လူနာများအား HIV ပိုး ကူးစက်စေခဲ့သည့် ကမ္ဘောဒီးယားမှ လိုင်စင်မဲ့ဆေးမှုး ထောင်တစ်သက် ကျနိုင်

အောက်တိုဘာ ၂၁၊ ၂၀၁၅
M-Media

– ကမ္ဘောဒီးယား အနောက်မြောက်ပိုင်းရှိ ရိုကာရွာတွင် မသန့်ရှင်းသော ဆေးထိုးအပ်များကို အသုံးပြုကာ ပြည်သူ ၁၀၀ ကျော်ခန့်ကို HIV ပိုးကူးစက်စေခဲ့သည့် လိုင်စင်မဲ့ ဆေးမှူး ယမ်ချရင်ကို ယမန်နေ့က ကြားနာမှုများ ပြုလုပ်ခဲ့သည်ဟု သိရသည်။

ထိုရွာမှ ရွာသား ၈၀၀ ကို စမ်းသပ်ကြည့်ရာ ၁၀၆ ဦးမှာ HIV ပိုး ကူးစက်ခံနေရသည်ကို တွေ့ရှိခဲ့ရပြီး အသက် ၃ နှစ်မှ ၈၂ နှစ်အရွယ်အတွင်းဖြစ်ကာ ဗုဒ္ဓဘာသာ ဘုန်းကြီးတစ်ပါးလည်း ပါဝင်ခဲ့သည်။ ချရင်အား ပြည်သူများက ဒေါသဖြင့် တုန့်ပြန်မည်စိုးသောကြောင့် ပြီးခဲ့သည့်နှစ် ဒီဇင်ဘာလတွင် တာဝန်ရှိသူများက ထိန်းသိမ်းထားသည်။

လက်ရှိအချိန်တွင် ၎င်းကို HIV ပိုး တမင်တကာ ပြန့်နှံ့စေမှု၊ လူသတ်မှု၊ လိုင်စင်မရှိဘဲ ဆေးကုသမှုတို့ဖြင့် တရားစွဲဆိုထားပြီး အပြစ်ရှိကြောင်း ထင်ရှားပါက ထောင်ဒဏ် တစ်သက်တစ်ကျွန်းအထိ ကျနိုင်သည်ဟု ၎င်း၏ ရှေ့နေဖြစ်သူက ပြောကြားခဲ့သည်။

Ref: Aljazeera