IS ကို ထောက်လှမ်းရေး သတင်းပါ အမေရိကန်က ပေးဟု အီရတ် လက်နက်ကိုင် အဖွဲ့ပြော

အောက်တိုဘာ ၂၇၊ ၂၀၁၅
M-Media

– မိမိတို့ ဖမ်းဆီးထားသော IS အဖွဲ့မှ ခေါင်းဆောင်များက ၎င်းတို့မှာ အမေရိကန်ထံမှ ကူညီပံ့ပိုးမှုများနှင့် ထောက်လှမ်းရေးဆိုင်ရာ အချက်အလက်များ ရရှိသည်ဟု ထုတ်ဖော်ဝန်ခံထားကြောင်း အီရတ်ရှိ Hezbollah Battalions အဖွဲ့က ပြောကြားလိုက်သည်။

“မကြာသေးမီက ပြုလုပ်ခဲ့တဲ့ စစ်ဆင်ရေးမှာ ကျွန်တော်တို့ ဖမ်းဆီးရမိတဲ့ IS တပ်မှူးတွေရဲ့ ၀န်ခံမှုအရ အမေရိကန်ရဲ့ သူတို့အဖွဲ့အပေါ် ထောက်ပံ့မှုဟာ အကန့်အသတ်မရှိဘဲ လိုအပ်တာတွေ ပံ့ပိုးပေးမှုတွေအထိ ကျယ်ပြန့်တယ်လို့ သိရပါတယ်” ဟု Hezbollah Battalions အဖွဲ့၏ ပြောရေးဆိုခွင့်ရှိသူ ဂျာဖာရ် အလ်-ဟူစိန်နီက ပြောကြားခဲ့သည်။

ထို့ပြင် အမေရိကန်မှာ အီရတ်စစ်သားများ၏ တပ်စွဲရာနေရာများနှင့် ပစ်မှတ်များကိုပါ IS သို့ ထောက်လှမ်းရေးသတင်းများ ပေးပို့သည်ဟုလည်း ၎င်းက ထည့်သွင်းပြောကြားခဲ့သည်။

Hezbollah Battalions အဖွဲ့မှာ အီရတ်စစ်ပွဲမဖြစ်ခင် ၄ လအရင်က ဖွဲ့စည်းခဲ့သည့် လက်နက်ကိုင်တပ်ဖွဲ့ဖြစ်ပြီး အီရတ်စစ်ပွဲ၌ အမေရိကန်နှင့် မဟာမိတ်တပ်များကို တိုက်ခိုက်ရာတွင် ပါဝင်ခဲ့သည်။ လက်ရှိတွင်မူ အီရတ်ရှိ IS အဖွဲ့များကို တိုက်ခိုက်နေသည်။

Ref: Globalresearch