Facebook
နိုဝင်ဘာ ၆၊ ၂၀၁၅
M-Media
– ဖိလစ်ပိုင်လက်ဝှေ့ကျော် ပက်ကွီအိုနှင့် ထိုးသတ်ရန် နောက်ဆုံး သဘောတူညီချက်ကို ဗြိတိန်နာမည်ကြီး လက်ဝှေ့သမား အမီရ်းခန်းက လက်မှတ်ရေးထိုးခဲ့ပြီး ၎င်းတို့ နှစ်ဦး၏ပွဲမှာ လာမည့်နှစ် ဧပြီ ၉ ရက်နေ့တွင် ဖြစ်လာမည်ဟု သိရသည်။
အမေရိကန်ပြည်ထောင်စု လက်စ်ဗီးဂက်စ်၌ ထိုးသတ်သွားမည်ဖြစ်ပြီး ထိုပွဲမှာ နိုင်ငံရေးလောကထဲသို့ ခြေစုံပစ်ဝင်ရန် တာဆူနေသည့် ပက်ကွီအို၏ နောက်ဆုံးပွဲလည်း ဖြစ်လာနိုင်သည်။ အမီးရ်ခန်းမှာ ပက်ကွီအိုအား အနိုင်ရခဲ့သည့် မေ၀ယ်သာနှင့် ထိုးသတ်ရန် ၂ နှစ်ကြာ ကြိုးစားခဲ့သော်လည်း မေ၀ယ်သာက ၎င်းအား ရှောင်၍ အန်ဒရေဘာတိုနှင့် ထိုးသတ်ကာ လက်ဝှေ့လောကမှ အနားယူသွားခဲ့သည်။
မေ၀ယ်သာနှင့်ပွဲမတိုင်ခင် ရရှိခဲ့သည့် ပုခုံးဒဏ်ရာကြောင့် အနားယူနေရသည့် ပက်ကွီအိုမှာ လာမည့်နှစ်တွင် ကြိုးဝိုင်းထဲသို့ ပြန်လည်ဝင်ရောက်မည်ဟု သတင်းများထွက်ပေါ်လာပြီးနောက်ပိုင်း အမီးရ်ခန်းမှာ ပက်ကွီအိုနှင့် ထိုးသတ်ခွင့်ရရန် ကြိုးစားခဲ့ပြီး စောစောပိုင်းက ၎င်းတို့ပွဲမှာ ဒူဘိုင်းတွင် ဖြစ်မည်ဟု သတင်းထွက်ခဲ့သေးသည်။
Ref: Dailymail
M-Media on Twitter
M-Media Tube
Comments