နိုင်ငံခြား အလုပ်သမားများ နေထိုင်ရန် အဆင့်မြင့်မြို့တော်ကို ကာတာဖွင့်လှစ်

နိုဝင်ဘာ ၂၊ ၂၀၁၅
M-Media

– ၂၀၂၂ ကမ္ဘာ့ဖလားပြိုင်ပွဲအတွက် တည်ဆောက်ရေးလုပ်ငန်းများကဲ့သို့ ကြီးမားသည့် စီမံကိန်းများတွင် လာရောက်လုပ်ကိုင်ကြသည့် နိုင်ငံခြား အလုပ်သမားများ အဆင့်အတန်းမြင့်မြင့် နေထိုင်ရန် “အလုပ်သမား” မြို့တော်တစ်ခုကို ကာတာတွင် ဖွင့်လှစ်လိုက်သည်ဟု သိရသည်။

ကာတာ၏ Special Engineering ရုံးမှ ဆောက်လုပ်ပြီး ကန်ဒေါ်လာ ၈၂၅ သန်း ကုန်ကျခဲ့သည့် အဆိုပါ အလုပ်သမားမြို့တော်မှာ ဒိုဟာမြို့ အပြင်ဘက်တွင် ရှိပြီး အလုပ်သမား ၇ သောင်း နေထိုင်နိုင်မည်ဖြစ်သည်။

ယမန်နေ့က ပြုလုပ်ခဲ့သည့် ဖွင့်ပွဲအခမ်းအနားသို့ ၀န်ကြီးချုပ် အဘ်ဒူလာ ဘင် နက်ဆီရ် အလ်-သာနီ၊ အလုပ်သမားဝန်ကြီး အဘ်ဒူလာ အလ်-ခူလိုင်ဖီတို့ တက်ရောက်ခဲ့ကြသည်။ အလ်-ခူလိုင်ဖီက နိုင်ငံခြားအလုပ်သမားများ လူနေမှုအဆင့်အတန်းမြင့်မြင့် နေထိုင်ရေးမှာ မိမိတို့၏ ဦးစားပေးဖြစ်သည်ဟု ယခင်က ပြောကြားခဲ့ဖူးသည်။

အဆိုပါ “အလုပ်သမားမြို့တော်” မှာ စကွဲယားကီလိုမီတာ ၁,၁၀၀,၀၀၀ ကျယ်ဝန်းပြီး နိုင်ငံခြားအလုပ်သမား ၂၆၀၀၀၀ ကို နေရာထိုင်ခင်းပေးရန်အတွက် ကာတာအစိုးရက ဆောက်လုပ်ရန် စီစဉ်ထားသည့် အလုပ်သမားမြို့တော် ၇ ခုမှ ပထမဆုံးတစ်ခု ဖြစ်သည်။

အဆိုပါမြို့တော်တွင် လူနေအိမ်ယာ၊ ဖျော်ဖြေရေးနှင့် စီးပွားရေးဒေသ ဟူ၍ အပိုင်းနှစ်ပိုင်း ပါဝင်မည်ဖြစ်ပြီး လူပေါင်း ၁၇၀၀၀ ၀င်ဆံ့သည့် ကဇာတ်ရုံတစ်ခုလည်း ထိုမြို့တွင် ထည့်သွင်း တည်ဆောက်ပေးထားသည်။ ဆိုင်ခန်းပေါင်း ၂၀၀ ပါဝင်သည့် ဈေးတစ်ခုလည်း ရှိပြီး ရုပ်ရှင်ရုံ ၄ ရုံနှင့် ခရစ်ကက်ကွင်းတစ်ကွင်းလည်း ထားရှိပေးထားသည်။

နိုင်ငံရှိ ဒုတိယအကြီးဆုံး ဖြစ်သည့် ဗလီတစ်လုံးအပါအ၀င် ထိုအလုပ်သမားမြို့တော်တွင် ဗလီဝတ်ကျောင်းတော် ၂ လုံးကိုလည်း ဆောက်လုပ်ပေးထားသည်။

လူနေအိမ်ယာဘက်ခြမ်းတွင် အိမ်ယာ ၅၅ ခု၊ ၀တ်ပြုရာ နေရာများ၊ ကားပါကင်များနှင့် ဆေးခန်းတစ်ခုလည်း ရှိနေသည်။ အဆိုပါ အလုပ်သမားမြို့တော်တွင် အများပြည်သူသုံး တယ်လီဖုန်းနှင့် Wi-Fi အသုံးပြုနိုင်မည့် စင်တာများကိုလည်း တည်ဆောက်ပေးထားသည်။

လက်ရှိအချိန်အထိ နီပေါ၊ အိန္ဒိယ၊ သီရိလင်္ကာနှင့် ဗီယက်နမ်နိုင်ငံမှ အလုပ်သမားများ နေထိုင်နေကြပြီး လူနေအိမ်ယာများ၏ ၄၀ ရာခိုင်နှုန်းမှာ လစ်လပ်နေဆဲဖြစ်သည်။

လုံခြုံရေးအတွက်မူ အလုပ်သမားမြို့တော်အတွင်း ရဲစခန်းနှစ်ခု ထားပေးထားကာ လုံခြုံရေးကင်မရာများကိုလည်း နေရာအနှံ့ တပ်ဆင်ထားသည်။ ကာတာနိုင်ငံမှာ ၂၀၂၂ ကမ္ဘာ့ဖလားအတွက် အားကစားရုံများနှင့် ဟိုတယ်များကို အကြီးအကျယ် ဆောက်လုပ်နေသည်။

Ref: RT