မော်ရင်ဟို၏ ပွဲအားတုန့်ပြန်မှု လုံးဝ ခြားနားတော့မည်

နိုဝင်ဘာ ၇၊ ၂၀၁၅
M-Media

– ပြီးခဲ့သည့် တစ်ပတ်ကျော် ၀က်စ်ဟမ်းအသင်းနှင့်ပွဲ အပြုအမူကြောင့် ကွင်းအတွင်းသို့ ၀င်ရောက်ခွင့် တစ်ပွဲ ပိတ်ပင်ခံထားရပြီးနောက် မိမိအနေဖြင့် ပွဲအားချဉ်းကပ်မှုကို လုံးဝပြောင်းလဲသွားမည်ဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

ထိုပွဲတွင် ဒိုင်လူကြီးကို ဆဲရေးတိုင်းထွာခဲ့သောကြောင့် မော်ရင်ဟိုမှာ ပွဲကစားချိန်အတွင်း ကွင်းအတွင်းမှ ထုတ်ပယ်ခံခဲ့ရပြီး ကွင်းလယ်ဒိုင်လူကြီး ဂျွန် မို့စ်၏ အစီရင်ခံစာတွင်လည်း ထိုကိစ္စကို ထည့်သွင်းဖော်ပြခဲ့သောကြောင့် FA က မော်ရင်ဟိုအား ကွင်းအတွင်းသို့ ၀င်ရောက်ခွင့် တစ်ပွဲ ပိတ်ပင်ခဲ့သည်။

“ပွဲမှာ ကွင်းအတွင်းက ထုတ်ခံခဲ့ရပြီး နောက်ပိုင်းမှာလည်း ကွင်းအတွင်းဝင်ရောက်ခွင့် ပိတ်ပင်ခံခဲ့ရပါတယ်။ ဒါဟာ ကျွန်တော့်အလုပ်ကို ရပ်တန့်လိုက်တာပါပဲ။ ဒီအဖြစ်အပျက်က ကျွန်တော့်ကို ပြောင်းလဲစေခဲ့ပါတယ်။ အားလုံးကို ပြောင်းလဲပစ်လိုက်တာပါ။ အဲဒီအတွက် ကျွန်တော့်ရဲ့အဖြေကတော့ ကျွန်တောဟာ အရင်ကနဲ့ မတူတော့ဘူး ဆိုတာပါပဲ။ ပွဲနဲ့ပတ်သက်ပြီး ကျွန်တော့်ရဲ့ပါဝင်မှုက လုံးဝ ခြားနားသွားတော့မှာပါ” ဟု မော်ရင်ဟိုက သတင်းထောက်များအား ပြောကြားခဲ့သည်။

Ref: Goal