အစိုးရဖွဲ့ခွင့်ရလျှင် မိမိမှာ သမ္မတအထက်တွင် ရှိသွားမည်ဟု ဒေါ်အောင်ဆန်းစုကြည်ပြော

နိုဝင်ဘာ ၅၊ ၂၀၁၅
M-Media

– မိမိတို့ အမျိုးသားဒီမိုကရေစီအဖွဲ့ချုပ်ပါတီ NLD က ရွေးကောက်ပွဲတွင် အနိုင်ရရှိပါက မိမိမှာ သမ္မတအထက်မှ လူအဖြစ် နေသွားမည်ဟု မြန်မာ အတိုက်အခံခေါင်းဆောင် ဒေါ်အောင်ဆန်းစုကြည်က ပြောကြားလိုက်သည်။

ယခုလ ၈ ရက်နေ့တွင် ပြုလုပ်မည့် ရွေးကောက်ပွဲတွင် NLD ပါတီက အနိုင်ရမည်ဟု ကျယ်ကျယ်ပြန့်ပြန့် ခန့်မှန်းမှုများ ရှိနေသော်လည်း အခြေခံဥပဒေတွင် နိုင်ငံခြားသား ဇနီး၊ ခင်ပွန်း သို့မဟုတ် သားသမီးရှိသောသူမှာ သမ္မတဖြစ်ခွင့် မရှိဟု ကန့်သတ်ထားမှုကြောင့် ဒေါ်အောင်ဆန်းစုကြည်မှာ သမ္မတဖြစ်မလာနိုင်ပေ။

ရွေးကောက်ပွဲမတိုင်ခင် သူမ၏ နောက်ဆုံးဖြစ်သည့် ရန်ကုန်သတင်းစာရှင်းလင်းပွဲတွင် ဒေါ်အောင်ဆန်းစုကြည်က “တကယ်လို့ ကျွန်မတို့နိုင်ရင် NLD က အစိုးရကို ဖွဲ့မယ်။ ကျွန်မက သမ္မတရဲ့အထက်မှာ ရှိမှာပါ။ ဒါက အရှင်းဆုံး စကားပါပဲ” ဟု ပြောကြားခဲ့ပြီး ထိုအခြေအနေမျိုးကို ဖွဲ့စည်းပုံ အခြေခံဥပဒေက တားမြစ်ထားခြင်းမရှိဟု သူမက ထပ်လောင်းပြောကြားခဲ့သည်။

၂၀၀၈ ဖွဲ့စည်းပုံအခြေခံဥပဒေအရ ပြည်သူ့လွှတ်တော်၊ အမျိုးသားလွှတ်တော်နှင့် တပ်မတော်သားကိုယ်စားလှယ်တို့မှ သမ္မတလောင်း ၃ ဦး၏ အမည်စာရင်းကို တင်သွင်းရမည်ဖြစ်ပြီ့း ပြည်ထောင်စုလွှတ်တော်မှ သမ္မတကို မဲစနစ်ဖြင့် ရွေးချယ်မည်ဖြစ်သည်။ ၎င်းတို့ ၃ ဦးထဲမှ မဲအများဆုံးရသူမှာ သမ္မတ ဖြစ်လာမည်ဖြစ်ပြီး ကျန်နှစ်ဦးမှာ ဒုတိယသမ္မတများ ဖြစ်မည်ဖြစ်သည်။

ပြည်သူ့လွှတ်တော်နှင့် အမျိုးသားလွှတ်တော် ၂ ရပ်တွင် အပြတ်အသတ် အနိုင်ရသည့် ပါတီက သမ္မတလောင်းများ၏ အမည်စာရင်းကို တင်သွင်းနိုင်မည်ဖြစ်ပြီး ပါတီဥက္ကဌ ဒေါ်အောင်ဆန်းစုကြည်က NLD ၏ သမ္မတလောင်းအဖြစ် မည်သူအား ရွေးချယ်မည်ဆိုသည်ကို ရှင်းရှင်းလင်းလင်း မသိရှိရသေးပေ။

Ref: CNN