ဂီတနဲ့ သာသနာ့အရှိတရားကို ထုတ်ဖော်မယ့် ဗြိတိန် မွတ်စလင်လူငယ်

အောက်တိုဘာ ၂၈၊ ၂၀၁၅
M-Media

– မိမိ၏ သာသနာကို နှစ်နှစ်ကာကာ သက်ဝင်ယုံကြည်ပြီး ဂီတဘက်တွင် အထုံပါရမီရှိသည့် ဗြိတိန်မွတ်စလင် လူငယ်တစ်ဦးမှာ အစ္စလာမ်၏ အရှိတရားများကို ဂီတဖြင့် ကမ္ဘာတစ်ဝှမ်းဖြန့်ချီရန် ဆန္ဒရှိနေသည်ဟု သိရသည်။

“လူတွေကို အကျိုးယုတ်စေတဲ့ ဂီတမျိုးကို ကျွန်တေ်ာ မလိုချင်ပါဘူး။ ကိုယ်ကျင့်တရားပိုင်းဆိုင်ရာနဲ့ လူတွေရဲ့ နေ့စဉ်ဘ၀မှာ အကျိုးဖြစ်ထွန်းစေမယ့် အရာမျိုးတွေကိုပဲ ကျွန်တော်က ဂီတနဲ့ အသိပေးချင်တာပါ။ သီချင်းတွေနားထောင်ကြတဲ့ လူတွေ၊ အထူးသဖြင့် လူငယ်တွေကို ဂီတနဲ့ ကျွန်တော် ပြောင်းလဲချင်ပါတယ်” ဟု အမေရိကန် ရေဒီယို NPR သို့ အသက် ၁၈ နှစ်အရွယ် ဗြိတိန်မွတ်စလင်လူငယ် ပေါ့ပ်ဂီတ တေးသံရှင် ဟာရစ်ဂျေက ပြောကြားခဲ့သည်။

လန်ဒန်မြို့၏ အချက်အချာကျသော ချယ်ဆီးတွင် မွေးဖွားခဲ့သည့် ဟာရစ်မှာ အိန္ဒိယ-အိုင်းရစ်ရ်ှနွယ်ဖွားဖြစ်ပြီး အစ္စလာမ်ဓမ္မနှင့် နာမ်ပိုင်းဆိုင်ရာ ဂီတများကို ဖန်တီးရာတွင် နာမည်ကျော်သည့် Awakening Records တေးထုတ်လုပ်ရေးနှင့် စာချုပ်ချုပ်ဆိုခဲ့ပြီဖြစ်သည်။

သီချင်းဆိုရာတွင် ပါရမီပါသည့် ဟာရစ်မှာ အသက် ၅ နှစ်အရွယ်ကတည်းက ကျောင်းအခမ်းအနားများနှင့် ဘာသာပေါင်းစုံပွဲများတွင် ၎င်း၏ ဂီတစွမ်းရည်ကို ထုတ်ဖော်ပြသခဲ့သည်။

၂၀၁၃ ခုနှစ်တွင် Awakening Talent Contest သီချင်းဆိုပြိုင်ပွဲသို့ ၀င်ရောက်ယှဉ်ပြိုင်ခဲ့ပြီး အနိုင်ရဗိုလ်စွဲခဲ့ကာ Awakening Records တေးသံသွင်းနှင့် စာချုပ်ချုပ်နိုင်ခဲ့သည်။

အစ္စလာမ်သာသနာနှင့်ပတ်သက်၍ မေးမြန်းရာတွင် ဟာရစ်က “ကျွန်တော့်ရဲ့ နေ့စဉ်ဘ၀မှာ လိုက်နာကျင့်သုံးတဲ့ လမ်းစဉ်ပါပဲ။ ကျွန်တော် တစ်နေ့ ငါးကြိမ် ၀တ်ပြုတယ်။ အစ္စလာမ်ဟာ မကောင်းတဲ့ပုံစံမျိုး ပုံဖော်ခံနေရတယ်ဆိုတာ လူတိုင်း သိကြပါတယ်။ တကယ်တော့ ဒါမျိုး မဟုတ်ပါဘူး။ အစ္စလာမ်ဟာ ငြိမ်းချမ်းရေးအတွက် တိတိကျကျ ပြောထားတဲ့သာသနာပါ။ ကျွန်တော် အခက်အခဲတွေ့တဲ့အခါတိုင်း၊ သောကရောက်တဲ့အခါတိုင်း ၀တ်ပြုဆုတောင်းမှုတွေ လုပ်ပါတယ်။ ဒါဟာ ကျွန်တော့်အတွက်တော့
စိတ်သက်သာရစေတဲ့ ရင်းမြစ်တစ်ခုပါပဲ။ အစ္စလာမ်ဟာ ကျွန်တော့်ဘ၀မှာ အရေးပါတဲ့ အခန်းကဏ္ဍကနေ ပါဝင်ပါတယ်” ဟု ပြန်လည်ဖြေကြားခဲ့သည်။

