ဘိုင်ယန်အရှုံးအတွက် အသင်းကို ၀င်းဂါး ဝေဖန်

နိုဝင်ဘာ ၅၊ ၂၀၁၅
M-Media

– ယနေ့မနက်က ဘိုင်ယန်မြူးနစ်အသင်းနှင့် ကစားခဲ့သည့် ချန်ပီယံလိဂ် အုပ်စုပွဲ ကစားပုံအတွက် အာဆင်နယ်နည်းပြ အာဆင်ဝင်းဂါးက အသင်းအား ပြင်းပြင်းထန်ထန် ဝေဖန်လိုက်ပြီး မိမိ၏ အသင်းကိုပင် မမှတ်မိတော့ဟု ပြောကြားခဲ့သည်။

ပြီးခဲ့သည့် အုပ်စုပွဲစဉ် ၃ တွင် ဘိုင်ယန်အား အိမ်ကွင်း၌ ၂ ဂိုး ဂိုးမရှိဖြင် အနိုင်ရရှိခဲ့သည့် အာဆင်နယ်မှာ ယနေ့ အဝေးကွင်းပွဲစဉ်၌ ၅ ဂိုး ၁ ဂိုးဖြင့် အရှက်တကွဲ ရှုံးနိမ့်ခဲ့ရသည်။ ထို့ကြောင့် အုပ်စုပွဲစဉ် ၄ ပွဲကစားပြီးချိန်တွင် အာဆင်နယ်မှာ ၃ ပွဲအထိ ရှုံးထားပြီး ရမှတ် ၃ မှတ်ဖြင့် အုပ်စု F တွင် အောက်ဆုံးရောက်ရှိနေကာ နောက်တစ်ဆင့်တက်ရေးအတွက် အခွင့်အလမ်း နည်းသွားပြီဖြစ်သည်။

“ဘိုင်ယန်ကိုတော့ သူတို့ရဲ့ အရည်အသွေးအတွက် ကျွန်တော်တို့ ချီးကျူးရပါလိမ့်မယ်။ ဒါပေမယ့် ကျွန်တော်တို့ အညှာလွယ်သွားခဲ့တာပါ။ တိုက်စစ်မှာတင်မဟုတ်ဘဲ၊ ခံစစ်မှာလည်း ကျွန်တော်တို့ သိပ်ကို ဆိုးရွားခဲ့ပါတယ်။ ကျွန်တော့်အသင်းကို မှတ်တောင်မမှတ်မိပါဘူး” ဟု ၀င်းဂါးက ပွဲအပြီးတွင် ပြောကြားခဲ့သည်။

အုပ်စုကျွတ်ရေးအတွက်မူ ၀င်းဂါးက “နောက်တစ်ဆင့်တက်ဖို့အတွက် အခွင့်အရေးကတော့ ရှိနေတုန်းပါပဲ။ အခွင့်အရေးက သိပ်ပြီး သေးငယ်ပါတယ်။ ဒါပေမယ့် အဲဒါက စစ်မှန်တဲ့ အခွင့်အရေးပါ” ဟု ၎င်းက ထည့်သွင်းပြောကြားခဲ့သည်။

Ref: Goal