ဂျပန်ရှိ ဟိုကိုင်းဒိုးကျွန်းက မွတ်စလင်ခရီးသွားများအား ဆွဲဆောင်ရန် ပြင်ဆင်နေ

နိုဝင်ဘာ ၅၊ ၂၀၁၅
M-Media

– မွတ်စလင်ခရီးသွားများအား စွဲဆောင်နိုင်ရန်အတွက် ဂျပန်နိုင်ငံရှိ ဟိုကိုင်းဒိုးကျွန်းက မလေးရှား၏ ဟာလာကဏ္ဍ ဖွံ့ဖြိုးတိုးတက်မှု ပူးပေါင်းဆောင်ရွက်ရေးအဖွဲ့ HDC နှင့် ဆက်သွယ်ကာ ကျွန်း၏မြို့တော် ဆက်ပ်ပိုရိုအား “မွတ်စလင်များ ပျော်မွေ့သည့်နေရာ” အဖြစ် ပြုလုပ်ချင်နေသည်ဟု သိရသည်။

ဆက်ပ်ပိုရိုမြို့ရှိ ဒေသတွင်း အစားအသောက်များကို မွတ်စလင်ခရီးသွားများ၏ ယဉ်ကျေးမှုနှင့် ကိုက်ညီအောင် ဆောင်ရွက်သည့် စီမံကိန်း အကြီးအကဲ နိုဇိုမီ အိုတာက မွတ်စလင်ခရီးသွားများအတွက် မိမိတို့မြို့တွင် ၀တ်ပြုဆောင်များ တိုးချဲ့ဆောက်လုပ်ပေးခြင်း၊ ဟာလာအစားအသောက်များ ရရှိနိုင်သည့် စားသောက်ဆိုင်များစာရင်းအား ရိုက်နှိပ်ထုတ်ဝေပေးခြင်းတို့ကို စတင်ဆောင်ရွက်နေသည်ဟု ပြောကြားခဲ့သည်။

“ကျွန်မတို့ ဆက်ပ်ပိုရိုမြို့က အစားအသောက်တွေကို ကြိုက်နှစ်သက်ပြီး၊ လုံခြုံမှုရှိတယ်လို့ ခံစားရမယ်လို့မျှော်လင့်ပါတယ်။ HDC နဲ့ ကျွန်မတို့ ပူပေါင်းလုပ်ဆောင်သွားမှာဖြစ်ပြီး ဟာလာအစားအသောက်နဲ့ပတ်သက်ပြီး သင်ယူဖို့ ဒီကလူတစ်ချို့ကိုလည်း မလေးရှားကို လွှတ်သွားမှာပါ” ဟု အိုတာ ပြောကြားခဲ့သည်။

မြို့အတွင်း၌ ဖွင့်လှစ်ရောင်းချနေသော စားသောက်ဆိုင်များမှ ဆိုင်ပေါင်း ၃၀ ခန့်ကို မွတ်စလင်များ စားသောက်နိုင်သည့် ဆိုင်များအဖြစ် ဒေသန္တရ အစိုးရက အသိအမှတ်ပြုပေးခဲ့ပြီး ထိုစားသောက်ဆိုင်များနှင့် ပတ်သက်၍ အွန်လိုင်းစာမျက်နှာတွင်လည်း ၀င်ရောက်ကြည့်ရှုနိုင်မည်ဖြစ်သည်။

အိုတာနှင့် သူမ၏ အဖွဲ့မှာ အရှေ့တောင်အာရှရှိ မွတ်စလင်ခရီးသွားဈေးကွက်ကို ဂျပန်နိုင်ငံသို့ ဆွဲခေါ်နိုင်ရန်အတွက် အင်ဒိုနီးရှားရှိ ဟာလာ လုပ်ငန်းများနှင့်လည်း ဆက်သွယ်ဆောင်ရွက်မှုများ ပြုလုပ်နေသည်။

၂၀၁၃ ခုနှစ် ဒီဇင်ဘာလတွင် ဂျပန်နိုင်ငံသို့ လာရောက်လည်ပတ်သည့် မလေးရှားနိုင်ငံသားဦးရေမှာ ၂၈၅၀၀ ရှိခဲ့ပြီး ၂၀၁၂ ခုနှစ် ထိုအချိန်ကထက် ၆၅.၅ ရာခိုင်နှုန်း တိုးတက်လာခြင်းဖြစ်သည်။

Ref: Muslimvillage