ယခုနှစ် ဇူလိုင်လတွင် ဟာရစ်မှာ လန်ဒန်ရှိ နာမည်ကျော် ဂီတကောလိပ်ဖြစ်သော BRIT School of Performing Arts မှ ဘွဲ့ရခဲ့သည်။

လန်ဒန်မြို့ရှိ ရန်ပုံငွေပွဲများနှင့် တောင်အာဖရိက ဒီမိုကရေစီခေါင်းဆောင် နယ်လ်ဆင် မင်ဒဲလား အောက်မေ့ဖွယ် ဖျော်ဖြေမှုများ၌ပါ ဟာရစ်မှာ သွားရောက်ဖျော်ဖြေခဲ့ရသည်။ World Music Trends အဖွဲ့ကမူ ဟာရစ်အား “ကမ္ဘာ့ အစ္စလာမ့်ဂီတနယ်ပယ်ကို ရိုက်ခတ်မည့် အနုပညာရှင်” ဖြစ်သည်ဟု ကင်ပွန်းတပ်ခဲ့သည်။

“ကမ္ဘာကြီးအတွက် ကျွန်တော်ပေးချင်တဲ့ သတင်းစကားကတော့ ကျွန်တော်တို့ အယူဝါဒက တိမ်မြုပ်နေတဲ့ သဘောတရားတွေ၊ ယုံကြည်ချက်တွေကို ကျွန်တော်ဟာ ဖော်ထုတ်ပြချင်တယ် ဆိုတာပါပဲ။ အဲဒီ အယူဝါဒဟာ နေ့စဉ်သတင်းတွေမှာ မြင်နေရတဲ့ ပုံစံမျိုး မဟုတ်ဘူးဆိုတာ ပြဖို့ ကျွန်တော် ကြိုးစားနေပါတယ်။ ဒီအယူဝါဒဟာ ငြိမ်းချမ်းနဲ့ ချစ်ခြင်းမေတ္တာကိုဖော်ကျူးတဲ့ အယူဝါဒပါ။ အပြုသဘောဆောင်တဲ့ ခြားနားမှုမျိုးကို ကျွန်တော် လုပ်ပေးချင်ပါတယ်” ဟု ဟာရစ်ဂျေက ပြောကြားခဲ့သည်။

ဆွမ်ဆီးတွင် အခြေစိုက်သည့် Awakening တေးသံသွင်းက တေးသံရှင် ဆာမီယူဆွတ်ဖ်ကို ၂၀၀၃ ခုနှစ်တွင် စာချုပ်ကာ အစ္စလာမ့်ဓမ္မတေးများကို ဖြန့်ချီခဲ့ပြီးနောက်ပိုင်း အနောက်နိုင်ငံရှိ လူငယ်များကြားတွင် အစ္စလာမ့်ဂီတမှာ ရေပန်းစားလာခဲ့သည်။

အဆိုပါ တေးသံသွင်းမှာ ၂၀၀၈ ခုနှစ်တွင် နာမည်ကျော် အဆိုတော် မဟာရ် ဇိန်နှင့်လည်း အစ္စလာမ်ဓမ္မတေးများကို ဖန်တီးဖြန့်ချီခဲ့ပြီး ယခုအချိန်အထိ ကမ္ဘာတစ်ဝှမ်း လူကြိုက်များနေဆဲဖြစ်သည်။ မဟာရ် ဇိန်၏ ပထမဆုံး အလ်ဘမ် Thank You Allah မှာ အစ္စလာမ်ကမ္ဘာတွင် အလွန်လူကြိုက်များခဲ့ပြီး ဒုတိယ အလ်ဘမ်ဖြစ်သော Forgive Me မှာလည်း နာမည်ကြီးခဲ့သည်။

Ref: Onislam