ဂရိသို့ ဥရောပ၏ ငွေကြေးအကူအညီ မူလကထက် လျော့မည်

နိုဝင်ဘာ ၁၊ ၂၀၁၅
M-Media

– ဂရိအကြွေးပြဿနာ ဖြေရှင်းရန်အတွက် ယူရိုဇုန်မှ တတိအကြိမ်မြောက် ပေးအပ်မည့် ငွေကြေးအကူညီမှာ ကနဦး သတ်မှတ်ထားသည်ထက် လျော့နည်းမည်ဟု ဥရောပ ဗဟိုဘဏ်က ယမန်နေ့ညပိုင်းတွင် ပြောကြားလိုက်သည်။

မူလက ယူရို ၈၆ ဘီလီယံ ပေးအပ်သွားမည်ဟု လျာထားသော်လည်း ဂရိဘဏ်များ၏ အခြေအနေကို စောင့်ကြည့်မှုအရ ၎င်းတို့မှာ ငွေကြေးအရင်းအနှီး များများစားစား မ,တည်ရန် မလိုအပ်တော့သည်ကို တွေ့ခဲ့ရသည်ဟု ဆိုသည်။

ဂရိမှာ အကြွေးပြဿနာကြောင့် ပြီးခဲ့သည့်လများအတွင်း နိုင်ငံတကာ အကြွေးရှင်များနှင့် အကြိတ်အနယ် ဆွေးနွေးမှုများ ပြုလုပ်ခဲ့ရပြီး ပြည်တွင်း၌လည်း မငြိမ်မသက်မှုများ ဖြစ်ပွားကာ ဥရောပသမဂ္ဂမှ ထွက်လုနီးနီး ဖြစ်ခဲ့သည်။

Ref: Channelnewsasia