မြန်မာနိုင်ငံနှင့် မိမိတို့၏ ဆက်ဆံရေး ရွေးကောက်ပွဲအခြေအနေပေါ် မူတည်ဟု အမေရိကန်ပြော

အောက်တိုဘာ ၂၂၊ ၂၀၁၅
M-Media

– လာမည့်လတွင် ပြုလုပ်ရန်ရှိနေသည့် မြန်မာ့ရွေးကောက်ပွဲအား အမေရိကန်က လစ်လျူရှုမည် မဟုတ်ဘဲ၊ အနာဂတ်မြန်မာအစိုးရကို ကူညီရေးနှင့် ကျန်ရှိနေသည့် ပိတ်ဆို့မှုများ ဖယ်ရှားရေးမှာ ထိုရွေးကောက်ပွဲ လုပ်ငန်းစဉ်အားလုံးအပေါ် မူတည်နေသည်ဟု အမေရိကန် လက်ထောက်နိုင်ငံခြားရေးဝန်ကြီး ဒန်နီယဲလ် ရပ်ဆဲလ်က ပြောကြားလိုက်သည်။

ယမန်နေ့က ၀ါရှင်တန်တွင် ပြုလုပ်ခဲ့သည့် ကွန်ဂရက်အစည်းအဝေးတွင် ထိုကဲ့သို့ ပြောကြားခဲ့ခြင်းဖြစ်ပြီး ရိုဟင်ဂျာလူနည်းစုများအား မြန်မာအစိုးရက ဆက်ဆံနေမှုများကို အလွန်အမင်း စိုးရိမ်မိပြီး၊ နိုင်ငံရေးတွင် ဘာသာတရားကို အသုံးချခြင်းနှင့် အမုန်းစကားများ ဆက်လက်ပြန့်နှံ့နေခြင်းက ရွေးကောက်ပွဲနေ့များတွင် အကြမ်းဖက်မှုဆီသို့ ဦးတည်သွားနိုင်သည်ဟုလည်း သတိပေးခဲ့သည်။

“ကျွန်တော်တို့ မြင်ရတာ ကြားရတာအပေါ်မူတည်ပြီး အကဲဖြတ်သွားမှာပါ။ ရွေးကောက်ပွဲအပြီး အခြေအနေကိုလည်း ကျွန်တော်တို့ စောင့်ကြည့်သွားမှာဖြစ်ပြီး ရလဒ်ကို ပါတီအားလုံးက လက်ခံလားဆိုတာလည်း သိပ်ရေးကြီးပါတယ်။ မြန်မာအစိုးရသစ်ကို ကူညီဖို့ ကျွန်တော်တို့ရဲ့ လုပ်ဆောင်နိုင်မှု၊ ပိတ်ဆို့မှုတွေ လျော့ချပေးရေးအတွက် စဉ်းစားပေးမှုတွေဟာ ရွေးကောက်ပွဲလုပ်ငန်းစဉ်တစ်ခုလုံးမှာ အားလုံးပါဝင်နိုင်မှုနဲ့ ပတ်သက်ပြီး ကျွန်တော်တို့ရဲ့ အကဲဖြတ်သုံးသပ်မှုအပေါ်မှာ မူတည်ပါတယ်” ဟု ရပ်ဆဲလ်က ပြောကြားခဲ့ပြီး
ထိုသုံးသပ်မှုတွင် ဒေါ်အောင်ဆန်းစုကြည်၊ ရွေးကောက်ပွဲ စောင့်ကြည့်လေ့လာသူများနှင့် မီဒီယာများ၏ အသံများလည်း ပါဝင်သွားမည်ဟု ၎င်းက ထည့်သွင်းပြောကြားခဲ့သည်။

“ရွေးကောက်ပွဲကျင်းပမှုနဲ့ ရလဒ်တွေက ၂၀၁၆ နဲ့ နောက်ပိုင်းမှာ မြန်မာအစိုးရနဲ့ ကျွန်တော်တို့ရဲ့ ထိတွေ့ဆက်ဆံမှုကို အခြေခံကျကျ ပုံပေါ်စေပါလိမ့်မယ်”

နိုဝင်ဘာ ၈ ရက်နေ့တွင်ပြုလုပ်မည့် ရွေးကောက်ပွဲမှာ နှစ်ပေါင်း ၂၅ နှစ်အတွင်း လွတ်လပ်၍ တရားမျှတမည့် ရွေးကောက်ပြွဲုဖစ်မည်ဟု မျှော်လင့်နေကြပြီး လွန်ခဲ့သည့် ၄ နှစ်အရင်က စတင်ခဲ့သည့် ဒီမိုကရက်တစ် ပြုပြင်ပြောင်းလဲရေး အခြေအနေနှင့် ပြည်တွင်းငြိမ်းချမ်းရေးအတွက် အဆုံးအဖြတ်လည်း ဖြစ်လာမည်ဖြစ်သည်။

ရပ်ဆဲလ်ကမူ အဆိုပါရွေးကောက်ပွဲ အောင်မြင်မည်လားဆိုသည်ကို အာမခံ၍ မရဘဲ၊ ထင်ရှားသည့် ပြဿနာများ ဆက်လက်ရှိနေဆဲဟု ဆိုကာ ရိုဟင်ဂျာ ၇၅၀၀၀၀ ၏ မဲပေးခွင့်ဆုံးရှုံးမှုနှင့် နိုင်ငံသားဖြစ်မှု၊ နေထိုင်မှုလိုအပ်ချက်များ အကြောင်းပြကာ ကိုယ်စားလှယ်လောင်း ၇၅ ဦးကို ပယ်ချမှုတို့ကို ၎င်းက ထောက်ပြခဲ့သည်။

နိုင်ငံရေးအကျဉ်းသား ၁၀၀ ကျော်မှာ အကျဉ်းထောင်များအတွင်း ရှိနေသေးပြီး၊ ကျောင်းသားများနှင့် ဂျာနယ်လစ်များ အပါအ၀င် တက်ကြွလှုပ်ရှားသူ ၄၀၀ ခန့်မှာလည်း တရားစွဲဆိုမှုများနှင့် ရင်ဆိုင်နေရသည်ဟု ၎င်းက ထည့်သွင်းပြောကြားခဲ့သည်။

ဒန်နီယဲလ် ရပ်ဆဲလ်မှာ အမေရိကန်၏ အာရှဆိုင်ရာကိစ္စနှင့်ပတ်သက်၍ တာဝန်ရှိသူတစ်ဦးလည်း ဖြစ်သည်။

Ref: Reuters