IS၊ ဒရုန်းဖြင့် တိုက်ခိုက်မှုနှင့် စီအိုင်အေ၏ ငြှင်းပမ်းမှုအကြောင်းကို စနိုးဒင် ထပ်မံဖွင့်ချ

နိုဝင်ဘာ ၇၊ ၂၀၁၅
M-Media

– အမေရိကန် အမျိုးသား လုံခြုံရေးအေဂျင်စီ၏ လျှို့ဝှက်ချက်များကို ဖော်ထုတ်မှုအတွက် မိမိအနေဖြင့် သက်တောင့်သက်သာရှိသည်ဟု NSA ၀န်ထမ်းဟောင်း အက်ဒ၀ပ် စနိုးဒင်က ဆွီဒင်သတင်းစာ Dagens Nyheter နှင့် အင်တာဗျူးတွင် ပြောကြားလိုက်ပြီး စီအိုင်အေ၏ ညှင်းပန်းနှိပ်စက်မှုများ၊ IS အဖွဲ့နှင့် အမေရိကန်ထောက်လှမ်းရေး၏ လျှို့ဝှက်စောင့်ကြည့်မှု အစီအစဉ်များကိုလည်း ထပ်မံဖွင့်ချခဲ့သည်။

စနိုးဒင်မှာ လွန်ခဲ့သည့် ၂ နှစ်ခွဲမှ စတင်ကာ NSA မှ အထာက်အထားများကို မီဒီယာများသို့ ဖွင့်ချခဲ့ခြင်းဖြစ်ပြီး ၎င်း၏ ဖွင့်ချမှုကြောင့် အမေရိကန်အစိုးရက လျှို့ဝှက်ပြုလုပ်နေသော ထောက်လှမ်းရေးအစီအစဉ်များကို ကမ္ဘာကြီးက သိရှိခဲ့ရသည်။ လက်ရှိတွင် စနိုးဒင်မှာ ရုရှားနိုင်ငံ မော်စကိုမြို့တွင် နေထိုင်နေသည်။

အင်တာဗျူးတွင် စနိုးဒင်က အမေရိကန်အစိုးရနေဖြင့် ၎င်းတို့၏ အမှားများကို ဖြေရှင်းခြင်းထက် အရှက်တကွဲအကျိုးနည်းဖြစ်မှုကို ရှောင်ရှားရန် ထိုအမှားများအား ဖုံးကွယ်ခဲ့သည်ဟု အပြစ်တင်ခဲ့သည်။ စီအိုင်အေ၏ ငြှင်းပန်းနှိပ်စက်မှုများနှင့်ပတ်သက်၍လည်း အမေရိကန်အစိုးရက ကိုင်တွယ်မှုမှာ ရူးနှမ်းသည့်ပုံစံမျိုး ဖြစ်နေသည်ဟု ဆိုသည်။

“စီအိုင်အေက ၀န်ထမ်းတွေဟာ ဒီကိစ္စနဲ့ပတ်သက်ပြီး ဖွင့်ချချင်တဲ့ အနေအထားတွေ ရှိနေပါတယ်။ ဒါပေမယ့် သူတို့က စိတ်လေးနေကြတယ်။ တစ်ချို့တွေဆိုရင် သူတို့မြင်နေတွေ့နေရတာတွေကို မခံစားနိုင်တော့လို့ ပြောင်းရွှေ့ပေးဖို့တောင် တောင်းဆိုကြတာတွေ ရှိပါတယ်။ ဒါနဲ့ပတ်သက်ပြီးလည်း သူတို့ တစ်ခုခု လုပ်ချင်ကြပါတယ်။ ဒါပေမယ့် အဲဒီ ကျင့်ဝတ်ဖောက်ဖျက်မှုတွေကို ဖွင့်ချဖို့ လမ်းကြောင်းဖော်ပေးရမယ့်အစား တကယ့်လက်တွေ့မှာတော့ စီအိုအေက ဒီကျူးလွန်မှုတွေကို မှတ်တမ်းမတင်ဖို့ပဲ လုပ်ခိုင်းနေပါတယ်” ဟု စနိုးဒင်က ပြောကြားခဲ့သည်။

