လူမည်းကျောင်းသူတစ်ဦးအား အမေရိကန်ရဲတပ်ဖွဲ့က ကြမ်းတမ်းစွာဖမ်းဆီးမှု လူ့အခွင့်အရေး ချိုးဖောက်မှုဖြင့် စုံစမ်းမည်

အောက်တိုဘာ ၂၈၊ ၂၀၁၅
M-Media

– တောင်ကယ်ရိုလိုင်းနားရှိ အထက်တန်းကျောင်းတစ်ခုတွင် လူမည်းကျောင်းသူတစ်ဦးအား လူဖြူရဲအရာရှိက မြေပြင်ပေါ်တွင် တရွတ်တိုက်ဆွဲ၍ ကြမ်းကြမ်းတမ်းတမ်း ဖမ်းဆီးမှုအတွက် FBI နှင့် အမေရိကန် တရားရေးဝန်ကြီးဌာနတို့က စုံစမ်းစစ်ဆေးမှုများ ပြုလုပ်နေသည်ဟု သိသည်။

Spring Valley အထက်တန်းကျောင်းတွင် တနင်္လာနေ့က ဖြစ်ပွားခဲ့သော အဆိုပါအဖြစ်အပျက် ဗီဒီယိုမှာ အင်တာနက်စာမျက်နှာတွင် အလျင်အမြန် ပြန့်နှံ့သွားခဲ့ပြီး ရဲတပ်ဖွဲ့မှာ ပြင်းပြင်းထန်ထန် ဝေဖန်ခံခဲ့ရသည်။ FBI အထူးအေးဂျင့် ဒေးဗစ် သောမက်စ်ကမူ မိမိတို့မှာ ထိုအဖြစ်အပျက်အတွက် လူ့အခွင့်အရေးဆိုင်ရာ စုံစမ်စစ်ဆေးမှုများကို ပြုလုပ်နေသည်ဟု AFP သတင်းဌာနသို့ ယမန်နေ့တွင် ပြောကြားခဲ့သည်။

“ဒီအဖြစ်အပျက်မှာ ဖက်ဒရယ်ဥပဒေကို ချိုးဖောက်မှု ရှိခဲ့သလားဆိုတာကို ဆုံးဖြတ်ဖို့ FBI ဟာ အချက်အလက်တွေ၊ အထောက်အထားတွေကို စုဆောင်းနေပါတယ်” ဟု သောမက်စ်က ထည့်သွင်း ပြောကြားခဲ့သည်။

ထိုအဖြစ်ပျက်အတွက် ဒီမိုကရက်တစ်ပါတီမှ သမ္မတလောင်းဖြစ်မည်ဟု ရေပန်းစားနေသည့် ဟီလာရီ ကလင်တန်ကိုယ်တိုင် ဝေဖန်ခဲ့သည်။

“စာသင်ကျောင်းထဲက အကြမ်းဖက်မှုအတွက် ဘယ်လို ဆင်ခြေမျိုးမှ မရှိပါဘူး။ ဒီလုပ်ရပ်ဟာ လက်မခံနိုင်စရာပါပဲ။ စာသင်ကျောင်းတွေဟာ လုံခြုံတဲ့နေရာ ဖြစ်သင့်ပါတယ်” ဟု ကလင်တန်က Twitter စာမျက်နှာတွင် ရေးသားခဲ့သည်။

လူမည်းကျောင်းသူအား ကြမ်းကြမ်းတမ်းတမ်း ဖမ်းဆီးခဲ့သည့် ရဲတပ်ဖွဲ့ဝင်မှာ ဘန်ဖီးလ်ဖြစ်သည်ဟု အမေရိကန် မီဒီယာများက ဖော်ပြခဲ့ကြပြီး လက်ရှိအချိန်တွင် ၎င်းမှာ တာဝန်မှ ရပ်ဆိုင်းထားခြင်းခံရကာ ရဲတပ်ဖွဲ့အတွင်း စုံစမ်းစစ်ဆေးမှုများလည်း ပြုလုပ်နေသည်။

ဘန်ဖီးလ်မှာ ၂၀၁၃ ခုနှစ်ကလည်း “လူဆိုးဂိုဏ်းတွင် ပါဝင်မှု၊ ရာဇ၀တ်မှုများ ဆောင်ရွက်မှု စွပ်စွဲချက်များဖြင့် အာဖရိကန်-အမေရိကန် ကျောင်းသားများအား တရားမဲ့စွာနှင့် အဆင်ခြင်မဲ့စွာ ပစ်မှတ်ထားဖမ်းဆီးခဲ့သည်” ဟူသော စွဲချက်များဖြင့် ဖက်ဒရယ်အဆင့်တွင် တရားရင်ဆိုင်ခဲ့ရဖူးသူဟု NBC သတင်းဌာနက ဖော်ပြခဲ့သည်။

Ref: Aljazeera