မိမိသာလျှင် အကောင်းဆုံးဟု ရော်နယ်ဒိုပြော

နိုဝင်ဘာ ၂၊ ၂၀၁၅
M-Media

– ၂၀၁၅ ခုနှစ်တွင် မက်ဆီ၏ စွမ်းဆောင်ရည်ကောင်းများက မိမိအား ထိခိုက်စေလိမ့်မည် မဟုတ်ဘဲ မိမိသာလျှင် ကမ္ဘာ့အကောင်းဆုံး ဘောလုံးသမား ဖြစ်သည်ဟု ရီးယဲလ်တိုက်စစ်မှူး ရော်နယ်ဒိုက ပြောကြားလိုက်သည်။

လာလီဂါတွင် ခါးသီးသော ပြိုင်ဘက်အသင်း ၂ သင်း၌ ကစားနေသည့် ရော်နယ်ဒိုနှင့် မက်ဆီတို့မှာ ကမ္ဘာ့အကောင်းဆုံး ဘောလုံးသမား နေရာကိုလည်း ပြိုင်လုနေရပြီး ပြီးခဲ့သည့် ၂ နှစ်တာအတွင်း ရော်နယ်ဒိုက မက်ဆီကို ကျော်ဖြတ်ကာ ကမ္ဘာ့အကောင်းဆုံး ဘောလုံးသမားဆု Ballon d’Or ဆုကို ရရှိခဲ့သည်။ မက်ဆီမှာမူ ယခုနှစ်အတွင်း ဘာစီလိုနာနှင့် ဖလား ၃ လုံး ရယူနိုင်ခြင်း အပါအ၀င် အောင်မြင်မှုသရဖူ ဆောင်းနိုင်ခဲ့သည်။

“ဒါတွေက ကျွန်တော့်အတွက် အနှောက်အယှက် မဖြစ်ပါဘူး။ လွန်ခဲ့တဲ့ ၈ နှစ်အတွင်း ကျွန်တော့်ရဲ့ စွမ်းဆောင်ရည်ကို ကြည့်ရင် ကျွန်တော်ဟာ အမြဲတမ်း ထိပ်ဆုံးမှာပဲ ရှိပါတယ်။ ပြီးတော့ ဒီလို ရှိနေဖို့ဆိုတာလည်း ခက်ခဲပါတယ်။ ဒီလိုဖြစ်အောင် လုပ်နိုင်တဲ့ ကစားသမား တစ်ယောက်တစ်လေလောက်ကို ပြောပြပါလား။ အဲဒါဆိုရင် နံပါတ် ၁၊ ဒါမှမဟုတ် နံပါတ် ၂ ဖြစ်တာ၊ ဖလားရတာ၊ မရတာတွေက သိပ် အရေးမပါတော့ပါဘူး။ ခင်ဗျားအတွက်တော့ မက်ဆီက အကောင်းဆုံး ဖြစ်နိုင်ပါတယ်။ ကျွန်တော့်ခေါင်းထဲမှာတော့ ကျွန်တော့်က အကောင်းဆုံးပါပဲ” ဟု ရော်နယ်ဒိုက ပြောကြားခဲ့သည်။

Ref: Goal