နောက်တစ်ဆင့်တက်ရေး အိမ်ကွင်းမှတ်တမ်း တိုးတက်ရမည်ဟု မန်စီးတီးနည်းပြပြော

အောက်တိုဘာ ၂၁၊ ၂၀၁၅
M-Media

– ချန်ပီယံလိဂ် အုပ်စုအဆင့်ကို ကျော်ဖြတ်ချင်ပါက မိမိတို့မှာ အိမ်ကွင်းရလဒ်အား တိုးတက်အောင် ဆောင်ရွက်ရမည်ဟု မန်စီးတီးနည်းပြ ပယ်လီဂရီနီက ပြောကြားလိုက်သည်။

၂၀၁၃ ခုနှစ် ၎င်းကိုင်းတွယ်ပြီးနောက်ပိုင်းတွင် မန်စီးတီးမှာ ချန်ပီယံလိဂ် အိမ်ကွင်း စုစုပေါင်း ၉ ပွဲ၌ ၃ ပွဲသာ အနိုင်ရရှိထားပြီး ယခုနှစ် ပထမဆုံး အိမ်ကွင်းပွဲတွင်လည်း ဂျူဗင်တပ်စ်အား ၂ ဂိုး ၁ ဂိုးဖြင့် ရှုံးနိမ့်ခဲ့သည်။ လက်ရှိတွင် မန်စီးတီးမှာ အုပ်စု D တွင် ၂ ပွဲကစား ၃ မှတ် ရရှိထားပြီး ယနေ့ညတွင် အမှတ်တူနေသည့် ဆီးဗီးလားနှင့် ယှဉ်ပြိုင်ကစားရမည် ဖြစ်သည်။

“အချက်အလက်အတိအကျကိုတော့ ကျွန်တော် မသိပါဘူး။ ဒါပေမယ့် ကျွန်တော်တို့ မဖြစ်မနေ တိုးတက်ရပါမယ်။ အိမ်ကွင်းမှတ်တမ်းလည်း ကျွန်တော်မသိပါဘူး။ ဒါက ကိန်းဂဏန်း၊ ဒါမှမဟုတ် သမိုင်းတစ်ခုပါပဲ။ ဒါက ကျွန်တော်တို့ ရှုံးနိမ့်အောင်၊ အောင်နိုင်အောင်လည်း မလုပ်နိုင်ပါဘူး။ ကျွန်တော်တို့ဟာ လာမယ့်ပွဲအတွက်ပဲ စဉ်းစားရမှာပါ။ အတိတ်ကို မဟုတ်ပါဘူး။ ခြားနားတဲ့အသင်းတစ်သင်းနဲ့ ကစားရမှာဖြစ်ပြီး အနိုင်ရမယ်လို့ မျှော်လင့်ပါတယ်” ဟု ပယ်လီဂရီနီက သတင်းထောက်များအား ပြောကြားခဲ့သည်။

Ref: Goal