မက်ဆီမလိုကြောင်း ဘာကာ သက်သေထပ်ပြ၊ ရီးယဲလ်တို့ ဇယားကို ဆက်ဦးဆောင်နေတဲ့ လာလီဂါပွဲစဉ် ၁၀

နိုဝင်ဘာ ၃၊ ၂၀၁၅
M-Media

– ဒီတစ်ပတ် လာလီဂါမှာတော့ ရီးယဲလ်တို့ အစ္စကို၊ ရော်နယ်ဒိုနဲ့ ဂျီဆီတို့ရဲ့ ပထမပိုင်း သွင်းဂိုးတွေနဲ့ တန်းတက် လက်စ်ပါလ်းမက်စ် အသင်းကို အနိုင်ကစားပြီး ရှုံးပွဲမရှိစံချိန်ကို ဆက်ထိန်းကာ လာလီဂါကို ဦးဆောင်နေဆဲပါပဲ။

မက်ဆီမရှိရင် ဂိုးရဖို့မလွယ်ဖူးဆိုတဲ့ ဝေဖန်မှုတွေကို ဆွာရက်ဇ်နဲ့ နေးမာတို့က ချေဖျက်ပြနေတဲ့ ဘာကာလည်း ဒီတစ်ပတ်မှာ ဂီတာဖေးကို သူတို့နှစ်ယောက်ရဲ့ သွင်းဂိုးတွေနဲ့ ၂ ဂိုးပြတ် အနိုင်ရခဲ့ပါတယ်။ ပြီးခဲ့တဲ့တစ်ပတ်ကမှ ရီးယဲလ်ကို ပထမဆုံးရှုံးခဲ့တဲ့ ဆလ်တာဗီဂိုဟာ ဆိုစီဒက်ကို ၂ ကြိမ်တိုင်တိုင် နောက်က လိုက်ကစားခဲ့ရပြီး ၃ ဂိုး ၂ ဂိုးနဲ့ အနိုင်ရကာ ထိပ်ဆုံးက ၂ သင်းကို ဆက်လက် ဖိအားပေးထားနိုင်ပါတယ်။

နောက်ပိုင်းပွဲတွေမှာ တောက်လျှောက်ခြေစွမ်းပြလာတဲ့ ဆီးဗီးလားကတော့ ဒီတစ်ပတ်မှာ ဗီလာရီးယဲလ်ကို အကြိတ်အနယ် ကစားနိုင်ခဲ့ပေမယ့် ၂ ဂိုး ၁ ဂိုးနဲ့ ရှုံးနိမ့်ခဲ့ပါတယ်။ အက်သလက်တီကိုကတော့ ဦးဆောင်ဂိုး သွင်းနိုင်ခဲ့ပြီး ထိန်းမထားနိုင်တာကြောင့် ဒီပို့တီဗိုကို သရေကျခဲ့ပြီး ၃ ပွဲဆက် အနိုင်ရမယ့် အခွင့်အရေးကို လက်လွှတ်ခဲ့ရပါတယ်။
ဒီတစ်ပတ် လာလီဂါပွဲစဉ် ၁၀ ရလဒ်များကတော့ အောက်ပါအတိုင်းဖြစ်ပါတယ်။

ဒီပို့တီဗို ၁-၁ အက်သလက်တီကို
ရီးယဲလ် ၃-၁ လက်စ်ပါးလ်မက်စ်
ဗလင်စီယာ ၃-၀ လီဗန်တေး
ဗီလာရီးယဲလ် ၂-၁ ဆီးဗီးလား
ဂီတာဖေး ၀-၂ ဘာစီလိုနာ
ရီးယဲလ်ဆိုစီဒက် ၂-၃ ဆဲလ်တာဗီဂို
အိုက်ဘာ ၁-၀ ဗယ်လက်ကာနို
အက်စပန်ညို ၁-၁ ဂရာနာဒါ
စပို့တင်းဂီဂျွန် ၁-၀ မာလာဂါ
ရီးယဲလ်ဘက်တစ် ၁-၃ ဘီဘာအို