ဒရုန်းကိစ္စ

အောက်တိုဘာလတွင် Intercept ၀ဘ်ဆိုက်က ယီမင်၊ ပါကစ္စတန်နှင့် အာဖဂန်တို့တွင် အမေရိကန်မှ ပြုလုပ်နေသော ဒရုန်းလေယာဉ်များဖြင့် တိုက်ခိုက်မှုများမှာ ပစ်မှတ်ထားသူများထက် ပြည်သူများကိုသာ ပိုမိုသေဆုံးစေခဲ့သည်ဟု လျှို့ဝှက်မှတ်တမ်းမျာကို ကိုးကား၍ ဖော်ပြခဲ့ပြီး စနိုးဒင်ကမူ ဒရုန်းလေယာဉ်ဖြင့် တိုက်ခိုက်ခြင်းမှာ တိကျသည့် သတင်းများဖြင့် ပြုလုပ်ခြင်းမဟုတ်ဘဲ ဖုန်းခေါ်ဆိုမှု အချက်အလက်ဖြင့်သာ တိုက်ခိုက်ခြင်းဖြစ်သည်ဟု ဆိုသည်။

“အကြမ်းဖက်သမားက ဖုန်းကိုင်တာလား၊ သူ့အမေက ဖုန်းကိုင်တာလား သူတို့မသိပါဘူး။ ဒါ့ကြောင့်ပဲ သူတို့ရဲ့ တိုက်ခိုက်မှုတွေက လွဲချော်ခဲ့တာဖြစ်ပြီး မင်္ဂလာဆောင်တွေကို သွားသွားထိနေတာပါ။ ဒရုန်းနဲ့ပတ်သက်တဲ့ စာရွက်စာတမ်းတွေကို ကျွန်တော် မြင်ရတဲ့အခါ ဒီကိစ္စဟာ တစ်နှစ်တာအတွက် အရေးကြီးတဲ့ လုံခြုံရေး ကိစ္စလားလို့တောင် ကျွန်တော့်စိတ်ထဲမှာ မရှိခဲ့ပါဘူး”

ထို့ပြင် စနိုးဒင်က ဒရုန်းဖြင့်တိုက်ခိုက်ခြင်းမှာ အကြမ်းဖက်သမားများကို လျော့မသွားစေဘဲ ပို၍ပင် များပြားလာစေသည်ဟု ထည့်သွင်းပြောကြားခဲ့သည်။

IS လည်း အမေရိကန်လက်ချက်

IS နှင့်ပတ်သက်၍လည်း စနိုးဒင်က ထိုအယူအဆမျိုးပင် ရှိနေပြီး အမေရိကန်က ကျူးကျော် သိမ်းပိုက်ခြင်း မပြုမီ IS အဖွဲ့မှာ မရှိဟု ဆိုသည်။

“လက်ရှိ အရှေ့အလယ်ပိုင်းမှာ ကြုံတွေ့နေရတဲ့ အကြီးဆုံးခြိမ်းခြောက်မှု (IS) က ကျွန်တော်တို့ရဲ့ ကိုယ်ပိုင်ပေါ်လစီကနေ ပေါ်ထွက်လာတာပါ” ဟု စနိုးဒင်က ပြောကြားခဲ့သည်။

ထို့ပြင် အမေရိကန်မှာ စိတ်ခံစားမှုအတွက်သာ စဉ်းစားပြီး အသိအဥာဏ်ကို အခြေမခံဘဲ အဓိပ္ပါယ်မရှိသည့် တုန့်ပြန်မှုမျိုးကိုသာ ပြုလုပ်ခဲ့ခြင်းဟု ဆိုသည်။

Ref: RT