဒရီက ထိုအခမ်းအနားမိန့်ခွန်းတွင် ပြောကြားခဲ့သည်။

လာဟိုးမြို့တွင် ကျင်းပပြုလုပ်ခဲ့သည့် အဆိုပါအခမ်းအနားတွင် လွန်ခဲ့သည့် နှစ် ၃၀ အတွင်း အရည်အသွေးမြင့်သည့် ပညာရေးမှတစ်ဆင့် ငြိမ်းချမ်းရေးနှင့် တည်ငြိမ်အေးချမ်းရေးသတင်းစကားကို မြှင့်တင်ရန် အဖွဲ့၏ အားထုတ်လုပ်ဆောင်မှုများကို ပြန်ပြောင်း ဖွင့်ဟခဲ့သည်။

အဖွဲ့အား စတင်တည်ထောင်သူ တာဟီရွလ်ကွာဒရီ၏ ပြောကြားမှုအရ ၎င်းတို့အဖွဲ့မှာ အစ္စလာမ်၏ စစ်မှန်သော သတင်းစကားကို ကမ္ဘာတစ်ဝှမ်းသို့ အောင်မြင်စွာ ဖြန့်ချီနိုင်ခဲ့သည်ဟု ဆိုသည်။

MQI အဖွဲ့မှာ မသန်စွမ်းသော ပါကစ္စတန်ပြည်သူများအား ကူညီဖေးမပေးသည့်အပြင် ပါကစ္စတန်တွင်သာမက ကမ္ဘာတစ်ဝှမ်းတွင်ပါ အကြမ်းဖက်ဝါဒကို တိုက်ဖျက်ရေးအတွက် အဓိကအခန်းကဏ္ဍမှ ပါဝင်လုပ်ဆောင်နေသော အဖွဲ့လည်းဖြစ်သည်။

အစ္စလာမ်အား အလွဲသုံးစားလုပ်၍ ဖော်ဆောင်နေသော အကြမ်းဖက်ဝါဒကို ဆန့်ကျင်ဖြေရှင်းထားသည့် ၎င်းတို့အဖွဲ့မှ ထုတ်ဝေသော စာမျက်နှာ ၆၀၀ ပါ ဖြေရှင်းချက်တစ်ခုကိုလည်း ကမ္ဘာ့အဓိကဘာသာစကား အားလုံးနီးပါးသို့ ပြန်ဆိုခဲ့ပြီးဖြစ်သည်။.

ထိုအဖွဲ့မှာ အစ္စလာမ်သာသနာက သွန်သင်ထားသည့် ချစ်ခြင်းမေတ္တာနှင့် ငြိမ်းချမ်းရေးကိုလည်း လူအမျာသိစေရန် မြှင့်တင်ဖော်ဆောင်လျက် ရှိနေသည်။

MQI အဖွဲ့ကို ၁၉၈၀ ခုနှစ် အောက်တိုဘာလတွင် စတင်ဖွဲ့စည်းခဲ့ပြီး ပါကစ္စတန်နိုင်ငံတွင် အစိုးရမဟုတ်သော အကြီးဆုံးအဖွဲ့များတွင်လည်း တစ်ခုအပါအ၀င်ဖြစ်ကာ ငြိမ်းချမ်းရေး၊ သဟာဇာတဖြစ်ရေး၊ ဘာသာပေါင်းစုံချစ်ကြည်ရေး၊ ပညာရေးနှင့် အစွန်းရောက် အကြမ်းဖက်ဝါဒ တိုက်ဖျက်ရေးတို့ကို ဇောက်ချလုပ်ကိုင်နေသည့် အဖွဲ့လည်းဖြစ်သည်။

ထို့ပြင် အမျိုးသမီးများအား စွမ်းအားမြှင့်တင်ပေးခြင်း၊ ဖွံ့ဖြိုးတက်မှုနှင့် အသိပညာပေးလုပ်ငန်းများ၊ လူမှုဖူလှုံရေးနှင့် လူအခွင့်အရေးဆိုင်ရာ မြှင့်တင်ပေးမှုများကိုလည်း လုပ်ဆာင်နေသည်။ အစ္စလာမ့် သိပ္ပံပညာများ ပြန်လည်ထွန်းကာရေး၊ မွတ်စလင်လူ့အဖွဲ့အစည်း၏ ကိုယ်ကျင့်တရားပိုင်းဆိုင်ရာနှင့် ယုံကြည်ချက်ပိုင်းဆိုင်ရာ ကောင်းမွန်ခိုင်မာရေး၊ စစ်မှန်သည့် အစ္စလာမ့်သွန်သင်မှုများနှင့် အစ္စလာမ့်ဒဿနများကို သင်ကြားပေးရေးတွင်လည်း MQI အဖွဲ့က အင်တိုက်အားတိုက် ဆောင်ရွက်လျက်ရှိနေသည်။

ယူကေတွင်လည်း ပါကစ္စတန် ဘာသာရေးပညာရှင် တာဟီရ် အူလ်-ကွာဒရီက မင်ဟာဂျွလ်ကုရ်အာန်ဟူသည့်အဖွဲ့ကို တည်ထောင်ခဲ့သည်။ ကွာဒရီမှာ ၂၀၁၀ ခုနှစ်တွင် အကြမ်းဖက်ဝါဒနှင့် အသေခံဗုံးခွဲမှုတို့ကို ဆန့်ကျင်ကန့်ကွက်သော ဖသ်ဝါ ဓမ္မသတ်ကို ထုတ်ပြန်ခဲ့သည်။

Ref: Onislam